منـقـيــّه !!
 

بويتات لا تصل لمستوى مناسبتها !

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
راكب اللي لامشى ماحدٍ زيـّه=لاهو أمريكي ولاهو بياباني
وسمه رقومً على خد شاصيـّه = ونقشة الأرقام وسم البريطاني
إنقليزي والعقول إنقليزيـّه = أنهبل منه السويدي والألماني
صممه زنديق وأمه يهوديّه = وخاله إبلا دين وأبوه نصراني
وصنعه ممسوح وأمه مسيحيّه= جده القسّيس وآبوه علماني
ورغم مابه من خلافات دينيّه = في المصانع يختفي فرق الأدياني
تصبح الغايه علامه تجاريّه= تقتل الفكسار وجيوب نيساني
وأنتجو راعي الوصوف الخياليّه = مركب الحكام في كل الأوطاني
رنجروفر قمة التكنلوجيّه = إنسيابي في رفارف وبيباني
كن حبكة داخليـّه وبوديــّه = قاف من حبكة عناد الحويماني !
وكن دقة سلفه ألفاظ عبريّه= ترجمتها وين الاول من الثاني
ولو سميره بنت توفيق سوريّه= صوتها بمسجل الرنج لبناني
خص لامني فهقت العضيليـّه = وأنشرح بالي وأنا أكوسرألحاني
مايوقفني ثمانين دوريّه = دام إبن حجنه تقــدّم وناداني
من هواجيس الضمير الحقيقيّه = ياسلام الله على طيور حوراني
دعوة الغالين ماهي بمنسيّه = كيف والداعي أعده من أخواني
صاحبي فيحان ياحي طاريّه = من هل الطالات ذربين الأيماني
نسل إبن رايق نفيع ومجانيـّه = في الحجاز ونجد ديره وشيخاني
أن وردت كلاخ والاّ النخيشيّه = وأن وردت الشط والاّ أم غرباني
مثل مرساله ومثل البجاديّه = بـسْل والحسرج ومحضب وصدعاني
علم آلاد نفيع بانت مواريـّه = يامواري الطيب في كلّ ميداني
يوم بن حجنه شبيب وعزاويـّه = في لميلح جندلو كل قوماني
ويوم صَوْيه خير شاهد وماريّه = وتشهد سحيله وصبح المحيـّاني
ويشهد مواجه ويوم النضاديّه = وكم وكم غيره صباحات وأكواني
عادة العتبان في ذي وفي ذيّه = شامخينً من قديمات الأزماني
طايلين ونايلين وشقرديّه = صارمين وحازمينً وشجعاني
مسرجين الخيل في ساعة الهيّه = مهلكين الحيل للضيف والعاني
ذبحة الحايل طقوسات يوميّه = ماتوقـّت بالضحا والمسياني
ولطمة العايل سجيه طبيعيّه = بالقنا والرمح والسيف شاماني
محتمين الذود والدار محميّه = ناطحين الكود والعلم نيشاني
آتشرف يوم لي عندهم جيّه = وأحبك القيفان وآفل حجاني
وأنت يافيحان لك عاقد النيّه = عن لزومك ماأعتذر والعمر فاني
من غلاك البيد لرضاك مطويّه = صوبك التقدير والطيب يشعاني
كم وكم زاهم ودعوه وبرقيّه = وأعتذرت فلان وفلان وفلاني
المشاغل كلها اليوم ملغيّه = لادعا فيحان ماني بمتواني
جيت أبارك لك وداع العزوبيّه = وجيت أشاركك الفرح ياكحيلاني
الله إنه يرزقك خير ذريّه = وجعل عمرك في سعاده ومتغاني
ياسليل الجود عون الجلاويّه = كاسب الطولات ومزبن الجاني
سقت لك من ذود الأفكار منقيّه = مثل نقوة ذود غازي العضياني
والوكاد إن البكار العمانيّه = ساقها لك واحد ماهو عماني
لكن سْعودي من أهل السعوديّه = منسبي معروف وإسمي وعنواني
أحمري ومن الديار الجنوبيه = من يدور لي على الطيب يلقاني
صيتنا عالي ونيراننا حيّه =من رجال الحجر واللي نهض باني
الوفا والطيب عادات جديّه = عاش أبوي اللي على الطيب رباني
أمدح العتبان معنى وقافيّه =وأذكر ربوعي وصح الله لساني
دون ظلم ودون نقص ومحقريّه = في القبايل كلهم قاصي وداني
ماهنا تحديد والاّ خصوصيّه = العموم وْنعم حضـرً وبدواني
كلهم وافين ميه على ميّه = طيب عدناني على طيب قحطاني
هاوصلى الله على مرشد التيـّه = النبي الهاشمي نسل عدناني
عد ماقد بانت ومالت الفيّه =وعد ماهب الهوى خضر الأغصاني[/poem]

