( عيال الرّعاه ) .!
صباح الخير ,
اعذروني على قصورها مقدّماً ., [poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] لاعاد تنشد ويش حال فهيد , يامال الغناه=الأسئله معروفه , ومردودها .؟ مردودها بعض النشايد توجع الرجّال , وتبيّح خفاه=ودّه بفرقا الناس لمفارق كُثر منشودها ماكلّ برقٍ يجذب المسني ليامنّه رعاه=مدام مالِحْق المطر فبروقها ورعودها والبارحه , ليله مهيب تعدّ من ضمن الحياه=لوانّه ايكاشف علي نور القمر .؟ ياسودها أغبط خليّات القلوب اللّي لو اتحصّل لهاه .؟=اتسجّ في جرّة ربابتها , ورنّة عودها .! وانا لي الله قلبي البارح شعاه اللّي شعاه=يطمر معاليقي من أصغرها , وياصل عودها أمتّر ( الجهرا ) بساقي من خلاه وفي خلاه=ماكنّه الا في مطالعها .؟ يحرْس حدودها خابر لي اطلالٍ لوقتٍ راح وأعطاني قفاه=يابري حالي , يوم أمسّيها وذعذع نودها والنوم , مالنّوم درْب لعيني ولاله طراه=ودموعها ياهونها , ومْن اوّلٍ ياكودها .! الضيقه انتشرت , ويومي من صباحه لامساه .؟=ماغير اذاودها عن الصّدْر وعجزت اذودها ماكنّها الا ضيفٍ , ايضيق المعزّب لالفاه=ضافت معاليقي , وهيّت لإجتماع إوفودها أسبابها , سرّ إجتماع أهل المشالح والعباه=اللّي يِحَفْظ سدودها , والا يبيح سدودها والكلمه اللّي زتّها لساني على اطراف الشّفاه=نطقتها , وانا اعرف انّي ماجهلت بنودها للصّاحب اللي يوم اوصيه , اجتنب درب الوصاه=ولامشى فيها وورّدها بغير اعدودها صحيح مايمديني أغليه , ويشرّهني غلاه=لكنْه ماأدى الامانه , والعهود اعهودها وانا بشر يخطي .! وكلٍّ عارفٍ وشهو خطاه=لكنّ ذيك الساعه ان عادت .؟ فأنا بعودها أجابه أيامي , واواجهها على كلّ اتجاه=واحاول انفذ من قذايفها , ومن بارودها أتبع هوى نفسي ياعنكْ انّه يعنّيني هواه=ونفسي على درب الهلاك تقودني وآقودها وسنيني تمرّ , ونصيبي في سنيني .؟ ماخزاه=والله مدري وش حصيل اصدورها وورودها وأحلامي تموت , وطموحي يحتضر فأوّل صباه=تعبت من كثرة خسايرها , وقلّة فودها وإن جيت بطردها .؟ سبوق الوقت , مايمدي مداه=ولاصدق قول المثل : ملحوقها مطرودها والوقت لايِحمد , ولايمّن , ولاينصف قِضاه=ناسٍ مايعرفها , وناسٍ يعترف بوْجودها أحدٍ يِبعّد , لوّه أقرب : منسب ووجه ووجاه=وأحدٍ يِقرّب لجل زين : اللّي تكدّ جعودها وقتٍ على عْيال الشيوخ , ايقدّم عْيال الرّعاه=لوانّها ماكبّرت ضيّانها ووقودها ودنياً , تزيّن لي بملبوسٍ يشدّ الانتباه=تغريني , وتكشف مفاتنها , وليّن عودها أطرد وراها , وإن دعتْ .؟ لبّيتها ماقلت ( هاه )=وأطبق شفاياي بشفاياها , وأضمّ زنودها ومن قبْل لاتاصل مع العاشق لذروة مشتهاه .؟=تنفر , ولاتاتي وتِلْحِق بالصدود .؟ اجحودها .! فالمبتلا .؟ يصْبر مدام إنْ : في بلاه الله بلاه=ولايلدّ بهرج حسّاده , وغلّ إكبودها ولايشحّ بدعوة الله , دامه أقرب في دْعاه=ويناجي الله فالصلاه , رْكوعها وسْجودها والرجلْ دامه حيّ .؟ ياقف دون ذكره ويحماه=والا الرخوم ارخوم , لوذكْرت بطيب إجدودها .! ماتلحقه في نفسه مْن الناس شكّه وإشتباه=إيعرف ويش أهدافه , ويتعب على مقصودها إيدوّر اللّي يرفعه , ولاينزّل مستواه=ويدرى مشاريه الرّجال , ويحْسب لمنقودها وأنا هنيّا , يامنقّلة العلوم امن الرواه=وإن كبْرت القاله .؟ تراني قدّها وإقدودها أطقّها فالوجْه , وأضرب فالخشوم وفالجباه=إلين أميّز بين صاملها , وبين شرودها .![/poem] فهيد بن محمد |
وهذا بعد حضووور أول يافهيد
|
فهيد
صح لسانك وبيض الله وجهك تقبل تقديري واحترامي |
الله الله
ياسلام عليك يافهد صح لسانك مدد ولاهنت اخووك |
أغبط خليّات القلوب اللّي لـو اتحصّـل لهـاه .؟
اتسجّ فـي جـرّة ربابتهـا , ورنّـة عودهـا .! ما شاء الله عليييييك ابداعك مشهووود |
المسرّي
تحرجني بطيبك :) لاهنت على حضورك |
فارس عبدالمحسن
صح بدنك ولاهنت |
اقتباس:
لا يمكن أن تمر هذه القصيدة مرور الكرام دون أن نحيط بها من كل جانب ونقرأها مرات ومرات . هذا ( النص ) الشامخ بشاعريّته والغنّي بأفكاره وألفاظه يجبر المتابع على أن قرأه ببطء كي لا ينتهي سريعاً أو يتمنى أن يطول ويطول حتى .. لا ينتهي . أبيات مترابطة ومتناسقة شكّلت ( نصاً ) من أجمل وأروع النصوص / وتكاملت لتكوّن قصيدة من أفخم ( الشعر ) لا يضاهيها في شموخها إلاّ ( شاعرها ) المتميّز دائماً والذي يأبى أن يأتي بأهون ( النصوص ) ليسدّ فراغ غيابه .. هو شاعر لا يحب السكينة وحين يلقي بعصا شاعريّته يهزّ أركان المكان ويشعل الزمان ليعلن عن ( بناء ) نص جديد يجمع في قوّته بين البروق والرعود وفي جماله بين الربيع والبساتين وفي شموخه بين السحاب والسماء .. الغالي فهيد بن محمد بن عصيدان لله درّك ـــــــــــ _____________________ |
فعلا
لله درك نص نسج بخيوط ابداع لايغتنيها الا قلة ممن يعرفون من اين تؤكل كتف الجمال .. لله درك اخي فهيد نص مترابط بمضوعاته ومتسلسل .. نقرأه ونخاف ان نصل نهايته كي لاينتهي الانبهار .. صح احساسك وفكرك .. كل التقدير .. |
‘
وقتٍ على عْيال الشيوخ , ايقدّم عْيـال الرّعـاه لوانّـهـا ماكـبّـرت ضيّانـهـا ووقـودهـا الله الله الله الله الله الله الله الله يا سلام عليك يا فهيد عز الله انك تطربنا والله الشاهد بذا القصيد اللي ما نمل وحنا نقراه دايم وانت مسند في قصيدك ولا بعد تدحدر الله يكفيك ويكفيه شر التدحدر :) شاعر تستاهل المتابعه وين ما كنت صح الله لسانك ولا هنت فمان الله يا بن عصيدان . |
صح لسانك يا فهيد ومابعد تعليق ابو محمد كلام
سلمت يالذيب |
الله الله الله
الله الله الله الله الله الله الحقيقه انها من روائع الشعر تمكن واسهاب وترابط ولا اروع قدمت نموذج شعري يشار له بالبنان ويساق له الاعجاب بلا منه الغالي / فهيد والرجلْ دامه حيّ .؟ ياقف دون ذكـره ويحمـاه والا الرخوم ارخوم , لوذكْرت بطيب إجدودهـا .! ماتلحقه في نفسه مْـن النـاس شكّـه وإشتبـاه إيعرف ويش أهدافه , ويتعب علـى مقصودهـا صح لسانك مليون × مليون ، .. |
وأنـا هنيّـا , يامنقّلـة العلـوم امـن الـرواه
وإن كبْرت القالـه .؟ ترانـي قدّهـا وإقدودهـا أطقّها فالوجْـه , وأضـرب فالخشـوم وفالجبـاه إلين أميّز بيـن صاملهـا , وبيـن شرودهـا .! / / ياسلام ياسلام ياسلام يابو محمد صح لسانك اي والله .. قريتها مرة ومرتين وسجل واحد نفر من معجبيك ياظنى مرزوق :) صح لسانك الى حد الثمالة تقبل مروري |
يافهيد....
صح السانك مددددددددددددددددددددددددد يالذيب |
إيـدوّر اللّـي يرفعـه , ولايـنـزّل مسـتـواه
ويدرى مشاريه الرّجـال , ويحْسـب لمنقودهـا وأنـا هنيّـا , يامنقّلـة العلـوم امـن الـرواه وإن كبْرت القالـه .؟ ترانـي قدّهـا وإقدودهـا أطقّها فالوجْـه , وأضـرب فالخشـوم وفالجبـاه إلين أميّز بيـن صاملهـا , وبيـن شرودهـا .! الله الله الله الله الله الله يابومحمد .. كفو كفو لله درك يابومحمد .. سجّه جهراويه معتبره .. :) صح لسانك من أولها لياآخرها .. إعجابي ، |
فهيد
هنا .. وجد شعر صافي .. لله درك قصيده طيبه .. من طيب راعيها .. صح لسانك .. مليون x مليون |
الغالي فهيد
صح لسانك صح لسانك قصيدة فخمة بكل المقاييس قوة لفظ وتراكيب وصور واسترسال بديع ابداع ابدع الله لا يضرك تقبل مروري وتحيتي واعجابي |
فوق يا شعر
وهذي يبي لها مخمخه يابو محمّد انتظرني :) |
أغبط خليّات القلوب اللّي لـو اتحصّـل لهـاه .؟
اتسجّ فـي جـرّة ربابتهـا , ورنّـة عودهـا .! الله الله الله عليك صح لساااانك مليار ولا هنت مبدع والله وجزل ولا هي غريبه عليك لله درك متابع لك دوم لك كل الود :) |
أغبط خليّات القلوب اللّي لـو اتحصّـل لهـاه .؟
اتسجّ فـي جـرّة ربابتهـا , ورنّـة عودهـا .! وانا لي الله قلبـي البـارح شعـاه اللّـي شعـاه يطمر معاليقي من أصغرهـا , وياصـل عودهـا أمتّر ( الجهرا ) بساقي من خـلاه وفـي خـلاه ماكنّـه الا قـي مطالعهـا .؟ يحـرْس حدودهـا خابر لـي اطـلالٍ لوقـتٍ راح وأعطانـي قفـاه يابري حالي , يـوم أمسّيهـا وذعـذع نودهـا الله الله الله الله وأحلامي تموت , وطموحي يحتضر فأوّل صبـاه تعبـت مـن كثـرة خسايرهـا , وقلّـة فودهـا فوووودها والرجلْ دامه حيّ .؟ ياقف دون ذكـره ويحمـاه والا الرخوم ارخوم , لوذكْرت بطيب إجدودهـا .! اجدوووووودهااااا صدقت وأنـا هنيّـا , يامنقّلـة العلـوم امـن الـرواه وإن كبْرت القالـه .؟ ترانـي قدّهـا وإقدودهـا أطقّها فالوجْـه , وأضـرب فالخشـوم وفالجبـاه إلين أميّز بيـن صاملهـا , وبيـن شرودهـا .! كفووووووووو والله لله درك لله درك لله درك ابدعت الى حد الثماله صح لسانك مليووووون ويسلم راسك ياخوي لاهنت سجل اعجابي بما قرات احترااااامي و ج د |
أشهد بالله أني قريت قصيدة ولاعلي من الكلام
تسلسل وسبك وحبك لايجعل القاريء يشعر بطول القصيدة والبيتين ذي تحتها عشرة خطوط : أحدٍ يِبعّد , لوّه أقرب : منسـب ووجـه ووجـاه وأحدٍ يِقرّب لجـل زيـن : اللّـي تكـدّ جعودهـا وقتٍ على عْيال الشيوخ , ايقدّم عْيـال الرّعـاه لوانّـهـا ماكـبّـرت ضيّانـهـا ووقـودهــا والجميل في البيت الثاني أنه لم يعمم على أبناء الرعاة كعادة الشعراء دائماً , ولكن أضاف في الشطر الثاني أنه يقصد من جمعوا رداءة النسب وأضافوا لها رداءة الفعل , لأن هناك احتمال وارد أن يخرج من أبناء الرعاة من يكّون مجداً خاصاً به من فعل يمناه , صحيح أن هذا نادر ولكنه يبقى محتمل الحدوث ! صح لسانك ياابن عصيدان وتحياتي لك . |
فهيد بن محمد
قصيده طيبه جدا عزالله انها اعجبتني صح السانك ولاهنت يالنشمي دمت بخير |
| جميع الأوقات بتوقيت GMT +3. الساعة الآن 06:03 AM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية