سالفه وقصيده ( مدري عن صحتها ) .. !
 

.



هذي يا جماعة الخير سالفه وقصيده مدري عن صحتها والعهده على الراوي مثل ما يقولون .. والسالفه تتعلق بالامير السديري /
سمعت أحد الشيبان كبار السن يسولف في مجلس .. يقول :
أن الامير السديري عندما كان اميرا على احد المراكز قديما كان يعشق امرأة حولهم في الباديه حب البدو اللي على وضح النقا ويتقهوى دائما عند اهلها زياراته مستمره لهم .. وكان عند الامير في المركز أحد اخوياه وأصدقاءه الخاصين مع الامير دائما ويعلم هذا الخوي ان الامير مهاوي ويعرف المرأة المهاويها والمرأة هذي مشهوره بجمالها في المكان اللي هم فيه .. والمهم يبدو ان هذا الخوي قلبه خضر بعد .. وكان ينتهز الفرصة في غياب الامير ويروح يتقهوى مع اهل هذي المرأة الجميلة .. وفي أحد الايام كان في المركز حفل أو تكريم أو ماشابه .. فعلم هذا الخوي أن الامير مشغول ولن يذهب إلى اي مكان ، فستغل الفرصه وذهب لزيارة أهل المرأة وكان له ماأراد .. المهم الامير كذلك عندما أنتهى من ترتيب متطلبات الحفل ذهب الى اهل هذي المرأة ووجد خويه عندهم يتقهوى ويسولف ومبسوط .. جلس الامير السديري وتقهوى معهم ويوم خلص من القهوه أنشد هذي البيتين وقال /

يا خل ما تنقسم قسمين .. قسمٍ لناصر وقسملّي
ناصر له الراس والنهدين .. وأنا لي الحقو و ولي
عطيت ناصر قسمٍ زين .. يومٍ ناصر خويلّي


الله الله وسلامتكم ..


ولا أدري السالفه صحيحه ولا لا .. اللي عنده اضافه او تعليق يتفضل مشكور ..


.

ماعندي الاسلامتك ،
مير الواضح انها مختلقه ، قل ليه ؟

لأن السديري - رحمه الله تعالى - رجل ذرب ، وهذه القصه والابيات
ماتوحي بذلك :(

سلام’ عليكم

ماتجي على السديري

السدري ماهذي بقسمته

ولا على البيوت رسم السديري

وانت ماقصرت على مجهودك

غيمار

عبدربه ونايف

إذا كانت السالفه ما توحي بالذرابه فعزّ الله انها ما هيب للسديري ..

لكن اللي شككني الشايب اللي أورد القصه والابيات الموجوده في القصه فيها
أصالة الأولين من ناحية السبك ...

وشكرا لكم على التوضيح والتعليق ..

أخوي فهد

يكرم السديري من ذا القسم
وأعتقد إن السالفه على واحد
غير السديري.

لأنه أمير وذرب ولا تنطبق عليه السالفه

الرجاء التحري في الدقه يا فهد .

أسمح لي وتقبل تحياتي ,,,

حياك الله يا فيصل


وابشر بالدقه وما يلحق <- قام يخم الشمع

وخلاص ما عاد اعودها رقده هههه


وبعدين يالربع يوم أقول الامير السديري مدري هو الامير محمد الله يغفر له ويرحمه ولا غيره .. هذا ما سمعت من الشايب في مجلس عام ..

ولا هنت يا فيصل على الإضاءه ..

يا مرحبا يا فهد


وانا مع الربع .. مستحيل انها تكون للسديري .. واستفسارك عن الابيات وعن القصّه من حقك ومن حقنا


وش رايك بالفزعه :)


الف شكر لك يا فهد ..

ناصر مناحي

حيّك يا رجال حيّاه


كلوني الربع لحمٍ حي ههههه

وأنا معكم بعد أعتقد أنها ما هيب للسديري ..

لا هنت يا ناصر ،،

.

^
لبّا نخرك ،،،

نباك ياطويل العمر تروح للعود هذا الله يجزاه خار ،
وتفتح معه صفحة تحقيق ، وتعطيه من ذالاسئله :-


- من أين سمعت هذه القصه ؟
- ومتى سمعتها ؟
- وفي أي مكان ؟
- وكم كان عمرك عند سماعها ؟
- وهل الذي نقلها حي أم ميت ؟
- ومن كان عندكم لحظة سماعها ؟
- وهل أنتم في ليل أم في نهار ؟
- وهل تصادق على صحة أقوالك ؟


... وبس !

..

8

لبّيت محتج يا ألبي


أظاهر انك تبي نهايتي الأدبية على حاجونة عجوزٌ مسن !!!


جاااااز الله من ذا السالفه جعل أبرك .. هو راسي بيسلم بس !

خلاص ما عاد أجيب سالفه إلا بسند وشهود واثنين مزكيه <- هههه خج


..

لاهنت يافهد

عدنان مرضي


حيّاك الله ولا هنت على تشريفك ،،

..