رهن الإشاره !
 

السلام عليكم ،


بطلب من أخي المسرّي أنتقلت خجلانه هذه المتواضعه هنا ..
تراها توقيع لا اكثر ...





[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
يا وسع صدري مير للضيق مرهون=وأن ما توسّع كلّه .. يضيق كلـّه

يمشي تحت رهن الإشاره على الهون=وترمي عليه من السلوك وتتلّه

وسلوكها ما بين ناشف ومدهون=وصدري ليا قامت تلامس تعلّه

أحيان أجامل وأترك السدّ مدفون =وأضحك ما بين الخطّر المسفهلّه

وأحيان أجي مشحون .. وأروح مشحون=وأقول من يعقد حجاجي يفلـّه

ثلاث تحكمني ولا قلت وش لون=المعرفه .. والعاطفه .. والجبلّه

العقل صاحي لكن القلب مجنون=والكل منهم نظرته مستقلّه !

يا صاحبي ما للمحبيّن قانون=والحبّ لغز .. ولا عرفنا نحلّه

قلبك مثل قلبي مكبّل ومسجون=أحرار مير قلوبنا مستحلّه

عسى الغلا لازال بالحفظ والصون=والله يبيحه لا تغيّر محلّه

أهديتني جمره على راس غليون=وأهديتك من العمر شيحه وفلّه

ورغم إختلاف المدّ لا زلت ممنون=والشوق يآخذني على كل ملّه

فوّحت دمّي لين صار أشقر اللون =وأخذت من مجراه فنجال دلّه

ما غير أغنّي فيك لو كنت مغبون=يا ملّ قلبي من غرامك يا من لّه !

دايم ضحايا العشق لإجله يضحّون=كم فاض من كثر الضحايا سجلّه

وأنا غديت بحكم فاتن ومفتون=راضي بحكم الحبّ .. والحكم للّه

وأن قام يكبر بيننا شاسع البون=أرفق عليّ وشاسع البون قلّه

عز الله أنّ الشكّ ماهوب مامون=سيف الجفا البتار يمكن يسلّه

أقنع لو أنّ الحال من دون في دون=وأخذ الكلام اللي عليه الأدلّه

لا تشتكي لي والعرب وش يقولون=شكوا ً لغير الله تراها مذلّه ![/poem]




وسلمتوا ،

لاتشتكي لي والعرب وش يقولون ./. شكوىً لغير الله تراها مذله ..


سبحان ملهمك ياهالآدمي ،
وكماقال أبونجد منذو زمن ( بيّض الله وجهك من جابك أكتااااف ) ..!!

سلام’ عليكم

حجز
2

الله الله

ياسلااااااام

تشرفت بقرائتها في التوقيع وتمنيتها في الشعبي

وتحقق الحلم

لاهنت ايها المبدع

تحياااااااااااااااتي

4

سداح
توقيع والاماهي بتوقيع

اكثر من رائعة

وباختصار الله لايهينك

ولك مني اجمل تحية

فووق يا شعر فووق
:)

والمرقاب بكبره سهمه اخضر يا سداح اي والله
والكلام في حقك قليل ،،،

سداح لاغنّى غشى العالم اسكون= القلب ينصت والمسامع تجلّه
ليته فقط ينشاف عبر التلفزون=لابارك الله في غلاف المجلّة
في شاشة المرقاب والكل يوحون=للي حوى الإبداع دقه وجلّه


اسكون : تحتمل معنيين وكلاهما مقبول على حسب نفسية المتلقى ونوعية تفاعله مع الشعر العذب :)


صح لسانك ياسداح وليت الإدارة تقفل دونك مربع التوقيع :)

يا سلام يا دكتور يا سلام


لك لونك الذي لا يضاهيك فيه أحد

ان اشهد ان شعرك مقفى وموزون***وكل من جهل فالشعر شعرك يدله

صح السانك يادكتور

تحياتي لك

لا تشتكي لـي والعـرب وش يقولـون
شكـوا ً لغيـر الله تراهـا مـذلّـه !

لله درك

مبدع ولا انت بحاجه اطراء

أهديتنـي جمـره علـى راس غليـون
وأهديتـك مـن العمـر شيحـه وفلّـه
ورغم إختلاف المـدّ لا زلـت ممنـون
والشـوق يآخذنـي علـى كـل ملّـه




ياسلام




دكتورنا العزيز سداح صح السانك مدد بلا عدد



لك فائق تقديري وودي

الدكتور




حجز .. ولو اني ما اعرف رقمه مار حجز وبعد اذنك لي عوده







اخـوك القريّب


..
.

أهديتنـي جمـره علـى راس غليـون
وأهديتـك مـن العمـر شيحـه وفلّـه
ورغم إختلاف المـدّ لا زلـت ممنـون
والشـوق يآخذنـي علـى كـل ملّـه


الله الله الله


صح لسانك د. سداح

أقنع لو أنّ الحال مـن دون فـي دون
وأخـذ الكـلام اللـي عليـه الأدلّــه
لا تشتكي لـي والعـرب وش يقولـون
شكـوا ً لغيـر الله تـراهـا مـذلّـه !


تسلم يمينك ياسداح


صح السانك

الدكتور











يعلم الله فكرة ولقيت لو اجلس شهر ماراح اقدر اقول شي




مار تدري




السكوت في حرّم الجمال جمالآ











صح لسانك من محلي لين ياصلك ويحب خشمك







اخـوك

..
.

العقل صاحـي لكـن القلـب مجنـون
والكـل منهـم نظـرتـه مستقـلّـه !
يـا صاحبـي مـا للمحبيّـن قـانـون
والحـبّ لغـز .. ولا عرفنـا نحـلّـه



الله الله الله يا سداح
صح لسانك ولاهنت على هالحرف .. والقصيد الجزل
وبيض الله وجهك ووجه المسري
وذكرتني في بيت لي .. رغم فرق المعنى..
الحزن ليل وشوف الاحباب قنديل ... والهجز لغز .. وعلقم الصبر حله

صح لسانك
صح لسانك
صح لسانك

كل التقدير والمتابعة الدائمة
اخوك ابو نايف

لاتشتكي لي والعرب وش يقولون
شكوىً لغير الله تراها مــذلـه

صح لسانك وماشاء الله عليك ...

توقيع ماهيب توقيع .. في المواهب .. في الشعبي

الاكيد انها دره ومن شاعر علم

سلامي عليكـ
..

الله الله ياكبير صح لسانك ولاهنت

:


الله يبيض وجه من طلب منك تحطها هنا
ابيات ما عليها كلام تجبرنا انا نقراها اكثر من مره يا سداح
صح الله لسانك ولا هنت وجعلك تبطي حي انت ومن مثلك




وفقك الله




،

ونحن نردد معك , شكوى ً لغير الله تراها مذله !


سداح ,

الحديث حول شعرك بالتعليق على كل ماتقدم , لم يعد يفي بالغرض مطلقا ً ,

رمز كبير وشاعر أكبر .. والكبير الله ,


لله درك على عمق الابداع , ولله در ّ المسري ّ وطلبته ,



سلامي عليكـ .,