در الغمـــــــــــام!
الأخوة مشرفو وأعضاء ومرتادو منتديات المرقاب ،،،
السلام عليكم ،،،،،،، ورقة خريفية ،،،سقطت من أشجار الذكريات ,, مر السحاب وكل عين تراعيه رعده يصيح وبارقه ما استراحي كل يروف له وكل يناديه وقامت على وبله نيام البراحي فزت على شوفه عطاشى صحاريه وصم الصفا اللي من عنا الوقت طاحي كل بدت تحيا بشوفه امانيه والليل يستبشر قدوم الصباحي حتى معاويد السواني تناجيه شامت لبراقه رقاب الطياحي أرخى هماليله وزاد الرجا فيه وكل تعشم فالشراب القراحي وقدام لا يمطر ويسقي ظواميه هب الهبوب وفرقته الرياحي الله وكبر ضيع الحلم راجيه ودر الغمام اللي على الخد ساحي وكل رجع في همه اللي يعانيه وكسر الجناح ولا بقا لو جناحي أخيرهم من كن حزنه بخافيه هذا يصيح وذاك زاد النواحي واللي نظر في حال غيره يعزيه الحلم ضاع وزودن الجراحي كل بكا لحظة فراقه لغاليه يكود أنا ما دمع عيني سلاحي أصبر ونا قلبي به النار تكويه وخطي عليه ولا طلبت السماحي مانيب من يطرد سراب ويرجيه أموت وحيا ما رجيت الضحاحي ألا ليا نامت يديني بياديه دمي يحلل له وذبحي مباحي قلبي رماح الود ما هيب تخطيه ويا حبني لطعون هاك الرماحي رجاي فلي مابعد خاب راجيه مده ولا مد اليدين الشحاحي |
[align=center]أرخى هماليله وزاد الرجا فيه
وكل تعشم فالشراب القراحي وقدام لا يمطر ويسقي ظواميه هب الهبوب وفرقته الرياحي الله وكبر ضيع الحلم راجيه ودر الغمام اللي على الخد ساحي الله الله سالم الرويس صح لسانك شاعر مبدع وقصيده تروي ظما وتشفي ذائقه لاهنت[/align] |
رجاي فلي مابعد خاب راجيه
مده ولا مد اليدين الشحاحي الله أكبر ونعم الرجاء أخوي سالم علاقتك مع السحاب والأمطار والإبداع وطيدة وأزلية صدقني وبدون مجاملة أنني لازلت أهيم إعجاباً وأعيش انبهاراً مع قصيدتك خالدة الذكر ( جهى المطر سافي الغرمول مارشه) منذ قراءتي الأولى لها في ( الجزيرة) إلى وقت قراءتك هذه السطور , خصوصاً ختامها المسكي : لي حاجةٍ في تقا الأيام منخشة لاجابها لي زماني ياخذ الباقي أعود للقصيدة وأقول صح لسانك على هذه الصورة الشعرية المتكاملة والسيناريو المرسوم بطريقة احترافية . لي فقط تساؤل حول قولك ( أرخى هماليله) ثم أتبعتها ب ( قدام لايمطر) لم تتضح لي الصورة جيداً ! وتقبل فائق الشكر والتقدير |
كل بدت تحيا بشوفه امانيه
والليل يستبشر قدوم الصباحي حتى معاويد السواني تناجيه شامت لبراقه رقاب الطياحي أرخى هماليله وزاد الرجا فيه وكل تعشم فالشراب القراحي الله يغيث البلاد والعباااد والله ان حتى طاري المطر خير وبركه صح لسانك ولا هنت |
مانيب من يطرد سراب ويرجيه
أموت وحيا ما رجيت الضحاحي ألا ليا نامت يديني بياديه دمي يحلل له وذبحي مباحي قلبي رماح الود ما هيب تخطيه ويا حبني لطعون هاك الرماحي الله الله الله عليك ,, صح لسانك ياسالم وسلم فكرك ,, مبدع ولله درك .... تقبل متابعتي واعجابي اخوووكـ ... |
رجاي فلي مابعد خاب راجيه
مده ولا مد اليدين الشحاحي الله الله الله يا سالم القصيده رائعه لكن البيت هذا لحاله ولا يهونون باقي الابيات :) صح لسانك صح لسانك صح لسانك |
ألا ليا نامت يديني بياديه
دمي يحلل له وذبحي مباحي الله الله الله يا سلام ابدعت ذكرتني بلحن اغنية يا صاحبي ماني مراعي مهاداة اما ارضني والا اجفني واستخيري حضورك رااائع ومتميز لاهنت احتراااامي و ج د |
رجاي فلي مابعد خاب راجيه
