( مقتطفاتي )
 

[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
الشعر مجموعة أحاسيـس وشْعـور=من فيضها جفـت محابيـر الاقـلام
سحر(ن) على الصفحات للناس منثور=يجذب بْقوه..كلـه احسـاس وانغـام
تجيه والخاطر مـن الهـم مكسـور=وإلى قريت مْن اعذبه راااحت احـلام
راحت همومك وانشرح صدرك سْرور=اعلاج نفسي من قديمـات الاعـوام [/poem]

[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ودّي أطقطق على الكيبورد واتْسلّى=عسانـي القـى معاكـم مايسلينـي
مره أجيكم سعيده وخاطـري فلّـى=ومره أجيكم ودمعي في طرف عيني
ياالله بشعر(ن) جزيلٍ يشفي العلّـى=عذبٍ يداوي خفوقـي والشرايينـي [/poem]

[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يحسب إنه لاهجرني ضاقـت الدنيـا علـي=مادرى كثر الجفا من حضرته يجبر عزاي
والله إني لو بغيـت أجرجـره مثـل الطلـي=بس أشوفه مايناسب لي ولا مـن مستـواي [/poem]

[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
عيني على الجوال لا ضـاق صـدري=لعـل ياتـي مـن طرفكـم رسـالـه
حدي افكر ليـش؟ وشلـون ؟مـدري=والمنتظـر يانـاس ياشيـن حـالـه
مَـفْرق غروب الشمس من صبح فجري=ومـا يدْلَـه المشتـاق لوكثـر مالـه
يامـن يخبرنـي وهوياخـذ أجـري؟=عن غايب(ن)منيـة حياتـي وصالـه [/poem]

[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
أناقصيدي هو ونيسـي والدفاتـر والقلـم=لاضاق صدري جيتها وسميت بالله وابتديت
وبعثرت همي بالقلم واوجاع قلبـي والألـم=وبديت ارتّبهاعلى هيئةقصيده بيـت بيـت
[/poem]

[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
نجووم...الليل ...ماينفع...انْبَـدّل؟=واجي..,مرّه...مكااانك... طاوعيني
عشان..اشووف..مَنْ..عيني..تودّه=لعلّ..النووم... يَنْجُوم......إيهَنِينِي
أحَسْبْ...اني...على الفرقى قويّـه=طَلَعْت أضْعَف من الطفل الحزينـي [/poem]

[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
أرامكو... عيّـت علينـا ...الاجـازه=والشوق ماااله في رصيـده ولايـوم
عزي لمن لـهْ عنـد الَنْـذال عـازه=حتى لو..انّهْ شيخ!!عاجـز ومحكـوم
ورضيت غصب وْجاني العلـم طـازه=وماصار لي في شوف أهل نجد مقسوم [/poem]

[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ياصاحبي أغليك والناس يـدرون=على الشرف ماهوب خلف الستاره
دايم على كيفي وحاضر وممنـون=وأنا على كيفك ورهـن الاشـاره
كفي بكفـك بنتعاهـد ولانْخـون=ترى المواجه ياحبيبـي شطـاره
للود عند أهل الوفاء ذوق وفْنون=وانصار فيمن لا يَعَرْفـه خسـاره
وغلاي أنا وياك وافي ومضمـون=شامخ تربع فوق عرش الصـداره [/poem]

[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
غصب(ن) عليه ياهَل الشرقيه=أعيش معكم رغم ماني هاوي
ربي كتبكم غصب مو بيديـه=والا خفوقي والهوى نجداوي
[/poem]

[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ودي أطلع على سطح القمر مـرّه=يايبه شوف من يقـدر يودينـي؟
يمكن أعيش مبسوطـه ومستـرّه=ويمكن أندم..على نزوة شياطيني
بَاتَمنى علـى كيفـي وانا..حـرّه=ومن سراب الخيال أكتب عناويني
والله إني لبعض البوح مضطـرّه=وان نزف خافقي كثرت دواويني!!
[/poem]

[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
الصيف مقبل! وكلنا نعشق الصيـف=ويقول شوفي ويـن ودك تروحيـن
تخيّري ما بيـن باريـس وجْنيـف=واللي تبينه أبشـري وش تودّيـن
قلت:انكانها بامري على الود والكيف=ودي بنجد ومالـي بْغيرهـا عيـن [/poem]

