الى لندن ..الى عباس ... مصافحه ثانيه
 

السلام عليكم ورحمة الله وبركاته, تقبلو مصافحتي الثانيه لكم كل الود الى لندن


[poem=font="Simplified Arabic,5,black,bold,normal" bkcolor="transparent" bkimage="backgrounds/1.gif" border="none,4,gray" type=0 line=0 align=center use=ex num="0,black"]
على نهج الليالي وأصطفاق الهم والهوجاس=عبر وقتٍ مضى وأشقى من الأجواد وأشقاني
احد وقته بحر غم وغرق به سابحٍ غطاس=واحد وقته يسيل به السعد في جوف ودياني
واحد وقته عبوس ان طاب راسه جاب له وسواس=واحد وقته يغني له على لاحي يا ليحاني
ومالك يالصبر حيله اذا يطغى عليك اللياس= مادام ان القناعه مالها عند البشر شاني
نديبي يا نديبي لا تضايق والعقول أجناس= مثل ناسٍ تشابه تختلف بأشكال وألواني
احد عقله يدير الناس احد عقله يديره ناس=تغير حرف والاول فرق عن صاحب الثاني
احد عقله عيونه يرشده للحق والنبراس=واحد عقله ورى عينه يتبع شوف الاعياني
نديبي يا نديبي هاك علمي واحفظه فالراس= واذا النسيان عذرك لاتقوله فيه نقصاني
ما دام ان القلم يكتب ويملى حبره القرطاس=فلا ظني معك عذرٍ تشيله فوق الامتاني
نديبي يا نديبي فوق من هي تشبه القرناس=فوايدها علينا قربت من بعد الاوطاني
نتاج الفكر واهل المعرفه والكتب والكراس=يدوجون البشر فوق السما من غير جنحاني
بدت فكره تخيل بروقها في راس بن فرناس=ولكن النهايه لفته من بين الاكفاني
جزات اللي ينفذ ماطرى باله بدون قياس=سعاطير الدفاشه تودع الربحان خسراني
بعد قص التذاكر يم لندن لايجيك نعاس=ولا تغفى عيونك مثل حال الذيب سرحاني
الين انه يشيلك متنها واجلس مع الجلاس=تحيزم بالحزام ولايسجك منه نسياني
تبا تاخذ لها لفه وتدويره كما العساس=تعطف في يد الطيار والطيار بطراني
ولامنها تهيت له على كيفه ظرب له كاس=تأسلم بالطبيعه مير طبعه طبع نصراني
ولامنها لفت لندن وشفت ان القيم تنداس=بصورة علم راقي لاتردد: ليه وداني
ترى ماهو غلاٍ فيهم ولا في ديرة الانجاس=ولكن الظروف الها بحكم الوقت سلطاني
ابيك تزور لي رجلٍ نعده للمراجل ساس=شهد له طيبه القاصي شهدله طيبه الداني
يشيل اسمٍ تسمى به هذا عباس وهو عباس=ابن عمي وخويه مسندي من بدت اخواني
عسى حاله يسر الطيبين وياعسى ما باس=عسى ربي يمده بالعوافي دون حسباني
ولو انك يالمرض تنقل نقلناك لعدو الناس=وسقينا بليس من مُرك كذا بدلال رسلاني
ولكن قدرة المولى هي المنجا من الاتعاس=فلا رجوى ولا نجوى لغيره رب الاكواني[/poem]

احد عقله يدير الناس احـد عقلـه يديـره نـاس000تغير حرف والاول فـرق عـن صاحـب الثانـي
احد عقلـه عيونـه يرشـده للحـق والنبـراس000واحد عقله ورى عينه يتبـع شـوف الاعيانـي



صباح الشعر يا علي ابن طرقي


كان لي شرف مصافحة هاذهي الرائعه والتمتع بقرائتها


صح لسااان ملااايين وسلم بنانك


ويستاهلون الطيبين الطيب والله يشفي مريضك وايرده سالم


سجل اعجابي ومتابعتي وتقبل تحياتي وتقديري

احد عقله يدير الناس احـد عقلـه يديـره نـاس000تغير حرف والاول فـرق عـن صاحـب الثانـي


