علامة استفهام لذوي الألباب والأفهام !
بعد السلام والتحيه
حبيت اشارك بذالبيوت .. وارجو نقدها لوسمحتوا تراني ملاحظٍ انها مانضجت جدا :( [poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] أبدا بذكر المبدئ اللي منه وإليه المساق=خلاّق خلقه من عدم يالين صار الهم وجود علاّم ماتخفي صدور الخلق من صدق ونفاق=ولايزوّده الوفاء ولا ينقّصه الجحود له ملك الأرض مع البحور مع السموات الطباق=وما حواه الكون كله والبواين والسدود ومن بعدها مادام حنّا مع زمنّا في سباق=نويت أسجّ الفكر لين القاف أعديه الحدود وأبا أسري بليل البدر قدّام لايصبح محاق=لاصار قافي مسندي من حقي أرقى به سنود بيني وبينه من قديم الوقت موثق واتفاق=والحمد لله ماعرف من بيننا نقض العهود صدره وعجزه مايخيّبني لامن الصدر ضاق=إمّا صرف لي من ذهب وألاّ صرف لي من نقود! وأقرب مثل قافي هذاه اللي على هذا السياق=من قلب وألاّ من لسان أجود به وهوه يجود وأنا ليا لدّيت عيني شفت شئٍ مايطاق=مشاهدٍ تدمي القلوب وتنفطر منها الكبود مانيب مستغرب ليا من قالوا الخوّان باق=أستغرب لياقالوا الصادق ترى مافيه فود أوضّح أكثر ؟ كم عددنا اليوم بخلاف ووفاق؟=ولانفعنا حوزة الاسلام لو إنه بعود لاعلم لاتقوى ولاقلبٍ لنصر الدين تاق=زادت بدعنا بالعدد والشرك جافينا بزود تلقى حدانا لاحلف مايحلف الا بالطلاق=ليا متى حنا على زله عن المِله رقود هل فيه للغفله هاذيه ياجماعه من فواق=جيش العرب جاه التحشّد والكفر جوا له حشود بعد لحقت المسجد الأقصى لك الله يالعراق=حنّا تجنّدنا ولكن لاتسمّينا جنود وياوجد حالي عنتس ياغزه بعد رحتي حراق=جزاء صمودتس حاصروتس أبنا خنازير وقرود إشكَيْ على الله مير لو الراس مليانٍ فلاق=مالتس عضود إن تسان حطيتي بعضنا لتس عضود هذاك وقتٍ راح يوم الخيل مع حيد النياق=واليوم حتى الهرج مدري نطلعه وألاّ يكود خيّم علانا الصمت والمنطق خرج برّى النطاق=راحت مهابتنا وطي بين النصارى واليهود لابارك الله فيك مابك خير يالسلك الدقاق=يوم اجتهدنا لجل ناثق فيك ضيّعت الجهود ولامسكنا منك ياكود التنازع والشقاق=نفّد بعضنا البعض الآخر والسبب حفنة نفود ماباقي ألاّ الصبر لو إن الصبر مر المذاق=ونردّد القول الشهير وجملة ( سهود ومهود ) الله على علمٍ ليا جاء ينتشر عبر الآفاق=مضمونه إن المسلمين أحيوا مواريث الجدود[/poem] .. . |
وأبا أسري بليـل البـدر قـدّام لايصبـح محـاق
لاصار قافي مسندي من حقي أرقـى بـه سنـود ابو عتيدز اي والله من حقك ترقى سنود:) الشهاااادة يا عبدربه تنزف نزيفاً مغار يورالك انها مانضجت تعوذ من ابليس:( مانيب مستغرب ليـا مـن قالـوا الخـوّان بـاق أستغرب لياقالـوا الصـادق تـرى مافيـه فـود أوضّح أكثر ؟ كم عددنا اليـوم بخـلاف ووفـاق؟ ولانفعنـا حـوزة الاسـلام لـو إنــه بـعـود لاعلـم لاتقـوى ولاقلـبٍ لنصـر الديـن تـاق زادت بدعنـا بالعـدد والشـرك جافينـا بــزود تلقـى حدانـا لاحلـف مايحلـف الا بالـطـلاق ليا متى حنـا علـى زلـه عـن المِلـه رقـود لله درك ثم لله درك على هالسرد للحال المؤسف مااقول الا جعلك تبطي حي في طاعة الله وصح لساااااااااااااانك:) |
خيّم علانا الصمت والمنطق خرج بـرّى النطـاق
راحت مهابتنا وطـي بيـن النصـارى واليهـود لابارك الله فيـك مابـك خيـر يالسلـك الدقـاق يوم اجتهدنا لجـل ناثـق فيـك ضيّعـت الجهـود لله درّك لله درّك لله درّك الحقيقة شاعر ومبدع وجزل ويطول الكلام وقصيده حوّت بين ثنياها أحوال الامه أزال الله عنها الغمه صح لسانك يا أبوعتيق ولايلحقنا في قصيدك شك أبداً ابداً .. محبتي وسلامي :) |
أي توها صح مانضجت
ياشيخ صح لسانك وعسى الله يعز الدين والمسلمين صح لسانك ياشيخ تقبل مرور أخوك الصغير |
خيّم علانا الصمت والمنطق خرج بـرّى النطـاق
راحت مهابتنا وطـي بيـن النصـارى واليهـود لابارك الله فيـك مابـك خيـر يالسلـك الدقـاق يوم اجتهدنا لجـل ناثـق فيـك ضيّعـت الجهـود ايه ايه ايه يابوعتيق .. . هناااا الشعر وإلا فلاا .. وصف محزن لـ حال أمتنا .. . نسأل الله الصلاح .. عبدربه .. . صح لسااااااانك / مدد بلا عدد .. . لاخلا ولا عَدم .. . :) |
حجز
ولي عو ده |
:
جعله لسانٍ ما يلجم وراسٍ يبطي حي على الطاعة ما هنا حكي يا ابو عتيق دايم وانت تتحفنا بالشعر الجزل بارك الله فيك وجعلها في موازين حسناتك ان شاء الله صح الله لسانك ولا هنت على ذا الابيات الفاخره وفقك الله يا عبد ربه : |
[align=center]
كانت رائعتك صحوة ياسيّدي من سباتٍ لا أرى لتيقضهِ أملاً ..، شكراً لكَ على ذلك وصحّيت وأصْحيت.. [/align] |
خيّم علانا الصمت والمنطق خرج بـرّى النطـاق
راحت مهابتنا وطـي بيـن النصـارى واليهـود صح اللسانك يالمطوّع والله يزين أحوال المسلمين :) |
الا وش خليت يابوعتيق
ماشاء الله تبارك الله والله انها من نوادر المرقاب الشعبي سبك وقافية ومضمون......كلها جزالةXجزالة صح لسانك وسلمت يمناك ولاعدمناك |
الله الله الله الله الله الله الله
الله الله الله الله الله الله الله الله الله صح لسانك من المحيط الى الخليج ابياتك.. كأنها لؤلؤاً منثورا... لله درك.. ودر ما كتبت.. ابدعت في حبك الابيات.. والمعاني والمفردات.. الجميله.. صح لسانك يالغالي جزل.. من راس جزل |
[align=center]بيض الله وجهك ياخوي ياعبدربه
قصيدة جميلة واستعراض مهاراتي مميز (( اتمنى لك التوفيق في حياتك الدينية والدنيويه ))[/align] |
تبّا النقد يابن عتيّق اللي مثل نقد .. الدختور
إستلم / الأنا متضخمه :) مير إنتبه لها :) عبدربه .. تبا الصحيح .. قصيدتك هذا أعادتنا إلى الزمن الجميل والشاعريه الرائعه .. اللي يملكها الموهوب / عبدربه إبداع فطري .. وإنسياب راقي ورائع ومدلول .. سامي ونبيل صح لسانك مليوووون .. يا موهووووب |
وعليكم السلام ورحمة الله وبركاته
من ما يبهج فعلا ان هناك رجال يقدمون البدع الفريد في مجال الشعر دون تصنّع وبعيدا عن التكلف ومن الاجمل التواضع الملحوظ في مقدمات قصائدك يا بوعتيق بدأتها خير بدايه وتسلست بإنسياب واصفةً حال الأمه وحالنا معها وبها لا يأتي بهذا الربط والضبط الا من حباه الله ملكة الإبداع والموهبه الحقيقيه استوقفني ما خص ( غزّه ) وتمنيت لو انك لمست بعض اهلها المتسببين في ضعفها وانهيار كرامتها ببعدهم عن دين الله الحق وبتناحرهم المستمر والمشين !! صح لسانك مدد ، .. |
لله درك يامطوع ياشايب يامبدع
هذا الشعر اللي عليه الكلام وكلمة (( ارجو نقدها )) حاول تكثر منها :( وصح لسانك عدد حروفها والله يزيّن الاحوال ها قل امين :) |
تسجيل حضور
وعوده بإذن الله |
أبدا بذكر المبـدئ اللـي منـه وإليـه المسـاق
خلاّق خلقه من عدم ياليـن صـار الهـم وجـود علاّم ماتخفي صدور الخلق مـن صـدق ونفـاق ولايــزوّده الـوفـاء ولا ينقّـصـه الجـحـود له ملك الأرض مع البحور مع السموات الطبـاق ومـا حـواه الكـون كلـه والبوايـن والسـدود ومن بعدها مادام حنّـا مـع زمنّـا فـي سبـاق نويت أسجّ الفكـر ليـن القـاف أعديـه الحـدود وأبا أسري بليـل البـدر قـدّام لايصبـح محـاق لاصار قافي مسندي من حقي أرقـى بـه سنـود بيني وبينه مـن قديـم الوقـت موثـق واتفـاق والحمد لله ماعـرف مـن بيننـا نقـض العهـود صدره وعجزه مايخيّبنـي لامـن الصـدر ضـاق إمّا صرف لي من ذهب وألاّ صرف لي من نقـود! وأقرب مثل قافي هذاه اللي علـى هـذا السيـاق من قلب وألاّ من لسان أجود بـه وهـوه يجـود وأنا ليـا لدّيـت عينـي شفـت شـئٍ مايطـاق مشاهدٍ تدمـي القلـوب وتنفطـر منهـا الكبـود مانيب مستغرب ليـا مـن قالـوا الخـوّان بـاق أستغرب لياقالـوا الصـادق تـرى مافيـه فـود أوضّح أكثر ؟ كم عددنا اليـوم بخـلاف ووفـاق؟ ولانفعنـا حـوزة الاسـلام لـو إنــه بـعـود لاعلـم لاتقـوى ولاقلـبٍ لنصـر الديـن تـاق زادت بدعنـا بالعـدد والشـرك جافينـا بــزود تلقـى حدانـا لاحلـف مايحلـف الا بالـطـلاق ليا متى حنـا علـى زلـه عـن المِلـه رقـود هل فيه للغفلـه هاذيـه ياجماعـه مـن فـواق جيش العرب جاه التحشّد والكفر جوا لـه حشـود بعد لحقت المسجـد الأقصـى لـك الله يالعـراق حـنّـا تجنّـدنـا ولـكـن لاتسمّيـنـا جـنـود وياوجد حالي عنتس ياغزه بعـد رحتـي حـراق جزاء صمودتس حاصروتس أبنا خنازيـر وقـرود إشكَيْ على الله مير لـو الـراس مليـانٍ فـلاق مالتس عضود إن تسان حطيتي بعضنا لتس عضود هذاك وقتٍ راح يـوم الخيـل مـع حيـد النيـاق واليوم حتى الهـرج مـدري نطلعـه وألاّ يكـود خيّم علانا الصمت والمنطق خرج بـرّى النطـاق راحت مهابتنا وطـي بيـن النصـارى واليهـود لابارك الله فيـك مابـك خيـر يالسلـك الدقـاق يوم اجتهدنا لجـل ناثـق فيـك ضيّعـت الجهـود ولامسكنـا منـك ياكـود التنـازع والشـقـاق نفّد بعضنا البعض الآخـر والسبـب حفنـة نفـود ماباقي ألاّ الصبـر لـو إن الصبـر مـر المـذاق ونردّد القول الشهير وجملة ( سهـود ومهـود ) الله على علمٍ ليـا جـاء ينتشـر عبـر الآفـاق مضمونه إن المسلمين أحيـوا مواريـث الجـدود ياسلام ياسلام يامطوعنا شاعريه من الطراز النادر وقصيده سلسله ولايعلى عليها دمت مبدع ونجم مرقابي نفتخر بوجوده بيننا :) صح لسانك |
ومن بعدها مادام حنّا مع زمنّا في سباق=نويت أسجّ الفكر لين القاف أعديه الحدود
وأبا أسري بليل البدر قدّام لايصبح محاق=لاصار قافي مسندي من حقي أرقى به سنود بيني وبينه من قديم الوقت موثق واتفاق=والحمد لله ماعرف من بيننا نقض العهود صدره وعجزه مايخيّبني لامن الصدر ضاق=إمّا صرف لي من ذهب وألاّ صرف لي من نقود! الشاعر الكبير/عبدربه ,,, قصيده مكتمله وناضجه و وافيه ومعبره في نفس الوقت . ولو زدت عليها النار شوي يمكن تحترق .لكنك عرفت متى تبتدي ومتى تتوقف ,,, تحاول شرح ومعالجة أوضاع المسلمين ولكن لا حياة لمن تنادي,,, صح لسانك وأشكرك على هذا الإبداع,,, |
يابو عتيق
بغض النظر عن ابداعك الشعري المفروغ منه مواضيع يابو عتيق فالصميم وعز الله صدقت اقولها ويقولها كل انسان له بصيره صح لسانك مدد مدد مدد اخوك خالد |
بعد لحقت المسجـد الأقصـى لـك الله يالعـراق
حـنّـا تجنّـدنـا ولـكـن لاتسمّيـنـا جـنـود وياوجد حالي عنتس ياغزه بعـد رحتـي حـراق جزاء صمودتس حاصروتس أبنا خنازيـر وقـرود ابو عتيق صح لسسسسسسسانك ملاييييييييييييييين والله يعز الاسلام والمسلمين ويعجل بالفرج من عنده |
الشاعر القدير عبدربه :
صح لسانك على هذه الدرة المتميزة حتى من عنوانها الذي يذكرنا بكتب السلف :) ونقطة إعجاب خاصة ب أوضح أكثر :) هذاك وقتٍ راح يـوم الخيـل مـع حيـد النيـاق واليوم حتى الهـرج مـدري نطلعـه وألاّ يكـود خيّم علانا الصمت والمنطق خرج بـرّى النطـاق راحت مهابتنا وطـي بيـن النصـارى واليهـود المشكلة ياأبوعتيق لو أنها على إنعدام الكلام لدينا تهون لكن المشكلة إنعدام الإحساس والشعور تجاه مايجري حولنا بعد لحقت المسجـد الأقصـى لـك الله يالعـراق حـنّـا تجنّـدنـا ولـكـن لاتسمّيـنـا جـنـود وياوجد حالي عنتس ياغزه بعـد رحتـي حـراق جزاء صمودتس حاصروتس أبنا خنازيـر وقـرود والله يستر من القادم يقول واحد من الجماعة في اليوم الذي سقطت فيه بغداد : راح العراق وراح قبله فلسطين....والثالثة ياأبوفهد من تحرا ؟!! درات رحاها والعرب راحوا طحين ...محدن قدر ايقول (لاء) أو تجراّ تلقـى حدانـا لاحلـف مايحلـف الا بالـطـلاق ليا متى حنـا علـى زلـه عـن المِلـه رقـود الحقيقة أنك طرحت هنا موضوعاً مهماً ويعلم الله أنني كنت أعتزم الكتابة عنه , حيث انتشرت هذه الظاهرة خصوصاً في المنتديات , والمشكلة أن بعضهم يقول ( عليه الطلاق) من أجل أن يمدح شاعر ما أو قصيدته , وهذا لاشك وقوع في المحضور ينبغي تجنبه من إخواننا الكرام . التعليق على القصيدة وتفاصيلها يطول ولاتكفيه صفحات , ولكن أتمنى ألا تبخل علينا بشيء مما عندك حتى لو ماهوب ناضج تأكد أنه بيعجبنا كلنا , وإن كان فيه عربٍ ماهوب معجبهم فلاعليك منهم يقول أحد الشعراء غفر الله له ولوالديه : العرب قالوا عن أفضل نبي كذاب أشر خل عاد اللي مايدري وين الله حاشره :) |
عبدربه
فيه ملاحظات واجد متسلسله الوقائع مترابطه الأجزاء مدرسة شعريه لمن يريد ان يستفيد وانا احدهم تفصيل لواقع مرير وعضال بيد الله وحده إزالته لله درك من شاعر جهبذ وصح لسانك وكثر الله من امثالك غيمار |
| جميع الأوقات بتوقيت GMT +3. الساعة الآن 08:23 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية