ليه يا وطن
 

مجاراه الاحداث من الواقع المستغرب والمستقبل المجهول














ليه يا وطن
يااجمل وطن
واغلا وطن
بلا ثمن
واحسن وطن
يخفي سكوته بالعلن
وقت الفتن

* * * * * *

ليه يا وطن
أشوف في وجهك حزن
على الزمان بهالزمن
علمني بس شلون صار
كل اللي ما لازم يصير
ليه الضروف تغيرت
وانت اول اللي صار غير
وعلمني عن
ذنب البطون الفاضيه
وعذر البنوك اللي امتلن
وليه البضايع واظحه
وليه المعاشات أختفن

* * * * * *

ليه ياوطن
ليه الفقير اذا اعترض على قرار
يصبح حقير بإحتقار
وليه الغني اذا اعترض
يصبح وزير
بكل وقار
* * * * * *
ليه مجلس الامه جلس
على الشهي من الصحون
يحاولون
بيع البلد
مع كل سارق مختلس
وإن ماحصل
توافق بما يطمعون
يصير حل
وهكذا نمظي إذاً
وأهل اللحايا اللي تطول
بقصر العقول
اللي يحبون الرسول
ويتبعون مسيله
وقيل ابن ابي سلول
يهدوننا
الى الصحيح من الطريق
والى الجميل من الكلام
والى القويم من السلوك
علماً بأن
عيونهم على جفاف يديننا
تنطر ربيع بطونهم
من غير من

* * * * * *

ليه يا وطن
الكل عايش في ظجر حتى الظجر
الكل عايش في قلق حتى الوهم
من كل حرامي منتظم
على القرار المظطرب
يدعو الى حقوق النساء
اللي خلا منها الرجال
وبكل فخر
وبكبرياء
تعلن حكومتنا بغباء
((تساوي الشعب الابي
كلٍ على حد السواء))
وقانونها على الفقير
يعزف عليه الأغنياء
بإفتراء


* * * * * *



[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
منين أجيب لهواك إعصار= أبيك توقف وتسمعني

آسف على دمي الفوار=اللي يفزعك وأفزعني
ودي أقول الظروف أشعار=بس الحيا منك يمنعني
بحقوقنا ينبت الصبار=وهذى طبيعي يروعني
المجتمع مجتمع ثرثار=طبعه ومالله مطبعني
آخر زياده على الأسعار=ماخلت الحال يوسعني
ماأقول لاتشبع التجار=لاكن بعد لاتجوعني[/poem]

* * * * * *
بس يا وطن
من كل بس
تكسر خواطرنا عبث
كثر التعب فوق التعب على التعب
جنب التعب
كثرالكفاح
على العتي من الرياح
بايامنا الليل العتيم
ننطر" صباح
من الصباح"
يعطي الليالي المقبله
مستقبلاً
معنى النجاح
من شان نتعب بإرتياح

ليه ياوطن
ليه الفقير اذا اعترض على قرار
يصبح حقير بإحتقار
وليه الغني اذا اعترض
يصبح وزير
بكل وقار




نص خطير وانت خطير ياعبدالله




رااااااااااائع

صح لسانك

على النص والكلمات الجميله


لك مني فائق الاحترام والتقدير

تحياتي

صح الله لسانك يانقي



وافيه وانت وافي


لاعدمنا حضورك المشرق

عبدالله البصيص
صح لسانك حتى ترضى
رائع ماتكتب الله لايضرك
تحياتي

يا سلام عليك يا عبد الله

لله درررررك

ماأقول لاتشبـع التجـار
لاكـن بعـد لاتجوعنـي

__________


الغالي

عبدالله البصيص


___


صح لسانك / نص حرّ أظهر الوجه الآخر للعيش كإنسان في ظل ظروف لا تبشّر بخير :(

ليه الفقير اذا اعترض على قرار
يصبح حقير بإحتقار
وليه الغني اذا اعترض
يصبح وزير
بكل وقار !!!


لله درّك ــ


____________

صح لسانك

ماأقول لاتشبـع التجـار
لاكـن بعـد لاتجوعنـي


هناااا بيت مجنون بصراااحه

ونص راقي

صح لسااانك

صح لسانك يا عبدالله على هذا الجمال

وسلمت

الاسيمر












مرورك له نكهة النعناع















مشكور على الاطراء














ودمت سالم
















0

محمد السميري




















مرورك رائع جدا























مشكوووووووووووور ياغالي

الأخ عبدالله شايع
















مشكور على الكلام الطيب















وصح بدنك ياااااااغالي






































.