بعض التوجيهات لي ولكم ارجو لها النفع والقبول
 

السلام عليكم ورحمة الله وبركاته

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

يالله ياجزل العطاء يالملتجى زبن الدخيل=مادام نسبح في بحر وذنوبنا كثر الرمال
عونك وقدّرنا على زرعٍ يجمّل بالحصيل=يوم الثقال بوزنها تعجز تقوم بها الجمال
حنا العبيد اللي تحمّلنا لنا حملٍ ثقيل=اللي تحمّلنا الصعاب اللي وبت عنها الجبال
يارب هوّن كل صعب وردنا ردٍ جميل=صوب الطريق المستقيم وعافنا ياذا الجلال
يالله عسى آخر موعد الدنيا سجودٍ وتهليل=أنت الرجاء والك ابتهالي ياسميع الابتهال
نبيد والدنيا تجدّد من مديلٍ في مديل=والحق والباطل تصارع من قتالٍ في قتال
نطلبك تعطينا القناعه في الكثير وفي القليل=رزقٍ يكفينا ولايطغي يكف عن السؤال
يالعبد قص الدرب واحذر لاتتيه عن الدليل=اليوم قدامك مجال وغد ماقدمك مجال
وأصلح مابين الناس واعدل واستعدوا للرحيل=مع منهج القاده هل التوحيد ماضين الفعال
كلٍ يجهّز عدّته في طرقة اليوم الطويل=والأمل مايصدق ودورة وقتنا دورة محال
رجلٍ يمثّل بالحصان بواجبه يصهل صهيل=شهم ولبيب وفطن لومال البشر يمشي عدال
واللي ينادى باسم غيره في الكتاب اله اسم اصيل=اللي يسمي في السماء واللي ينادى به خيال
دنياً تورّينا غرايبها وتمشي مشي سيل=والأمل يكذب لو يقول الك امش وأيامك طوال
والصاحب اللي صحبته ضحكة سنون وهرج ليل=ماهيب لاتنفع ولاتشفع هبالٍ في هبال
جعله يروح أبعد من القطب الشمالي عن سهيل=ليا مشى صوب الجنوب أنته توجّه للشمال
هذي نصيحه والتجارب للرجال أكبر دليل=وليا بغيت صحيب صاحب من صناديد الرجال
صاحب تقي اطلب كريم ولاتصاحب لك بخيل=ترى البخيل بخيل لو يملك ملايين الريال
من سمع قولي يعقله هزيل مايرفع هزيل=والدين هو ساس الرجوله والقناعه راس مال[/poem]

هادي بن شنيف




شكرا من القلب


على هذه الدروس والعبر


المجانيه


جعلها الله في ميزان حسناتك



ونفع بها باذنه سبحانه



اخوووووك

يـارب هـوّن كـل صعـب وردنـا ردٍ جميـل
صوب الطريق المستقيم وعافنـا يـاذا الجـلال
يالله عسى آخر موعد الدنيـا سجـودٍ وتهليـل
أنت الرجاء والك ابتهالـي ياسميـع الابتهـال

اللهم آمين

صح لسانك على هذا النصح القيّم

غيمار

الشاعر هادي بن شنيف

نص مليئة بالحكمة .. وفعلا ضربة معلم

ثبتك الله ونفع بهذا النص غيرك ..

صح الله لسانك .. وسلم بنانك

لازلنا ننتظر هطول سحابات الابداع

تقبل كل احترام وتقدير

هادي بن شنيف

لاهنت
وبيض الله وجهك

ماقصرت بهالتوجيهات الضروريه

صح لسانك ملايين

وتقبل تحياتي

يالله عسى آخر موعد الدنيـا سجـودٍ وتهليـل
...............................أنت الرجاء والك ابتهالـي ياسميـع الابتهـال

الله الله الله
ياسلام ياسلام
شكرا ً للشاعر القدير هادي بن شنيف على هذه القصيده المتمثله بالجزاله
والحكمه من شاعر أعتدنا من جزالة الإبداع
تقبل تحياتي وتقديري
أخوك حسين الدوسري

وعليكم السلام ورحمة الله وبركاته

أثمن القول

وأجزل القصيد

عز الله انك أستاذ شعر يا هادي بن شنيف

بارك الله فيك وصح لسانك ،


..

:



هادي بن شنيف
:
:
الله يجزاك خير على ذا الابيات النافعه
شاعر يا هادي تستاهل المتابعه وانتظار جديدك
صح الله لسانك ولا هنت
بالتوفيق





:

جعلها الله في ميزان حسناتك

صح لسانك ياهادي

أنعم وأكرم بهذه التوجيهات الكريمة وقائلها


سبائك ذهب لمن كان له قلب أو ألقى السمع وهو شهيد


الشاعر هادي بن شنيف :

صح لسانك ولافض فوك , وجعل الله هذه الكلمات في ميزان حسناتك يوم تلقاه .

الله ينفعك وينفعناا بما نقلت الينا من نصائح ثمينه

الاخ هادي بن شنيف صح لساااانك وسلمت من كل شر

جعل الله ماكتبت في موازين حسناتك

السلام عليكم ورحمة الله وبركاته


كل الشكر والعرفان لكم ايها الاخوة الافاضل

على كرم مروركم وتشجيعكم رغم تقصيري بحق كل واحد فيكم

لكن عزاي انكم نشاما وتعذرون



تقبلوا تقديري
اخوكم / ابو سلمان

كالعاده ....
مشرقه هي القصائد التي تكتبها .
صح لسانك وفكرك وانا اخوك .
سجل إعجابي وسعادتي بالمرور بين أحرفك المشرقه
دمت أخا أعتز بوجودي في متصفحه
تقبل تحياتي واحترامي



اخوك:
وليد العمودي