الطرقي

بيت من ذهب

لله درك لله درك



اخووووووووك

صح اللسانك يا علي
وطرق محبووك
:)


ولاهنت على القصيده الطيبه ،،

صح السانك وبيض الله وجهك يالقرم

وافيه من وافي


تقبل تحيات مودعك


حمود بن فطيس

احد عقله يدير الناس احـد عقلـه يديـره نـاس
تغير حرف والاول فـرق عـن صاحـب الثانـي

بيت من ذهب ,,
صح لسانك ياعلي ولاهنت ,,
..

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ابيك تزور لـي رجـلٍ نعـده للمراجل ساس=شهد له طيبـه القاصـي شهدلـه طيبـه الدانـي
يشيل اسمٍ تسمى به هذا عبـاس وهـو عبـاس=ابن عمي وخويه مسنـدي من بـدت اخوانـي
عسى حاله يسر الطيبيـن وياعسـى ما بـاس=عسـى ربـي يمـده بالعوافـي دون حسبـانـي [/poem]

[align=center]امين الله يشفي ابو مطلق

وصـح السانك ياولد عمي

عزالله قصيده جزله وانت مايحتاج شهاده يالذيب

تقبل أحترامي وتقديري
ولاهنت[/align]

وعليكم السلام ورحمة الله وبركاته

يا مرحبا يابوطرقي ومسهلا

يا حي الشعر الاصيل بروحه الحيّه


نسـأل الله الشفاء لجميع مرضى المسلمين


وصح لسانك مدد على هذه الكايفه بحق ،


..

صح السانك وبيض الله وجهك

وعليكم السلام


مرحبا والله ومسهلا يابو طرقي



قصيده مليانه إحساس .. مليانه شعر .. الله يشفي ابو مطلق من الباس ويجعلها أجر وعافيه ..


وصح لسانك .. تحيتي وإعجابي بشعرك وشخصك الكريم ،

ما دام ان القلم يكتب ويملـى حبـره القرطـاسفلا ظنـي معـك عـذرٍ تشيلـه فـوق الامتانـي
نديبي يا نديبي فوق مـن هـي تشبـه القرنـاسفوايدهـا علينـا قربـت مـن بعـد الاوطـانـي



الى الابداع ذهاب بلا عوده




صح لسانك يا مبدع





تحياتي ومتابعتي






اخوكـ




خالد الغازيـ

الاخوه حمود الوذيناني فايز ابو رجليه ياسر العتيبي حمود بن فطيس شكرا لكم على مروركم الكريم ودمتم سالمين

تركي محمد
مشكور على المرور
ياولد العم

مشعان البراق
اسعدني مرورك
وبيض الله وجهك

ســــــــــــــداح
شهاده اعتز فيها من شاعر له باع طويل
في الشعر والله لا يهينك

ضيف الله الغنامي
شكرا لك

محمد بن صالح
مرحبا والله يابو تركي
اسعدني تسجيل مرورك
واعجابك وسام على الصدر
واعتز فيه انت والريجيل شرواك

الله يشفيه يارب ....

وصح الله احساسك ...


أنت مبدع ,,

خالد الغازي
شكرا على مرورك
وصح بدنك
شكرا على الاطراء
اخوك علي طرقي

علي طرقي


صح لسانك مدد على هذه الدره .. و عسى الله يشفي عباس مما ألمّ به
لله درك و الله لا يضرك



:)



أخوك/محمـــد ال عبـــدان

معربة الجدين شكرا لكي
على تسجيل المرور
محمد ال عبدان
الله لا يضرك
صح بدنك

علي طرقي العتيبي

علي الطرقي



صح السانك ولاهنت يالنشمي


قصيده طيبه




دمت بخير