((مافيه باب ٍبالرجاء ماطرقتة))
 

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياللي طردة الوقت ماتلحق الوقت=كم واحد ٍيطرد ولا لحق وقتة
لو كان في مبدا حياتك توهقت=يلحق عليك وتنتهي مالحقتة
وليا ضحك لك نص ضحكه وصدقت=يسبقك وانته تحسب انك سبقتة
وانا الذي من كاس وقتي تذوقت=ذقت الحلى فالوقت والمر ذقتة
وشنيت غاراتي على الوقت وانفقت=وعيت نفقتي لاتنقص نفقتة
جيته على وضح النقاء ماتدرقت=وغير مسيره واختفى مارمقتة
قلت السبب في غارتي ماتوفقت=وان كان جيته يوم ٍ اخر درقتة
وسويت لي خطه حكيمة ونسقت=واثره يزرقني وانا مازرقتة
واليوم لو ضاق الفضاء ماتضايقت=مافيه باب ٍبالرجاء ماطرقتة
ياكثر عشقي لرجاء يوم عاشقت=واليأس يأس ولا اخبر اني عشقتة
يعني على كل الحقايق تحققت=وانتجت من سوق الجمل يوم سقتة
وسلامتكم[/poem]

حجز
1
وعليك بباب الله

حمود السمي



يا سلام عليك .. والله يعين يطرد الوقت


صح لسانك .. وسلمت يمينك

حمود السمي

صح لسانك ولاهنت

على هذا الرائعه

غيمار

[poem=font="Simplified Arabic,4,green,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ياكثر عشقي للرجاء يـوم عاشقـت=واليأس يأس ولا اخبر اني عشقتـه
يعني على كـل الحقايـق تحققـت=وانتجت من سوق الجمل يوم سقتـه[/poem]

ياسلام ياحمووود :)

التفاؤل مطلوب في كل خير ..

حيّاك الله في مرقابك يالسمي ، ولاهنت على هذه الهديه القيّمـه ،
التي لانستغربها ممّن هم على شاكلتك ..

خارج النص:
(( تباركنا عليكم يوم جاكم تركي بن حميد ))
!!!!!!!!

شاعر متمكّن ياحمود ، ولست بحاجة مانقول لك هنا ..


سجّل الإعجاب تفكي :)


سلام’ عليكم

مرحبا بك ياحمود

في هذا الصررح

الذي يتشرف بحضور المبدعين امثالك

قصيده رائعه وشاعر جزل لا تستغرب منه الروائع

حمود السمي

هلاااا والله وغلا بخو محمد

هنا للترحيب بك

والا شعرك فأنت غني عن التعريف والاشاده يبو عايض

لاهنت لاهنت

تحيااااااااتي

حمود السمي

صح لسااانك مدد


نص اقل مايقال عنه ابداااع يالقرم

تقبل مووودة اخووووك

واليوم لو ضاق الفضاء ماتضايقـت
مافيـه بـاب ٍبالرجـاء ماطرقـتـة

صح لسانك واعتلا شانك

بيت عن قصيده

صح لسانك ياحمود

مـــــدد

وحياك الله في المرقاب باسمي وباسم اخواني الاعضاء

..

حمود السمي

شاعر لاتحتاج شهادة لامني ولامن غيري

والقصيدة هاذي ياحمود معلقة معلقة
والله اني اقراها ولاودي انها انتهت مترابطه وبحرها

واسلوبك في حبكتها مميزه وكل مافيها جميل

وانا في كلامي والله اني بعيدٍ عن المجاملة

لكن اللي اقولة لشاعر هالشامخة الله يبيض وجهه
ويجمل حالة وفي انتظار الجديد

تقبل تحيات مغليك

الشاعر القدير
والنجم المحبوب / حمود السمي البقمي

يا مرحبا في مرحبا في مرحبا

والله انها من درر الشعر

فاضت بالحكمه والقول الجزل والثمين

وترادف شطريها شكل جرس جميل

اتقنت ولاهو غريب عليك الإبداع عز الله ،

صح لسانك عدد حروفها ،،


..

حمود

صح لساانك مليوون ياكبير

ابو عايض


ابداع غير مستغرب



صح لسانك مليوووووون ولا تكفي


لك فائق احترام وتقدير اخوك

واليوم لو ضاق الفضاء ماتضايقـت
مافيـه بـاب ٍبالرجـاء ماطرقـتـة
ياكثر عشقي لرجاء يـوم عاشقـت
واليأس يأس ولا اخبر اني عشقتـة
يعني على كـل الحقايـق تحققـت
وانتجت من سوق الجمل يوم سقتـة


مبدع نظم ومحاوره يابوعايض
بيض الله وجهك ياحمود

صح لسانك يابو عايض


منت بحاجة شهاده لكن اقبل اعجابي

واليوم لو ضاق الفضاء ماتضايقـت
مافيـه بـاب ٍبالرجـاء ماطرقـتـة


ياسلام ياسلام ياحمود

وصح الله لسانك على هذه القصيده الرائعه


وحياك الله بين اخوانك المرقابيين اخ جديد وشاعر مبدع



تحياتي

مرحبا يامناحي مرحبا وحجزك درجة اولى لاعدمتك

ابو عايض

يامرحبا والله ومسهلا

صح لسانك ولاهنت

والله يبيض وجهك

الله الله يا حمود



صح لسانك ولاهنت

والقصيده كلها على بعضها ابداع في ابداع

محبتي ومتابعتي ياغالي

اخوك

جزالة .. وحكمة ..

صح لسانك يا حمود ..


راااااايقة وربي ..

حمود السمي

صح لسانك على هذه الفاخره وانت شاعر غني عن التعريف