مده ولا مد اليدين الشحاحي ياسلام ياسلام ياسلام شاعرنا ./ سالم الرويس ., مبدع .. جزل .. ونص جميل صح لسانك تقبل مروري |
سالم الرويس
الله الله يامبدع صح لسانك قصيده رائعه تستحق الاعجاب سلمت ولاهنت تحياتي |
اقتباس:
الله الله الله عليك اخوي سالم الرويس صح السانك مدد بلا عدد هنا شعر وابداع يروي الذائقه دمت ودام راسك كل الود لك |
سالم جعلك سالم
وصح لسانك وعلا شانك اخووك |
حياك يبو محمد وحي ماجبت
مبطين عنك ياراجل وشلونك وشلون الامور عندك اتمنى ان تكون بصحة جيدة وبالنسبة للقصيدة تعرف ريي طال عمرك مبدع دائما الله لايضرك مانيب من يطرد سراب ويرجيه أموت وحيا ما رجيت الضحاحي صح كلك ولاهنت اخوك |
الأخ /تركي محمد العتيبي
شكرا لتواصلك صح بدنك دمت بخير |
سالــم الرويــس
والله العظيم ابداااااااع وامتاااااااع لله درك ياسالم وسلمت من كل شر صح لساااااانك :) |
مرحبا والله ومسهلا يا سالم الرويس
يا اخي انت شاعر مدهش اي والله وتقدم درر ثمينه ابداعك مميز فكر وتركيب وترتيب ماشاء الله عليك وصح لسانك مدد ، .. |
قلبي رماح الود ما هيب تخطيه
ويا حبني لطعون هاك الرماحي رجاي فلي مابعد خاب راجيه مده ولا مد اليدين الشحاحي الله الله الله يامرحبا والله ياسالم .. وصح لسانك .. صح لسانك .. صح لسانك دائماً تكتب بأبداع .. ونحن نقرأ بأعجاب ,, تحياتي |
الله الله الله الله الله
ياسالم مبدع ومبدع ومبدع لله درك انت وشعرك اخوووووووك |
قلبي رماح الود ما هيب تخطيه
ويا حبني لطعون هاك الرماحي رجاي فلي مابعد خاب راجيه مده ولا مد اليدين الشحاحي صح لسانك يا سالم وأهنيك على هذا الشموخ والتألق,,,,, |
أخي /فراج بن فهد الدوسري
مرحبا بك علاقتك مع السحاب والأمطار والإبداع وطيدة وأزلية لاشك أن السحاب والمطر من أكثر عناصر الطبيعة إغراء ،ليس للشعراء فقط بل لكل كائن حي ،ولهذا أحببته وما زلت لا أريد الانعتاق من هذه العلاقة العذرية الفطرية ! لكن السحاب ليس دائما كما رسمته في شعري كاذبا !بل قد يصدق ،وقد يكون أصدق من يصدق ،لكن مواعيد البشر هي الكاذبة ،خاصة من يهمك أمره منهم ! صدقني وبدون مجاملة أنني لازلت أهيم إعجاباً وأعيش انبهاراً مع قصيدتك خالدة الذكر ( جهى المطر سافي الغرمول مارشه) منذ قراءتي الأولى لها في ( الجزيرة) إلى وقت قراءتك هذه السطور , خصوصاً ختامها المسكي : لي حاجةٍ في تقا الأيام منخشة لاجابها لي زماني ياخذ الباقي لا شك أن رأيك بهذه القصيدة ،يزيدها جمالا ،ويشرف صاحبها ما ذكرته من جميل الكلام والاحساس بها ! أعود للقصيدة وأقول صح لسانك على هذه الصورة الشعرية المتكاملة والسيناريو المرسوم بطريقة احترافية . لي فقط تساؤل حول قولك ( أرخى هماليله) ثم أتبعتها ب ( قدام لايمطر) لم تتضح لي الصورة جيداً ! أن تريد أن تقول أن الهماليل تعني المطر ،وهذا لاشك صحيح ،لكن ما أردته هو أن وهم المطر وصل لحد أن يطلق عليه هذه الصفة الممطرة ،لكنه كسراب يحسبه الضمآن ماء !فالبصر يراه مطرا ،ورائحته توهم بالمطر ،لكنه مع كل هذا الايهام فاجأ منتظره بخيبة الأمل في السقيا ! وتقبل فائق الشكر والتقدير |
أخي /المسري
صح بدنك شكرا للتواصل دمت بخير |
أخي /ياسر العتيبي
صح بدنك شكراعلى التواصل دمت بخير |
الأخ /تركي البادي
شكرا على التواصل صح بدنك صح بدنك صح بدنك دمت بخير |
| جميع الأوقات بتوقيت GMT +3. الساعة الآن 03:24 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية