نســانيس الليــالي
 

تحيه طيبه للجميع
ابيات متواضعه للتواصل والتوثيق
(تعرضوها الشلاويح وقاموا يعدلون فيها وينسبونها ويغنونها شيلات)
تشرفت بمجارات الشاعر الكبير محمد ابن علوش لها
اتمنى ان تنال الرضى


‘‘‘‘‘‘
[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
كل ماهبّـت علـى صدري نسانيـس الليالـي=قمت أحسّب ماكسبت من الحيـاه وماخسرتـه
واتذكر مكسبي واللي غـدا مـن راس مالـي=واتذكـر كـل حلـم ٍ ماهدمـتـه لاعمـرتـه
واتذكر كم غدالي مـن صديـق وكـم بقالـي=وكم صديقٍ حافظ ٍ كرته وصد وضاع كرتـه
واتذكر كم غدر بي من صديق وكـم صفالـي=وكـم لئيـمٍ كـل ماسنّـد مـع دربٍ حدرتـه
وكم صديق رخص في عيني وهو قد كان غالي=وكم رخيص ٍ كل ماعزّت علي نفسي حقرتـه
عقب ماهو يعتزيبـي ويتجمّـل مـن حلالـي=وان جبرنـي لازمٍ دوّرت غيـره ماجبـرتـه
وان تضايق نصيني وان نصيني ماضاق بالـي=أبذل المجهود واللـي فـي يدينـي ماذخرتـه
واتذكر كم عرفت مـن الرجـال أول وتالـي=وأنشغل مازارني وأنـا بعـد ماعـاد زرتـه
واتذكر كم رصيدي مـن زحازيـح الرجالـي=الرصيد اللي ليا ضاقـت بـي الدنيـا نحرتـه
وان ذكرته هان كل اللي غـدا فيمـا مضالـي=افتخر به والردي لابـان لـي عيبـه خسرتـه
علّمتنـي ضحكـة الدنيـا وطنخـات الهبالـي=كيف حبل الطيب لامن طال طلتـه ماقصرتـه
وعلّمتني صحبة الرديـان وقصـار الحبالـي=كيف قسمي في المكاسب من حصاد مابذرتـه
وعلمتني بالمحبـه والجفـا فـي كـل حالـي=وعلمتني ليش أهجر الرجـل لامنّـي هجرتـه
والنهايـه ماحصلّـي مـن نسانيـس الليالـي=غير همّ كـل ماهبّـت علـى صدري ذكرتـه [/poem]



وســـلامتكم

‘‘‘‘‘

الله الله الله الله الله ...


لبّا والله ذالقصيد :)


عتبي الشديد الشديد الشديد على اختيار مكانها ،

أنت متأكد ياسعد إنك تبا ذالقسم ؟



شف ورد لي :)


سلام’ عليكم

الله الله


يا سلام عليك يا سعد


انت تعرف رايي في قصيدك


يعجبني كل ما تخطه يمينك انت جزل ورائع ومبدع


ومثل ما قال اخوي عبدربه


مكانها في الشعبي :)




متابع لك دوم يالغالي



لك كل الود


:)

صح السانك يابن شفلوت
مبدع لله درك
دمت بخير

الله واكبر

ما فالهرج فايده ياسعد ,,, لله درك وصح لسانك
وعسى الشلاويح فداك اي والله
ميزتهم انهم سبب في جيبة القصيده لنا
والذهب ان ماطمعموبه لا يطمعون :)


محبتي واعجابي

اخوك

تعرف رايي منذو مبطي ياسعد

فقط اتيت لأرتوي من الجم الزلال

غيمار

والنهايـه ماحصلّـي مـن نسانيـس الليالـي
غير همّ كل ماهبّـت علـى صـدري ذكرتـه


ياااالله على روعه القصيده ومعناهاا



صح لسانك


قصيده جزله وكلمات محكوره


لك مني فائق الاحترام والتقدير


تحياتي

قصيد ابن شفلوت يفرق عن كثير من القصيد**فيه الجزاله والمعاني والمباني والحكم

سعد بن شفلوت ,

قصيده تستحق المجاراه ,

وشاعر لايأتي الا بالجزيل الجزيل ,

صح لسانك وسلمت ,

وسلامي عليكـ .,

سعد ..!!
صح لسانك
صح لسانك
صح لسانك

قصيدة تستحق المجاراه .. فعلا ..!! لله درك وكفى .!!

تقبل التقدير ... والمتابعة ..أخوك

ارحب ياتركي

حجز الله لك مقعداً في الجنه

لاعدمتك

ابن شفلوت

شاعر كبير ولافي قصيدك كلام

تنحت ذهب طال عمرك

!

عبد ربه

ارحب مرحبا ومسهلا

وانا يهمني راي مثلك وشرواك هنا والا في الشعبي

وهذا المكسب

لا اخلا ولا اعدم

مشاري

ارحب

ياهلاوغلا

شرفني مرورك يالغالي

لاعدمتك

سعد بن مناحي بن شفلوت

شهادتي فيك مجروحه


صح السانك ولاهنت


دمت سالم وغانم

ابو مناحي


صح لسانك


وعلا شانك

ولاهنت

اخووك

سعد بن شفلوت



اسم لن يمرّ الشعر مرور الكرام .. ولا يوفيه الكلام



صح لسانك يا سعد .. وسلمت يمينك

لله در الشعر و الشاعر
لله در الشعر و الشاعر
لله در الشعر و الشاعر



:)



أخوك/محمـــد ال عبـــدان

صح لسانك ياسعد بن شفلوت وكفو والله

وهذا حال الدنيا من تفكر فيها شاف العبّر

عسى الله يزينها بوجه كل رجالٍ كفو شرواك