منتديات المرقاب الأدبية - ذياب الريمان وشاعر هوازن

قصيده ل ذياب بن عبود بن ريمان عندما قرأ ديوان الشاعر عبدالرحمن العطاوي الاول

يقول:

[poem=font="Simplified Arabic,6,darkblue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ديوان شعر(ن) جزل ياوي ديـوان=معنى جزل والقاف صافي وضافي
ديوان يجمع بيـن در(ن) ومرجـان=للي يعشق الشعـر شافـي وكافـي
تملك يابو نواف تصريف الالحـان=وكن الذهب يصرف بصرف القوافي
فيها صعيب القاف لدحيـم قـد لان=ويقدم على فعـل الوفـى مايفافـي
وفيها يبوح فـلان بالسـر لفـلان=فيهـا السنافـي يشتكـي للسنافـي
فيها شكو لدحيم خـدرات الاعيـان=نجـل العيـون مبيحـات الخوافـي
وياماشكو من قبل ذربيـن الايمـان=وقد لوع الحب العفيـف النصافـي
حب(ن) على وضح النقا مثل ماكان=معشوقة(ن) توفي لمعشـوق وافـي
حب(ن) على ماقيل من قلب ولسان=وتصدق ويصدق مثل (شيمه ووافي)
ويامى حوى الديوان من كل الالوان=كم جال في روض المعاني وطافـي
وليا قراه اللـي للأشعـار نشطـان=كن العسل ينسـاب بيـن الاشافـي
سلام(ن) احلى من هماليل الامـزان=واحلى طعم من در حـم الشعافـي
ياللي وزنت القـاف كنـه بميـزان=حاشا يجي بين البيـوت اختلافـي
ومن ساهموا باشعارهم شانهم شـان=يلفـون ميـدان المعانـي تـلافـي
كل ابلج(ن) للجود والمجـد شفقـان=اهـل العوايـد بالسنيـن العجافـي
وان جات شدات الدهر والقسى بان=يرسون مثل السفن فـوق المرافـي
قلته وانا يشهد بهـا رب الاكـوان=مالي هدف مقصود بيـن وخافـي
إلا اني المعجب وبالحيـل فرحـان=وديوان ابو نـواف غايـة مطافـي [/poem]

رد شاعر هوازن:

[poem=font="Simplified Arabic,6,darkred,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ياذياب تعبيـرك لخافيـك عنـوان=بنات فكـر(ن) ماعليهـن غلافـي
أهلا هلا ياذياب ترحيـب وجـدان=قلـب لراعيـن الوفـى مايفـافـي
شهادتـك نفخـر بهـا ياكحـيـلان=من حيث مافيهـا غمـوز وجنافـي
ياذياب جتني مـن تعابيـرك افنـان=شعر(ن) سما معناه وزنـه يوافـي
والشعر ياذياب الوفى علـم وكـدان=إن ما اكتمل معناه لـو تـم هافـي
والشعر له عند اهل الافكـار ديـدان=ومثلي عيوف(ن) مايدانـي العذافـي
واللي سمك سبع(ن) على غير عمدان=ان الشعر بلغـه وسـرد وخرافـي
مثل النسا بعض القوافـي والاوزان=يفـرق بفـرق العاهـره والعفافـي
اسمه شعـر لكـن معانيـه شتـان=ذوب(ن) مصفى ذا والاخر زعافـي
اما رفع راعيـه والعقـل سلطـان=والا هبـط بيـن الثـرى والخفافـي
هذا ويامن قاد الاصعـاب بإرسـان=حتى مشن له طايعـات(ن) خفافـي
ان كان ما للقـول بالفعـل برهـان=والا الحميـد بغيـر فعـل اطفافـي
ترى الردي يبغى المخاليـق رديـان=ولو صفيت لخايـب(ن) مايصافـي
وراع الوفى ياذياب اعرفه قهيـدان=مثلـك ومثـل مربحيـن السلافـي
واسلم ودم بالعـز ياخيـر الاخـوان=وتحيـه الولـه الشفـوق المكافـي
يامـن جعلنـي بالتماثيـل نشـوان=طربن تلاعـب بالقرايـح شفافـي [/poem]

وسلامتكم