1

الله الله الله الله الله الله



ياسلام على الابداع والشعر الجزل




صح السانك ولاهنت

ونعم بالطيبيين وبكل القبايل



دمت بخير

الله الله


لله درك ياشاعر

ونعم ابك وبمن عنيتله

وبيض الله وجهك

وصح لسانك
غيمار

الله الله

رووعه


صح لسانك ياناصر



وكفووووووو

لك كل التقدير والشكر

,

5

,

بيض الله وجهك على هالابداع والتميز

وصح لسانك

وعلا شانك

6

لكن سْعودي مـن أهـل السعوديّـه
منسبي معروف وإسمي وعنوانـي
أحمـري ومـن الديـار الجنوبيـه
من يدور لي على الطيـب يلقانـي
صيتنـا عالـي ونيرانـنـا حـيّـه
من رجال الحجر واللي نهض باني
الوفـا والطيـب عـادات جـديّـه
عاش أبوي اللي على الطيب رباني
أمـدح العتبـان معنـى وقافـيّـه
وأذكر ربوعي وصـح الله لسانـي
دون ظلم ودون نقـص ومحقريّـه
في القبايل كلهـم قاصـي ودانـي

كفو ..كفو ..كفو يابويحيى ..وأناأشهد :)

ومنقيّه يستاهلها فيحان في وداع العزووووبيه :)

محبتي لك منذ مبطي يابويحيى :)

أبوشاهر

ناصر

صح لسانك

أكثر من رائعه

تقبل تحياتي ,,,

هنا



للشعر بصمه

وللشعراء حضور !



الاحمري ناصر



تحياتيــ لك وللشعر العذب ..

الله الله الله الله الله الله الله الله

عز الله انها منقيه

ويستاهل فيحان

وونعم ابك وبربعك

والله يبيض وجهك

لا اله الا الله اللهم صلى على محمد ,,

ابو يحيى ونعم بك وبفيحان ,,

انشهد انك ابدعت ولاهيب غريبه عليك ,,

صح لسانك لين ترضى ....
..

ما شاء الله


ما شاء الله


ما شاء الله






ابداااااااااااااااااااااااااع وقمة الجزاله



صح لسااان مليار والله يا ناصر


ومبرووك لفيحان وداع العزوبيه :)



وعزالله يستاهل


ونعم فيك وفي عتيبه كلها وفي ربعك بعد


متابع لك يالغالي


لك كل الود



:)

الله
الله
صح الله اللسانك يالاحمري
وبيض الله وجهك على القصيد الطيب
ولاهي غريبه عليك الابداع
:)

للّه درّ الجزاله يا بو يحيى


ناصر الاحمري .. انت شاعر لا يوفيك الكلام



صح لسانك وسلمت

أحمـري ومـن الديـار الجنوبيـه
من يدور لي على الطيـب يلقانـي
صيتنـا عالـي ونيراننـا حـيّـه
من رجال الحجر واللي نهض باني
الوفـا والطيـب عـادات جـديّـه
عاش أبوي اللي على الطيب رباني

اي والله كفو يالاحمري والف نعم ,,

صح لسانك على هذا النص وسلمت للأبداع ,,

تحياتي واعجابي ,,

عز الله منقيّه**والعوده حتميّه

وها حبي لي خشمك

اشهد بالله انك شاعر عظيــــــــــــــم وعفاك

ناصر الاحمري


لله درّك لله درّك

ياخوي قصيدك غييييييييييييييييييييييييييير

صح صح صح الساااااااااااانك مدد


اعجابي واحترامي

أخوك

مرحبا ياسلطان وانت رقم 1 في كلش

ابو يحيى

اشهد بالله ان قصيدك في اي غرض يقند الراس

ومبروك لفيحان والف نعم بعتيبه والف نعم بك وبربعك

.

رنجروفـر قـمـة التكنلوجـيّـه
إنسيابـي فـي رفـارف وبيبانـي
كـن حبكـة داخلـيّـه وبـوديّـه
قاف من حبكة عناد الحويمانـي !


ناصر الاحمري ,

والله يابويحيي ان الشهاده فخر منك , واشوى ان مافيه حويماني اسمه عناد الا انا , والا كان قلت غيري المقصود :)

ولاعليك زود في كل ماذكرت ومليون نعم بك وبقبيلتك وبرجال الحجر كلهم ,

شاعر يفخر بك كل محفل يابويحي ..
وهذا الشئ مفروغ منه قبل ماذكر اعلاه وبعده ,
طرقك الفريد وبصمتك الواضحه في كل طروقك سر تميزك ,
صح الله لسانك وين ماكنت
وشرّفت الحفل واهل الحفل وفيحان ومحاكيك

سلامي عليكـ .,