دكتورنا (( سداح ))
 

السلام عليكم ورحمه الله وبركاته

مساء الخير

لاهنت ياسداح أنتحرت ولكن لدي اسبابي الخاصة



[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
سلام رديه وانا عندي خبر علمٍ يقين=ان الليالي ماضيه والوقت دايرةٍ رحاه
العام طالب وانتبه مع شرح سداح الثمين=واليوم ماني طالبه لو زاد عني مستواه[/poem]

وعليكم السلام ورحمة الله وبركاته


والله يستر منك ومن اسبابك الخاصه والعامه



يا مرحبا والله يبارك فيك يا الجنب المتين
______________________ اللي يضفّ اهل الجنوب الليّنه تحت العباه

العام يا نواف جيتك من يسار ومن يمين
______________________ واليوم مالي فيك جاك ابليس من كل اتجاه


...

هههههه

الله يكفينا شر ابليس

والصف سداااااااااااحي

ولا هنت يانوااف نايف

مرحبا والله يا المسري

شرفتناااا لاعدمناك


..

طيب طيب
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
أهل الجنوب الليّنه والقاسيه غصبٍ تلين=ولا تروح طحين مايحسب ولا نحسب علاه

اعوذ بالرحمن من سداح وابليس اللعين=لو طعتهم مالي رصيدٍ لا صيام ولا صلاه[/poem]

المسري مرحبا مليار

ولاتهووووووووون

اختيار شبه موفق

هههههههههههههه

طيب طيب


تسمّعوا باللي يقوله يا الرجال الحاضرين
______________________ تكفون يا هل المعرفه نواف نايف وش بلاه

أنشد حكيم الراي وإلاّ أنشد عشير الغانمين
______________________ حتى يا نواف العتيبي تعرف البير وغطاه


..

نواف نايف

ودكتورنا

ياسلام سلم

أنا في صف نواف الليل ياشعار

ها لا تجحدها يانواف :) ..

هلا وغلا يا مشاري

تراني وفقا للحمض الوراثي اقرب لك منه

مير خله يجحدها وغيّر التوجه فوراااا :)


حياك ربي يا مشاري ،

..

[align=center]8
8
8
8
8[/align]

محاربه للعنصريه القبيله أنا مازلت في صف نواف نايف :) ..

سلام رديه وانا عندي خبر علـمٍ يقيـن.....ان الليالي ماضيه والوقت دايرةٍ رحـاه
العام طالب وانتبه مع شرح سداح الثمين.....واليوم ماني طالبه لو زاد عني مستـواه
الله الله الله
ياسسلام ياسسلام
يا نواف نايف

يا مرحبا والله يبارك فيك يا الجنب المتين
______________________ اللي يضفّ اهل الجنوب الليّنه تحت العباه

العام يا نواف جيتك من يسار ومن يمين
______________________ واليوم مالي فيك جاك ابليس من كل اتجاه

الله الله الله
الله الله الله
ياسسلام ياسسلام
ياسداح
.
.
سداح
و.نواف نايف
متابع

هلا ومرحبا ومسهلا باالأخ القدير والكبير ابوضيف الله

وشرفتنا عز الله

شكرا لمتابعتك وردك ،


..

طيب طيب

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ماقلت غير الصدق واحذر سرنا يمكن يبين=والمشكله تبدا خطأ والمعترف ينهي خطاه
دامك تعرف السالفه تقسم وتصلح للثنين=وراك تحسد واحد يتعب على شيٍ يباه[/poem]

/

\

/

\

/

\

/

يحا يحا

اسلم اسلم


متابعين والصف سداحي

ياسلام ..
طيب طيب


يا بو العيون الجاحظه .. بحلق بعين وصرّ عين
________________________ يمكن ليا سوّيتها تقدر تشدّ الإنتباه

دلّيت دلوك عقب ما اونست الضما والله يعين
________________________ مير انتبه يمكن تكررّ قصة مقيط ورشاه


..

مشاري الغنامي

يامرحبا ومسهلا حييييييييت

مرحبا ومسهلا يا حسين الغنامي

ونوّر المرقاب


يسعدني تواجدك يا تاج راسي ،


..

شاعرنا العلم حسين بن ضيف الله الدوسري

يامرحبا شرفتنا يعلم الله

حسين الغنامي مرحبا مليون

وعاش من شافك مرحبا ومسهلا

ولا زالت المتابعه مستمره

في ظل هذا (( المحاكّ ))

واصلووواا

المرقاب منور بوجودكم جميعا





البقا يابو نايف

وعاشت ايامك