يامنتدى المرقاب !!
 

ناصر النفيعي ... سم :)

يامنتدى المرقاب لي نظرة ونظراتي تصيب
اعرف مقامات الرجال اكبارها وصغارها

مار الحقيقة يوم طاح الذيب في وسط القليب
بعض العرب يمكن عن الشكة تبيع اعمارها

يالله بغفرانك وعفوك ياكريم ويارقيب
يالله صلاح الذر يارب الملا ستارها !!

سعود عدى فالجبل والذيب في بطن الشعيب
ويشيل معه البندق اللي مايسر عيارها

انا وصلتك يالنفاعي من بعيد ومن قريب
ماسك علاك يمينها وامسك علاك يسارها

على الحياة الفانية يا أصحابنا حطوا صليب
قدام الارض الهامده منكم يثور غبارها

واليا وصلت انته ولد عمي ولا اعدك غريب
اطق راسك بالعصاة اللي ماعندي غارها

بدو ٍ على حيد الصحن تاكل وتشرب من حليب
وتستاق بكرة ضانها ومعيزها وحمارها

صحت السنتكم يالنفعه
كلامكم ثمين وهرجكم سمين
وحنّا متاااااااااابعين

لا واحليلك فيك شر وفيك شك وفيك ريب
تومي براسك تحت قبّة مايطيح جدارها


يمكن يسد الجوع عقب اسبوع حبة من زبيب
ولاتفيد العيبة اللي قام يلعب فارها

سعيد بن مقبل الاكلبي

هلا ومرحبا ومسهلا ولاعليك زود

تقديري الجمّ ؛؛؛

الله الله الله

الابداع النفيعي في اوجّه

ومن هذا المنبر اعلن اعجابي بشاعريتيكما كلً على حده

وصح السنتكم مقدماً

في مسجد العباس لاتاقف على المنبر خطيب
وانته تلخبط فالعلوم اطوالها واقصارها

انا ليا شفت النفيعي قلت يانفيعي يهيب
ارفق على روحك ونفسك يالنفيعي دارها

(سعيد ) والخير ( مقبل ) بحضورك

ياهلا

مشكور بدون قياس

ياعفاس

لاهنت

أخير من منهو عن الميقاف واللازم يغيب
واللي سواته لن تعذر ما انقبل معذارها


حتيش لو انك تقف بين المنادي والمجيب
بكرة عيونك فالخلا لازم تهل عبارها

عفاس

يسعد لي هالراس

تقديري الجمّ ؛؛؛

حط حيلهم بانهم !




واصلوا والصف نيدي <- نجدي


يحايحا

ان طاب لك والا على فالك لعله مايطيب
ام الكباير يالعتيبي زد لعنا عارها

راع الردى ياسعود بن عمي ترى مقطوع صيب
لاتستشير الا رياجيل ٍ تسر اشوارها

عبدربه

حيه وارحب به

تشرفنا

لاهنتوا
:)

الله يقود لك الرجا والله يقود لك النصيب
والله يبارك فالسلع لو ترتفع فاسعارها


حنا بلشنا بالطليب اللي يتلاعب بالطليب
ماباقي الا نضرب اللوحة على مسمارها

عبدربه

وش دعوى يالنّدي ؟؟؟؟ :(

تقديري الجمّ ؛؛؛

محمد بن مشوط

ولا انت

تقديري الجمّ ؛؛؛

الصدق منجاة الفتى والكذب والبهتان عيب
وقلوب خلق الله ياعبدالله مااعرف اسرارها

عقب الفقر والددسن المتقربعة ركبت جيب
وانته جدودك للمسيّر ماتولع نارها

لاهنت يابو مشوط

شرفتنا