تــوجد ( خــاطر العشاق) من القدير خالد بن ضواي ... والرد مني
 

السلام عليكم ورحمة الله وبركاته, بعد الغياب ومن الارشيف توجد من الشاعرالقدير خالد بن ضواي ارسله الي والرد,.... تقبلوا تحياتي
[align=center]---------
---------

خالد بن ضواي
خاطر العشاق[/align]
[poem=font="Simplified Arabic,5,black,bold,italic" bkcolor="transparent" bkimage="" border="none,4,gray" type=0 line=0 align=center use=ex num="0,black"]
وا عذاب القلب من هم (ن) ولج به لعنبوه= ما ترك قلب الفليت اللي تعذب من شقاه
من فعوله يا علي سيرت ليلي كلبوه= اتبع النجمه الين الليل ياتي منتهاه
فوق رجم (ن) للهوى قبلي ضحاياهن عدوه= من هواهن خاطر العشاق ملعونن ثواه
اتوجد من ضمير(ن) يوم خلق الله بلوه= مثل ذيبٍ ياعلي عدا وصوت في عواه
من همومي اضمر المعنى والاعبها بأخوه= ابني القيفان واحبكها واشيد في بناه
ياوجودي وجد مديون(ن) بيدينه كلبشوه= قدم الداين بلاغه في حقوقه وادعاه
جا خفيره بأمر رسمي عند ورعانه وابوه= ياوحيد الشايب اللي ثالث ارجوله عصاه
للنظر بأمر القضيه عند شيخه حضروه= عقب عشر ايام حجزه يحكم القاضي علاه
قدم الداين سجل الدين والربع اثبتوه= واحكموا بالسجن لين انه يسدد ماخذاه
دوروا كفال غارم مار عنك مالقوه= وكل من يعرف بموضوعه سحب ثوبه وراه
شايبه يضرب يدينه في وحيد(ن) كبلوه= في دلاقيس الليالي يم ربي مشتكاه
ياصواحيب الرخا في شدته ماعبروه= لو يبى شربه من الما عنك ما واحد سقاه
وين ربعه ياعلي اخذو ولكن ماعطوه= وينهم يوم الظروف تحدهم عن ما وراه
وينهم يوم ان واحدهم قصر ماله نصوه= وينهم يوم ان واحدهم ردى فعله جزاه
ذا جزاته عنك بالنكران يا الصاحب جزوه= واحرقوا قلب(ن) تعلق في رجا الله ثم رجاه
ياعلي هذي جزاتي يوم لبعادي بغوه= العواذل واحرقوا قلبي وزادوا في عناه
كحلوا عيني بشوف اللي فقدته كحلوه= وابردوا شوقي بنظره واحده تلقى علاه
ياعميلي خذ مكاتيب التوجد وارسلوه= فوق جيب(ن) خاسره بايع ورابح من شراه
لا وصلتو له بخير(ن) عن سلامي بلغوه= قول له يسعد صباح الترف ثم يسعد مساه
سمعوه احلى قصيد من التوجد سمعوه= لا ذكرني يوم بالهجران في قلبي كواه
قل ترى همه وصبره وسط جوفه عذبوه= وانحرم من لذة المرقاد وش داعي جفاه
قل ترى حزنه وشوقه بالمعاليق احرقوه= ينجرف دمعه بعينه من خلاها في خلاه
قل ترى ياسه قتل حلمه بواقعك ادفنوه= قل تراه..وقل تراه..وقل تراه.. وقل تراه
خبروه ان كان ما رد بجوابه خبروه= الصلاه عقب الفجر للغايب اللي مانساه [/poem]



[align=center] ---------
---------
---------

علي طرقي
عجلات المشاعر[/align]
[poem=font="Simplified Arabic,5,black,bold,italic" bkcolor="transparent" bkimage="" border="none,4,gray" type=0 line=0 align=center use=ex num="0,black"]
وا عذاب القلب من قلب(ن) شكى له ماشكوه=من هوى المجمول صور فالتوجد مشتكاه
صاغ كف الشعر فوق الحب يوم ان رمدوه=حرك شعور المعاني بينت جمر الغضاه
فوق رجمه نستمع صوت الضماير واسمعوه=كل خاطر عاشق(ن) ولهان يوصل له نداه
كان ياخالد وليفك سم حالك حيروه=العواذل واحرقوا قلبك وزادوا في بلاه
فا تراني ياصحيبي قلبي المبلي غزوه= الهوى والعشق يوم الزين في حسنه غزاه
هدموا بيبان قلبي ثم تالي ولعوه= ذاك يحطب من ظلوعي ذاك يحطب من خلاه
ياوجودي وجد من يحكم بلاده واخلعوه=الخوارج واحكموا داره وشعبه مايباه
عقب ما كان المحكم المحاكم حاكموه=وكل ما دارت عيونه ما لقت واحد معاه
كل من حوله نفر حتى قرايبه اتركوه=اتركوا سيف(ن) يحامي دونهم ضد العداه
ذاك وجدي يوم عجلات المشاعر قابلوه=واتركوا قلب المعنى والمعنى في عناه
وياوجودي وجد شيخ(ن) كل قومه نافقوه=ذاك ينقل له علوم وذاك يِكد ما رواه
يستثيرونه على جاره ليا منهم نصوه=و ما تحرك دمه الراكد ولا حرك حصاه
ذاك وجدي كل ما خلي بلا سبه وشوه=وكل ماهبت رياح الكذب من كل اتجاه
ويا وجودي وجد بدو(ن) كل برق(ن) خايلوه=كل ما شافوا خيال(ن) عابر(ن) شدو وراه
كدوا ظهور الركايب كد يمه واتبعوه=ماصدق برق(ن) تخايل والسما محبوس ماه
ذاك وجدي من وصاله يا العوارف وصلوه=وخبرو زين الوصايف لا طراله ما طراه
الوصل نور(ن) يمد العشق للي جربوه=والجفا درب المفارق والمفارق من بغاه
المفارق ليل(ن) اسود قبلي العالم سروه=وان تعمدت الجفا صاحبك وياهم سراه
وكان ياخالد وليفك العواذل حيروه=فا تراني حاير(ن) مابين وصله من جفاه[/poem]

يا علي صح الله لْسانك على جاه الوجوه

لك سلامي يا عليّ و للسمي لا فضّ فاه



:)





لا عاد تبطي علينا..






تحياتي..

صح لسانك ولسان خالد بن ضواي


وبيض الله وجيهكم

ياسلام سلم
صوت وصدى ولا اروع .. صح لسانك ولسان خالد ياعلي
تحيّتي وإعجابي

الله الله


صح لسانك انت وخالد يا علي وسلمتما ،

..

الاخ علي

قصيدة ومجاراة ولا اروع

صح لسانك ولسان علي

تحيتي وتقديري

صح لسانك ياعلي وصح لسان خالد

وسلمكم ربي

صوت وصدى رائعين
..

على


صح لسانك

مدد

ولاهنت

طال عمرك

اخووك

الاخ خالد المريخي مرورك اسعدني
اما سالفة البطى الظروف تحكم

صح لسانك ولسانه وسلمتم

صوت وصدى جميلان
تقبل مروري

مساجله محبوكه بالتوجّاد


صح لسان إبن ضوّاي
وصح لسانك يافليت :)



تحيتي ،

غشام صح بدنك
ولاهنت
و وجهك ابيض

علي طرقي


صح لسانك وفكرك .. ولسانه وفكره


ابدعتم ..



تقديري ومتابعتي اخي ..

مشعان البراق


صح بدنك يالغالي



ولا هنت

فيصل سعد
صح بدنك
ولاهنت يالغالي

هدمـوا بيبـان قلبـي ثـم تالـي ولعـوه
ذاك يحطب من ظلوعي ذاك يحطب من خلاه


ياسلام ياعلي

صح لسانك وفكرك صوت وصدى غير


تحيتي لك