مرثيه في الشيخ عبد العزيز بن جامع
 

[align=center]السلام عليكم ورحمة الله وبركاته

مرثيه في الشيخ / عبد العزيز بن خالد بن جامع يرحمه الله ويسكنه فسيح جناته ..
[/align]


[poem=font="Arial,5,white,bold,normal" bkcolor="transparent" bkimage="backgrounds/21.gif" border="none,4,gray" type=0 line=0 align=center use=ex num="0,black"]
يا اللي من الاعماق للشيخ تنعون = بعد رزتكم فالفقيد الروازي
يالابتي في شيخكم ما تلامون = النادر الهيلع ثقيل المرازي
شيخ ٍ يبا يبطي وربعه بيبطون = طاو ٍ ضمايرهم عليه النحازي
ليت البشر عن نعي الاموات ينهون = الا فابو خالد ومثله مجازي
لو البكا ما يحيي اللي يموتون = لكن يبين حجم قدر العزازي
طبع البشر عن بعض الاموات يسلون = قدام لا تكمل ثلاث التعازي
ومثل فقيدتنا من الصعب ينسون = ومهما نعزى فيه ماحد ٍ بعازي
شيخ ٍ ورث مجدا ً له احقاب وقرون = مجدا ً بنوه اباه يوم المغازي
صرح ٍ له قباب رفيعات وركون = مثبت ٍ ساسه على ارض ٍ عزازي
من الزوابع والاعاصير مامون = دب الدهر ما صار فيه اهتزازي
شادوه سادات ٍ على الموت يردون = وعلى عداهم ياخذون امتيازي
رجالهم لا طب في ساحة الكون = من الصطر كنه بحفلة جوازي
ويحجون بايام الشدايد ويقرون = لا صار بديود المنايح غرازي
واحفادهم مع درب الاجداد يمشون = ما جابهم عن سلم اهلهم نشازي
وتاريخ ابو خالد بالامجاد مقرون = كله لنا مجد وفخر واعتزازي
من اللي عن حياض الكرامه يذودون = ولهفوة الصاحب ماهوب انتهازي
من طبع ابو خالد مثل ما يقولون = بالطيب يجزا بالردى ما يجازي
يملك مكارم حاتم اللي يعدون = وعلى احنف بن القيس بالحلم فازي
وسره عن الادنى والاقصين مكنون = ولا يستمع دقة جويزي وجازي
ماهوب جسم انسان في شكل بالون = ويدار بالريموت مثل الجهازي
والناس عن دانيه واقصاه يدرون = صندوق سره مثل درج القزازي
ويوم ارتحل عقب لنا كل دندون = شبول ليث ٍ غابها ما يهازي
بالطيب وبلين الجناب يتمارون = وافعالهم لفعال ابوهم توازي
عسى ابو خالد بين جنات وعيون = ويفوز حيث الاتقيا الهم مفازي
وصلوا على الهادي عدد ما يلبون = وما هل نون بارقه فالعيازي[/poem]

وعليكم السلام ورحمة الله وبركاااته

مرحباااااااااا مليووون

(( 1 ))

الله يرحم الشيخ عبدالعزيز بن جامع

ويسكنه فسيح جناته

ويطول عمرك ياعلمنا وشاعر القدير

وصح لسانك

الله يرحم ابن جامع ويغفر له ويسكنه فسيح جناته ..
شاعر علم وكبير والكبير الله يابن عون ..
صح لسانك لين ترضى

الله يرحم ابو خالد ويسكنه فسيح جناته

صح لسانك يابو دخيل الله وعسى عمرك طويل على عز وعلى طاعه

شاعر علم وغني عن الاشاده

سلامي عليك
..

لــو البـكـا مــا يحـيـي الـلــي يـمـوتـون
لـكــن يـبـيـن حـجــم قــــدر الــعــزازي

عز الله أن هذا الصحيح

العلم غازي بن عون أحسن الله عزاكم في الشيخ ابن جامع رحمه الله وأسكنه فسيح جناته

أما القصيدة فيعلم الله أني داخل وعارف أني بأستفيد وأجد الشعر الحقيقي وهذا ماحصل وأكثر

فأنت كنت ولازلت من أساتذة الشعر الذين نتعلم منهم الكثير والكثير

أطال الله عمرك على عز وطاعة

الله يرحمه ويسكنه فسيح جناته

والله يبيض وجهك رثيت وابدعت ولاهي غريبه عليك

علم من أعلام الشعر

غيمار

الله يرحم الشيخ عبدالعزيز بن جامع

ويسكنه فسيح جناته

وصح لسانك

عليكم السلام ورحمة الله

نسأل الله للشيخ عبدالعزيز الرحمه والمغفره وسكنى جنة النعيم

واحسن الله عزاكم يا ابو دخيل الله

وصح لسانك يا علم

الله يرحم ابو خالد الشيخ عبدالعزيز بن جامع

ويسكنه فسيح جناته



وصح لسانك

العلَم / غازي بن عوون

لا أعلم ما الرد المناسب لمثل هذه الدره المتكملة الابدااع

رحم الله ابن جامع وجزاااك الله كل خير

ولا عدمنااااك يااستاااذ

الشاعر/ غازي بن عون

الله يرحم ابوخالد ويسكنة فسيح جناتة

صح لسان شاعرنا الكبير / غازي بن عون


والله يرحم ابو خالد ويسكنه فسيح جناته

والقصيده والشاعر اكبر من التعليق

رحم الله الشيخ عبدالعزيز بن جامع


وصح لسانك مليووون يابن عون


لك فائق احترام وتقدير اخوك

رحم الله الشيخ الكبير والفقيد عبدالعزيز بن جامع واسكنه فسيح جناته


شاعرنا العلم / غازي بن عون

صح لسانك ورعاك الله ،


..

.
.
لـو البـكـا مــا يحـيـي الـلـي يمـوتـون
لـكـن يـبـيـن حـجــم قـــدر الـعــزازي

طبع البشر عن بعض الاموات يسلون
قــــدام لا تـكـمــل ثــــلاث الـتـعــازي

ومثـل فقيدتنـا مـن الصـعـب ينـسـون
ومهـمـا نـعـزى فـيـه مـاحـد ٍ بـعـازي

شيخ ٍ ورث مجدا ً له احقـاب وقـرون
مـجـدا ً بـنـوه ابـــاه يـــوم الـمـغـازي

صـرح ٍ لــه قـبـاب رفيـعـات وركــون
مثبـت ٍ ساسـه علـى ارض ٍ عــزازي


الله يرحمه ويسكنّه الجنه
عزالله فقدّته عتيبه وصح لسانك لسانك ياشاعرنا
تحيتي لك وإحترامي


.
.

الشاعر العلم غازي بن عون

صح لسانك على ها المرثية المؤثرة الصادقة بكل ما فيها

والله يرحم ابن جامع ويسكنه فسيح جنانه

تحيتي وتقديري

تغمد الله الشيخ عبدالعزيز بن جامع بواسع رحمته
.
وعليكم السلام ورحمه الله وبركاته
.
شاعرنا القدير بشعره والكبير بقدره غازي بن دخيل الله بن عون
قصيدة من اجزل القصايد في من هو يستحقها تترجمها المشاعر الصادقه
صدقني يا بو عبدالله انه فقيد علينا جميعا رحمه الله علية حيث انه من الذين مسموعه كلمتهم امام المسئولين
لصالح المواطنين
تقبل تحياتي وتقديري
اخوك :حسين الدوسري

الشاعر غازي بن عون
صح لسانك
قصيده في يستحق الله يرحمه ويرحم اموات المسلمين
تحياتي

الله يرحم الشيخ عبدالعزيز بن جامع

ويسكنه فسيح جناته


وصح لسانك


مدد


ولااهنت

عليكم السلام ورحمة الله وبركاته

الله يرحم الشيخ / أبن جامع ويسكنه فسيح جناته
ويلهم أهله وذويه الصبر والسلوان .

صح الله لسانك ,,,

نظراً لجزالتها وجزالة شاعرها
وفي منهو يستحق رحمة الله عليه.الشيخ عبدالعزيز بن جامع
تستحق المرور أكثر من مره