ياوجودي .. ياوجودي .. ياوجودي
[align=center]بسم الله الرحمن الرحيم[/align]
[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"] ياوجودي وجد من ضاعت آماله=غرته دنياه عقب الفرح فيها الفقر والهم مثر على حاله=وغيرها اشياً تستثيره بطاريها منعزل نادم من الحزن يرثاله=والجماعه يستفزه تمزريها كان مشغل كل وقته من اهباله=يتبع اصحابٍ رديه مماشيها راح يتبع رغبة النفس وخباله=وأي حاجه جت براسه يسويها دالهٍ فالوقت ومنكس عقاله=ويوم ضاعت فرصته قام يبكيها وياوجودي وجد من فارق أجياله=صفته ماباقي إلا مبانيها روحته من غرفتله إلى الصاله=وحشة الوحده لوحده يعانيها فارق العزه وباروبه عياله=حالته صعبه على الله مشاكيها كل مايطري زمانه على باله=جرها ونه وهشمه بتاليها ووجد من قاسا الكبد والعنا طاله=مرهقٍ بأول حياته وتاليها الزمن هذا زمن ماتهياله=كان يصتاد الجراده ويشويها ويوم زان الوقت قفتبه ارحاله=نفسه احرمها الكبر من مشاهيها وياوجودي وجد من ضاعت أمواله=بسوق الأسهم حطها ثم خسر فيها من مية مليون مليون يصفاله=واختلف عقله ونفسه يخاليها حيلته يصفق بيمناه وشماله=من القلق رجله مع القاع محفيها في عيونه كل هالناس محتاله=من القهر تسكب عيونه عباريها اتوجد مثلهم وحلالاله =فوق حاجه بس مانيب مبديها غير للي من مهابه سجدنا له=عالم اسرارٍ بصدري مخفيها أن تهيت طبعها النفس مياله=وأن غدت جعل الولي مايثنيها نفسي اغلى شي لابد رحاله=كيف ابا ابكي حاجةٍ ماتساويها[/poem] [align=center] وسلااااامتكم[/align] |
الله الله الله الله ..
إبداع وتمكّن وسلاسه ، بالرغم من ياحلالاله ! استاذنا موسم :) حياك الله بعد الغياب والحقيقه انا نفرح لرؤية جديد من هم في مقامك .. حفظك الله من كل سوء .. سلام’ عليكم |
2
ولي عودة :) |
[align=center]صح لسانـــك
ولاهنت وتقبل كل الود والتقدير[/align] |
صح اللسانك يابو ماهر
ولاهنت على القصيده الطيبه ،،، :) |
صح لسانـــك
ولاهنت وتقبل كل الود والتقدير |
لا اله الا الله
ابو ماهر صح لسانك وسلم فكرك ,, توجد وسبك وحبك راااااائع من شاعر راائع ,, سلامي عليك .. |
صح لسااانك
صح لسااانك صح لسااانك يابن سفر ..لله درك وكفى |
موسم الله لا يجيب لك الهم والحزن وانت مبدع وبيض الله وجهك على الابداع والجزاله
|
:
الله يستر عليك والهم جعله بعيد هنك وكل مسلم يا موسم شاعر ما تحتاج اشاده يطربنا قصيدك دايم ونستمتع بقراءته اكثر من مره تقول من مية مليون مليـون يصفالـه واختلف عقله ونفسـه يخاليهـا باقي له مليون اجل ما فلس :) صح الله لسانك ولا هنت فمان الله : |
اقتباس:
ابشرك بخير وعافيه يابو عتيق وسأل عن مثلك وشرواك أما قسم الفنون فسوف امر عليه أن شاء لله ان سمح الوقت ولايكون خاطرك إلا طيب تحيتي لك |
الله الله الله الله الله
مرحبا والله ومسهلا بشاعرنا الكبير / موسم القثامي ونوّر المرقاب بعودتك بهذه الدرّه من خيار النصوص عز الله قصيدة فوق الوصف صح لسانك مدد يا بو سفر وسلمت ، .. |
الله الله الله عليك
صح لسااانك ولا هنت والله مبدع مبدع مبدع لك كل الود :) |
اقتباس:
شكراً لتفاعلك السريع في انتظار عودتك يالغالي تحيتي لك |
اقتباس:
اشكرك على كرم مرورك العطر لاهنت يالغالي تحيتي لك |
موسم سفر
صح لسانك مدد قصيدة "وجد" متميزة وجزلة ... وهذا غير مستغرب منك جدد اعجابي |
ابو ماهــر
حضور .. بعد غياب برائعة تميّز شاعرها .. في مضمونها و بحرها وكل تفاصيلها . ابدعت يا شاعرنا القدير سجّل إعجابي بنصوصك الرائعه دائماً ومرحبا بحضورك المثري . |
اقتباس:
والله يعطيك العافيه اشكرك على كرم مرورك العطر تحيتي لك |
صح السانك وبيض الله وجهك يالقرم
وافيه من وافي تقبل تحيات مودعك حمود بن فطيس |
توجد
لتجارب حياتيه لمن يرغب الإستفاده صح لسانك وبيض الله وجهك غيمار |
اقتباس:
فارس صح بدنك مشكور على كرم مرورك العطر لاهنت تحيتي لك |
اقتباس:
أسعدني كرم مرورك العطر لاهنت يالغالي تحيتي لك |
| جميع الأوقات بتوقيت GMT +3. الساعة الآن 01:53 AM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية