((.. عقب التقدّم والنصر والفتوحات .. نرجع ورى واللي تحتنا غدى فوق .. ))
السلام عليكم ورحمة الله وبركاته
قصيده لا تحتاج الى مقدمات .. ::::::::::::::::::::::::: [poem=font="Arial,4,black,bold,normal" bkcolor="transparent" bkimage="" border="none,4,gray" type=0 line=1 align=center use=ex num="0,black"] يا سعود كيف اكتب بيوت ٍ رقيقات = ماهوب وقت الحب والغرم والشوق شعري مترجم للهموم الثقيلات = يحكي قضايا مجتمع صابه العوق عقب التقدّم والنصر والفتوحات = نرجع ورى واللي تحتنا غدى فوق ياما تحملنا كثير الاهانات = والحق ضايع واصبح الصوت مخنوق وعندي سؤال ٍ للعروبه عن الآت = اليا متى والثوب يا ناس مشقوق لأجل اليهود .. الغرب عبر المحيطات = ساق الجيوش الباغيه عندنا سوق يحمي بها اسرائيل عن كل غرّات = ومن يعترضها بالصواريخ مسحوق والقدس تستنجد بنا بس هيهات = وغزه تصيح وتشكي الآم و حروق ولبنان تنزف بين حزب وميليشيات = ترجي متى الاجواء في لحظة تروق وبغداد تبكي دم سبّة عصابات = الشعب يذبح ظلم والنفط مسروق وماهو أمرْ وأدهى خبيث الرسومات = ترسم بها اللي معتلي كل شاهوق محمد رسول الله عليه الصلوات = اعداد ما نبتت خزامى ورقروق ساس الطهاره والنقا والفضيلات = مخلوق ما مثله من الناس مخلوق سيد ولد آدم وختم الرسالات = وباب النبوّه عقب ما مات مغلوق اشلون ما نرخص له الروح والذات = واشلون ما نفزع وللفزعه نتوق ليه التقاعس ليه نرضى المذلات = نسكت لو ان الراس من فوق مطقوق شطار نستنكر ونعمل دعايات = لكن بدون أفعال ما غير منطوق تدرون ليه الدّين في قلبنا مات = وماتت مشاعرنا ولا عندنا حقوق كره الممات وحبنا للملذات = اضعف عقيدتنا ولا يمكن نفوق الله يا عصر ٍ مضى بالبطولات = وينك يا سيف الله ووينك يا فاروق تنصر رسول الدين عن كل شمّات = وحنا نجر الصوت مَعْ كل طاروق يا سعود كيف اكتب بيوت ٍ رقيقات = والحق ضايع واصبح الصوت مخنوق[/poem] :::::::::::::::::::::::::: وسلامتكم اخوكم .. حسن بن علي الهاجري |
حجز فاخر بحجم ابداعك :)
|
حسن
صح لسانك مبدع الله يعز الاسلام والمسلمين تقديري |
شطار نستنكر ونعمل دعايات = لكن بدون أفعال ما غير منطوق
ارررررررررررررررحب يابوعلي وصح لسانك ملاييييييييييييييييييين شاعر جزل من الوزن الثقيل وللأسف هذا حال امة الاسلام |
ابو علي
صح السانك وشكراً على هذه الفاتنه جمع الله شمل المسلمين ..على الطاعة |
الله الله الله الله
ياسلام ياسلام شكراً لشاعر القديرحسن بن علي الهاجري عـــلى ذا الابداع الــراقي من شاعر جزل تقبل تحياتي وتقديري اخـــــوك... حسين الدوسرى |
صح السااااااانك ملاااااايييييين يابوعلي
والله يصلح حال الأمة اخوك |
الشاعرالقدير
حسن بن علي الهاجري ابداع بكل ماتعني الكلمه بتلك الشامخه صح الساننك وعلا شانك احترامي |
صح لسااانك يابو علي
ولا هنت |
يا سلام عليك يا بو علي
والله يعز الاسلام والمسلمين وينصرهم صح لسانك ودمت بخير |
0
اي والله كيف يابو علي ؟؟؟؟؟ قصيده جمعت بها هموم الامه الاسلاميه 0 صح لسانك 000 صح لسانك000 صح لسانك 000 صح لسانك000 وابيض وجه يابوعلي0000000 تقبل مروري البسيط بحق هذه الشامخه ودمت بخير 0 |
صح لسانك يالهاجري
|
الرائع/ حسن بن علي
شكرا لكل هذه الشاعريه المتدفقه مبدع ياحسن لاهنت وصح لسانك تقبل تحياتي |
بسم الله
الغااالي حسن الهاجري هم كبير وقصيده ذات مضمون وهدف فلله درك وصح لساااااااانك ولك الود اخوووك |
حسن الهااجري
عزالله ان الواقع مؤلم وصورته بطريقه ابداعيه لله درك وصح لساااانك |
حسن على الهاجري
اللهم صلي على سيدنا محمد والله انك رائع ولامست الجرح وابدعت واجزلت وآلمت وباقى اقول صح لسانك والله لايضرك |
لله درك ودر هذا الشعر ياحسن الهاجري
لقد أختصرت القضية وقد صدقت في بيتين : تــدرون لـيـه الـدّيـن فــي قلبـنـا مــات وماتـت مشاعـرنـا ولا عنـدنـا حـقـوق كــــره الـمـمــات وحـبــنــا لـلـمـلــذات اضـعـف عقيـدتـنـا ولا يـمـكـن نـفــوق تشخيص واقعي وسؤال وإجابة منطقية لافض فوك |
ارررررررحب يابو على
الله الله يامبدع صح لسانك مليون ولا يكفون قصيدة وافيه وجزله من شاعر جزل ومبدع سلمت ولاهنت ياستاذى تحياتي |
صح الله لسانك على القصيدة والتوقيع أيضا :)
وجعل ربي يجزاك خير ويثيبك ان شاء الله وفقك الله |
تــدرون لـيـه الـدّيـن فــي قلبـنـا مــات
وماتـت مشاعـرنـا ولا عنـدنـا حـقـوق كــــره الـمـمــات وحـبــنــا لـلـمـلــذات اضـعـف عقيـدتـنـا ولا يـمـكـن نـفــوق ابوعلي كبيييييييييييييييييييييييييييييييييييير والكبير الله هنا اختصرت الحاله كامله ! صح الله لسانك واسلم وسلّم :) |
تــدرون لـيـه الـدّيـن فــي قلبـنـا مــات
=============== وماتـت مشاعـرنـا ولا عنـدنـا حـقـوق كــــره الـمـمــات وحـبــنــا لـلـمـلــذات ============= اضـعـف عقيـدتـنـا ولا يـمـكـن نـفــوق ياسلام ياسلام ياسلام يا ابو علي قصيده في مجملها رائعه جداً لكن البيتين اعلاه قمه في التشخيص الصحيح للمشكله صح الله لسانك يا ابو علي على هذا الابداع والتميز تحياتي |
فهد بن دلباح .. الله يحجزلك في جنة الخلد ويوفقك
بانتظار مرورك وتشريفك |
| جميع الأوقات بتوقيت GMT +3. الساعة الآن 12:41 PM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية