قصيدة احب ان اشارككم بها
 

السلام عليكم ورحمة الله وبركاتة

هذه القصيدة القيتها في حفل زواج أخي الشاب / فهد بن مقبل بن بديد العضياني
29/1/1429هـ
اتمنى ان تنال إعجابكم

[poem=font="Simplified Arabic,5,black,bold,normal" bkcolor="transparent" bkimage="" border="groove,5,red" type=1 line=0 align=center use=ex num="1,blue"]
بسم من بمره تلوح البروق ويرزم الرعاد=خلقنا له سجدنا له عبدنا مانعبد غيره
الا يالله تحمانا من الأشرار والحساد= ياخالق خلقك وعندك مصير العبد تدبيره
ياباسط سبع يارافع سبع ماشيدت بعماد=عظيم الشأن يالرحمن يالله تكتب الخيره
بعدها قدمي بيوت القصائد حبلها ينقاد= ليا حان الوعد بيت الشعر ماقبل معاذيره
وانا والفضل لله ماحسبت حساب طول الماد=سبحت ابحوره وعندي تفنن في تصاخيره
قبل تلحقني الشرهه من العراف والنقاد=اصدرها ذهب والماس ماصدرت قصديره
سلام الله سلام الله سلامٍ زاد مسكه زاد=بنفح العود والعنبر وبالكادي تباهيره
سلام الله عليكم يارجالٍ تكسر الأضداد=نهاراً تبرق اسيوفه وعج الخيل تغبيره
حظرت وجيت تشريف وعلى التوقيت والمعياد=لجل من زاد في قلبي غلاه وزاد تقديره
عسى مبروك والليله تراها ثالث الأعياد=حظرت ومن غلاك القلب يامكثر تعابيره
تهاني صادقه وافراحنا لك مالها عداد=وهذا الموعد اللي له تسابقنا تباشيره
عسى ربي يوفقكم ويسعدكم بخير أسعاد=اقوله يافهد والك الفرح ماصف تصاويره
ازف لك التهاني بالورود ومن صميم افؤاد=والبّسها عقود الشعر تبقى للعرب سيره
لجل شخصك ولجل انك عزيز وللفخر حصّاد=قدم رجلك على درب الفخر تتعب مشاويره
كسبت المرجله والمرجله تبغى تعب وجهاد=كسبت الطيب يوم الكف ماتحسب مخاسيره
الك في هامة العليا على وسق السنام اشداد=بنيت من الوفاء بيت وبنيت من الكرم ديره
حفيد بديد عدٍّ للرواء يقطع ضماء الوراد=مثل هداج تيما في وروده في مصاديره
لونه مات يبقى اسمه مع الأحفاد للأحفاد=كسب كلمة نعم والنعم يتعبهم مداويره
ولال الرجل في دنياه غير الجود للأجواد=معاريف الرجال اغنى من البنك ودنانيره
لون الوقت هذا مختلف عن ماضي الأجداد=زمانٍ ماعرفناله ويامكثر معاصيره
وهم الناس جمع المال وصار السم فالأكباد=وكلٍ مشغله وقته وكلٍ سائق بعيره
لكن مالي ومال الناس بيتينٍ طرت وش عاد=وكثر الهرج مايثمر وخير الهرج تقصيره
سلام الله سلام الله سلامٍ زاد مسكه زاد=بنفح العود والعنبر وبالكادي تباهيره
عسى مبروك والليلة تراها ثالث الأعياد=اقوله يافهد والك الفرح ماصف تصاويره[/poem]

صح لسانك وسلمت يمينك

ومبروك ما سعيتو فيه

تحياتي لك

ماجد صح لساانك ولا هنت

قصيده صادقه باحساسها

لا هنت

تقبل تقديري !

صح بدنك

لاهنت ولاهان حظورك شرفتني بمرورك الكريم

دمت بتوفيق الله

صح بدنك وشكراً لك هذا الإطراء

حفظك الله ورعاك

ماجد صح لسااانك على هالجزله

ومبروك للأخ فهد

موودة اخوك

ماجد العضياني

صح السانك قصيده جزله ، كتبت فابدعت ،، الله يعطيك العافيه ،،،

صح لسانك ياماجد

وسلمت يديك .. والف مبروك لفهد والله يوفقه ..

تحياااااااتي ..

..

صح لسانك ياماجد

ولاهنت

ماجد العضياني

صح لساانك مدد

جزله من شاعر جزل

كل الود

ماجد
صح لسانك وكلك
رائعه وياجعله مبارك
تقبل مروري

صح لساانك


قصيده رائعه


لك فائق الاحترام والتقدير

تحياتي

صح بدنك

وبارك الله فيك وبارك الله لك

تحيتي

صح بدنك

الله لا يهينك على تفضلك بالحظور

شرفتني وشرفت المشاركة

صح بدنك

لاخلا ولاعدم

سعدت بحظورك

دمت برعاية الله

صح بدنك الله لا يهينك

تحيتي وتقديري

صح لسانك يا ماجد ,,,

قصيده جزله من شاعر جزل ,,,

الله يديم الأفراح على الجميع ,,,

صح بدنك طال عمرك

تقبل فائق احترامي

صح بدنك والأروع هو حظورك الكريم

شكري وتقديري

صح بدنك
مشكور ماقصرت

يعطيك ربي العافيه

صح بدنك طال عمرك

اللهم أمين

دمت بتوفيق الله