[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
في غاية الشوق والله يعلم..ابحالـي=والقلب لاعه سموم الوقت والفرقـا
اسبوع غايب وأنا ف/الغربه..إلحالي=والعين تشكي علي بدموعهـا غرقـا
سفرة عمل! بس أشوف انوقتها طالي=والإنتظار أحرق..افيوز الحشا حرقـا [/poem]

[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ياحمام(ن) تعلـى فـي سمانـا وحـام=وجاب لي الرسايل من سما المرسلـي
جاب لي القصايد فـي رمـوز الكـلام=ودي أفهم عليها وإن فهمـت أخجلـي
وإن بغيت أتسلـى قلـت هـذا حـرام=وإن بغيـت الحقيقـه قلـت مايُعْقَلـي
كان شعري عجبكـم غايتـي والمـرام=كل شاعـر يحـاول يكسـب الأولـي
ودي أهدي قصيدي وأرسلـه ياحمـام=وانثر العطر فوقـه والحلـى والحُلِـي
واحذري يالقوافي مـن كثيـر المـلام=واعلمي الحاجب أعلى والرموش أسفلي
[/poem]

[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ياللي اتهمتوني تقولوا شاعـر=وشلون شاعر واللقب أنثااااوي
وشلون شاعر رغم هالمشاعر=أنثى عريقه والأصل نجداااوي [/poem]

[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
البارحـه نومي(مُجمّع)كوابيـس==حسبي عليها ياكثر ما ازعجتنـي
أقوم واقعد واتعوّذ مـن ابليـس=لكن صراحه ياسعـود ارهقتنـي
ومن عقبها زادت علي الهواجيس=نوم الفلس نومي بَعَد ماغزتنـي [/poem]

[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
إلى غاااب عني كنّها غاابت الشمـس=الليـل عنـدي والنهااار..امتسـاوي
الغالي اللي كل هرجـه معـي همـس=أشفق عليـه وُهـو عليّـه..شفـااوي
هذا وهُو ما غاااب عن عيني الا أمس=أنا أشهد إن ماااني على البعد قاااوي [/poem]

[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
سلمولي علـى نجـد لا جيتـوه=وعلّموه إني استانس إلى جيتـه
وعلّموه إنـي أحبّـه وعلّمـوه=أعْشقه واعْشَْق ارضه وشاريته
ودي اقضي بـه العمـر كلبـوه=وماحصللي علـى مـا تمنيتـه
يفزّ له ضامـري كلمـا طـروه=واسبق ادموع عينـي بتنهيتـه
يا فهـد لعنبـو البعـد لعنبـوه=وش طراة العمر والموت تاليته
واتحلّى الصبر والصبر قد سمّوه=سرّ مفتاح الفرج لـو تقاسيتـه
في هوى نجد أنا ما علي مشروه=لو كتبت القصايد فيـه مَْوفيتـه [/poem]

[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
أنا خفوقي لَعْذب الشعـر ضامـي=وُدي بشعر(ن) عذب يروي خفوقي
قضيت لي فترة مـرح وانسجامـي=واليـوم تـوّي للقصايـد بفوقـي
فترة مـرح ماجـت ولا فالمنامـي=أروت ظمى كبدي وبلّت..اعروقـي [/poem]

[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
عُذراً عيوني لو تكسّـر هدبكـي=رقّ العواطف من مساوىء طباعي
وعُذراً خْدودي حرّ دمعي حرقكّـي=واحفاك بالمنديل لمسـة صْباعـي
يانفس باسـم الله طفـي لهبكـي=لاتْحمليني فوق قـدر استطاعـي
عواطفي صارت رهاين صدفكـي=مرّه فرح,مرّه حـزن والْتياعـي [/poem]

[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
أقول أنارويان لوكنـت عطشـان=وأقول أناشبعـان لوكنـت جايـع
وأقول أنالابـس ولوكنـت عريـان=أودعت سدي من يحفـظ الودايـع
مانفسي الافـي سفينـه وقبطـان=يسوقها فـي جـو ممتـع ورايـع
وأشكي عليه أسرارقلبي علشـان=أرتاح من بعض الوجع والوجايـع
وانشدعلى موج البحربعض الالحان=أبيات شعري دون شاري وبايـع [/poem]

[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يالحمام الزاجل انقللي رسالـه=يااااافديتك يالحمام انقل خبرها
خذ قصيدي لا وصلته عند بيته=ذكره ببيات شعري وانذكرهـا
وإنشد أبياتي على صوتك بلحنٍ=مثل نغمات الوتر يطرب سمرها [/poem]