رساله من مرقابي
السلام عليكم ورحمة الله وبركاته
اسعد الله جميع اوقاتكم .. اشتقت لكم يا ماخوذين غالب الشريف يسلم عليكم ويقول : ان جهازه خربان تشوفون اسمه في المرقاب وهو معلق ولا يدخل الا من الجوال والسبب انه عقب ما تخرج راح يبي يدرس في منطقه مأهوله لكنه اكتشف انه في مقطعه !! يقول لكم ان اموره زينه وكل شي على ما تحبون وانتظروني قريبا ً .. ويقول انه يبني لي قصر في رنيه ورسالته المهمه جعلها عامه وفيها شيء من الخصوصيه لـ عبدالرحمن حمد : يقووووووووووووول انه بيعرس في العطله إن شاء الله وفي عطلة الحج بياخذ الثانيه هذا والسلام عليكم ورحمة الله وبركاته |
بالمناسبه عن موضوع ابو حمد ترى غالب يقول يا عبدالرحمن
تذكر موضوع الشايب اليماني ابو 4000 والقطيّه ام 50 ريال ؟؟ هاه وش قلت ؟؟ |
نشكر سموكم الكريم / على الإهتمام بالمرقاب وأعضاءه
وتلمس إحتياجات المواطنين ومساعدتهم على التواصل المرقابي القوي . كما نلفت إنتباهكم إلى أن كشف السرّ الثاني .. قد يربك السرّ الأول :) مير إنتبه حفظك الله .. لذلك :) وغالب .. في قلوبنا .. إن بنى وإن تزوّج مثنى وثلاث :) |
لا ما عليك يا ناصر زوجاته كلهن ما يعرفن القرايه ولا الانترنت ما تشوفه ماخذ راحته ؟؟
|
:
: الرسالة وصلت .. !! لكن خله يتلحلح ويدبر عمره .. الرجال اللي عنده أمكانية المهر و(( الزواج )) مهوب عاجز يشتري (( جهاز )) .. طبعاً جهاز (( كمبيوتر )) ما هو جهاز (( عرس )) .. وبالنسبه لـ / زواجه .. أحب أقول له : ستبطي عظم .. !! لو حوله قدرة زواج كان مابقى يحلم في (( عرض )) اليماني ابو الـ 4000 ريال .. !! طراااااها اليماني اسأله يا غالب : المسيار بكم .. ؟؟!! <-- كنه كب عشاه .. !! عموماً .. غالب الشريف من الأحباب اللي نشفق على شوفتهم .. وبارك الله في هـ (( التعليقه )) اللي تخلينا نشوف اسمه .. !! <-- يحب الاشياء القديمه .. !! ابوعبدالله .. ياخي أنت (( مبارك )) أينما حللت وكيفما أتيت .. !! كل الشكر لك .. ياصديقي .. !! :) |
وعليكم السلام ورحمة الله وبركاته
الله يحييك ويسلمك ويسلّم حبيبنا غالب الشريف والحقيقه نفتقد تواجده فعلا / وفقه الله . لاهنت يا بوعبدالله ، |
اقتباس:
هههههههههههههههههههه لا يكون بيطلق في (( الكريسمس )) .. !! سيبطي عظم .. !! <-- لكن هذا الزمن عجيب .. شوفوا عبدربه سواها وتزوج :( |
بالله ؟؟؟
أثر خوينا متعلّق وحنا نتفرّج فيه !!! طيب طيب طيب ياغالب عسى الله يوفدزك توفيدزٍ طيب ! وأنت مشكور يامبارك ياسقمة القلب العليل :) <- تسني أوحيت واحدٍ يطريني ، ليت ماهوب الشيباني ! ... |
فلقني
قال ايش قال بيعرس
افلقني ياشيخ اذا اعرس غالب ابو حمد ما عليك من غالب انا اذكر اتصاله علي قبل اسبوعين يشكي ويقول يا ابو ثويني شلون ابعرس وانا الحال ماش واذكر اني قلت له قط رقم حسابك بالمرقاب كنّك ما تدري , الظاهر ان الرجال طبق فكرتي ولكن بشكل (( اللي يفهم لا يقصّر ههههه )) .. بس ما اقول إلا فديته وفديت مبارك وفديتك يا ابو حمد .. |
الله يوفقه يامبارك
ولاهنت ياسمو الشيخ |
اقتباس:
هههههههههههههههههههههههههههههههههههههههه حسبي الله على ابليسك يابو عتيز <<< غدى مثله غالب بيعرس من ( بؤك ) لباب السما اجل راح تنفك عقدة ابو داحم لانه كل ما قاله احد ليش ماتتزوج قال انا مبتلش في ذا الشريف اللي هو غالب ناشب بحلقي ابي ادور له ( مره ) و عقبها اشوف نفسي .. لاهنت يابو عبدالله والله اننا فاقدين تواجد غالب بقوووووه |
اقتباس:
اقتباس:
تسلم يابو عبدالله ولاهنت ,, .. |
الله يوفقه ويرزقه بالذريه الصالحه
يستاهل حبيبنا غالب تسلم يا بوعبدالله على هالرساله الغاليه جداً :) |
اشواقنا وتحياتنا يا غالب
:) تحياتي/ حامد |
عليك و عليه السلام و الإكرام
السلام وصل و لا عاد باقي إلا نشوفه يتندّح هنا في المرقاب :) |
أبو عبدالله
الرساله وصلت .. الله يجزاك خير .. لكن وصّل ابو عبدالله الآخر .. ترانا شفقين على حضوره .. الحضور الأول اللي نخبره من غالب .. عسى الله يوفقه في حياته ..العمليه والاجتماعيه <<<< مثقف الرجال :) . |
الله يوفقه
والله انا نبيه بيننا بس عمله ابداء والله يسلمه من كل مكروه ويرجع للمرقاب باسرع وقت ولاهنت يابو عبدالله وبيض الله وجهك |
الله يوفدزه مدرس الإنجليزي
اجتهد وكافح ، وحطوه في ديرةٍ ما تاصلها الطيور :) لكن علّمه إن الإجازه بعد يومين وخلّه يجي راساً على المرقااب ويعلمنااا اصول اللغه الانجليزيه . نيتنا هـ السنه نصيّف بمصر << يحسبنهم يهرجون E teeth: وأنت يا مبارك الله يبارك لك ، ويبارك عليك ، ويجمع بينكم في خير << ما تمشي عندنا يا مبارك هـ السوالف تظلم الرجال ، واللي يبي يعرس انت teeth: |
الله يوووووفقه ويووووفقك يامبارك
ونتمنى عودته قريباً بعد ماياخذ الثانيه:) |
والله يا له خرمه هاللي اسمه / غالب :)
لاهنت على حمايض العلوم يابو عبدالله وعقبال ما يرجع زي اول ! :) |
ابو عبدالله
الله لا يهينك على توصيل الرساله لأخواني و احبابي هل المرقاب و لي عوده ان شاء الله مفصله على كل رد من ردودهم لأن فيه بعد الردود فيها لغف غير مباشر و يبي لهم محزم مليان :( |
غالب الشريف ما كن المحزم المليان عوّد فشنك ؟؟؟
|
| جميع الأوقات بتوقيت GMT +3. الساعة الآن 12:35 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية