صوت .. و صدى .. !!
 

السلام عليكم ورحمة الله وبركاته



هذي قصيدة مسندها على الشاعر / مسفر مبارك القحطاني


ويقول فيها /



[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
أنا لا تذكرت الزمان وغرابيله = وشين الظروف وعسرها قلت يا كافي
وعزي لقلبٍ صابه الهم عزيله = يصارع زمانٍ ما لقى فيه الانصافي
يسوقه نهاره لين يضوي على ليله = هواجيس فكرٍ ضيّعت كل عرافي
ألا ناض برق الصيف ونشت مخاييله = يصيبه على ذكر المحبين خفخافي
على صاحبٍ ما عاد جتني مراسيله = رماني على شوك المحبه وانا حافي
عطاني عهد واليوم شح بمواصيله = حسيبي عليه اعداد من حج واطافي
ولا شاف دمع العين غرق مناديله = عيون الشقاوي دمعها يذرف اذرافي
طريق المحبه لا تصلفق معاميله = كفايه كفايه ما حصل يالغضي كافي
حبيبٍ تناسى معرفتنا وحبي له = شبيه الغزال اللي رعى عشب الاريافي
جمال الطبيعه والحلا في تعازيله = عديم الوصايف ما خذاها تسلّافي
ذبحني بعينٍ زينها في مظاليله = كما عين حرٍ ماكره كل مشرافي
حياتي وروحي عقب فرقاه وشهي له = ياربي تعين ويستره سترك الضافي
سقى رايح الوسمي ليا انشت هماليله = تعزل ربابه والرعد له تقصافي
مزونه ليا بهش مطرها درج سيله = وصار النبات أشكال والوان واصنافي
عساها على دار الحبيب ومداهيله = على نجد ديرة صاحبي زين الاوصافي
ألا يافهد لا عاد حيلٍ ولا حيله = أكن المرض واقول طيب ومتعافي
ولا غيرك اللي ساعة الضيق بشكيله = والاعمال بالنيات والموت قصافي
صبرنا ورددنا يا دنيا من انتي له = من اسباب وقتٍ يافهد بيح الخافي
وتركت الهوى واحرقت باقي مراسيله = وما فات مات ولا يفيد التحسافي
تركته وبابه ما بقى غير تقفيله = رجعنا من المشوار واعلنت الانكافي [/poem]ورديت عليه وقلت /

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
نظرت الجواب بعمق أفكر بتحليله = واقلبه لين اشوف راعيه وش شافي
وقمت اشبره وذرعه ووزنه وآكيله = على شان يطلع رد وافي على الوافي
وليل الشعر ظلّم وولعت قنديله = وسرّيت قافيتي على نور كشافي
ومسفر يغنيلي من اروع مواويله = وأصغيت اذني لين شبعت من القافي
من الحزن والاحباط في القاف تشكيله = موسيقى حزينه عكّرت جوي الصافي
زمانك يا مسفر غامض وصعب تأويله = تصيبك محاذيفه ولا تشوف حذافي
أدر ظهرك لماضيه وانطح مقابيله = ولا يهمك المقفي وركز على الافي
وماكتبلك بيجيك ولا انت بتجيله = حقيقه ولا فيها نقاشٍ ولا خلافي
عليك احتساب الاجر وابشر بتحصيله = من اللي يجازي دون ظلمٍ ولا جحافي
وتشكي على من الغرام وبهاذيله = وهيّضت قلبٍ فالهوى شاف ما عافي
طريق الهوى فيه ألف حفره وتحويله = يبيله ولد حرّيف مع كل محرافي
وليفي قدهنا سنين ما عاد له زيله = نسيته وماضيه الغبر شتّه خلافي
وقلبي فطمته من وليفه ومن جيله = نفضته وحزن القلب روّح مع السافي
تناساه يا مسفر وقطع محابيله = قبل لا يقطع قلبك أرباع وانصافي
مدامه نسى حبك وعرفك لا تبكيله = يا مال الغنيمه لا تحسّف على الجافي
أنا احسبك لوانك تبي طويق بتشيله = واثر قلبك اصخيف واحاسيسك اصخافي
حنيّن يا مسفر بس ذا الوقت يبغيله = قلوبٍ كبار ضلوع ما هيب بتخافي
ترى الحب ماله طب ولا شيخ يفتيله = تبصّر بقلبك قبل يسرف به اسرافي
وما صعب شيء الا على الله تسهيله = وهذي الحياه حمولها ثقال وخفافي
وهذي نهاية رد قولي على قيله = من اعدادي وتقديمي وفكري واشرافي [/poem]
وســـــلامــــــتكم ،،

أنـا لا تذكـرت الزمـان وغرابيلـهوشين الظروف وعسرها قلت يا كافي


ايوالله يا كافي




أدر ظهرك لماضيه وانطـح مقابيلـهولا يهمك المقفي وركز علـى الافـي



صعبه تدير الظهر لبعض الاحداث ،، وبعض الناس :)




صح لسانك انت وصاحبك يافهد





تحياتي /حامد

الرائع......فهد القحطاني..

صح لسانك ولسان الفاضل مسفر القحطاني..

صوت وصدى يحملان من الشعروالجزاله الشئ
الكثير...

كلاكمايستاهل الطيب....


تقديري للجميع...

صوت وصدى ولا اروع
:)
وصح الله اللسنتكم
جميع
.



ولاهنتوا ،،،

عليكم السلام ورحمة الله وبركاته

مرحبا ومسهلا يا فهد

.

على صاحبٍ ما عاد جتني مراسيلـه
رماني على شوك المحبه وانا حافـي

عطاني عهد واليوم شـح بمواصيلـه
حسيبي عليه اعداد من حج واطافـي
.
.
تناساه يـا مسفـر وقطـع محابيلـه
قبل لا يقطع قلبـك أربـاع وانصافـي

مدامه نسى حبك وعرفـك لا تبكيلـه
يا مال الغنيمه لا تحسّف على الجافـي

.


الله الله الله
الله الله الله



صح لسان مسفر ولسانك يا فهد

مساجله بديعه يا شعراااء


..

بيض الله وجيهكم



ولاهنتوا


وصحة السنتكم


اخوووووووك

صوت وصدى ولا اروع ..
مبدع يا فهد من غير قصور في مسفر ..
صحت السنتكم ودمتم على العز ..

تحيّتي

صح لسانك يافهد
وصح لسان مسفر

وسلمتوا ولاهنتوا صوت وصدى من مبدعين ,,

..

تناساه يـا مسفـر وقطـع محابيلـه
قبل لا يقطع قلبـك أربـاع وانصافـي



عزالله إنك نصحت يافهد .. مير نصيحتك صعبه على قلب الهواوي :)



صح لسان مسفر القحطاني .. وصح لسانك ..


صوت وصدى ولا أروع ، تحيتي ،

الله الله الله


صح الله السنتكم


ابدعتوا واطربتونا عزالله



تحياتي

فهد

مساجله رائعة بالفعل صح لسانك ولسانك مسفر وسلمتوا

صوت وصدى رائعين


صح لسانك يا فهد وصح لسان مسفر


لكما مني فائق الاحترام والتقدير


تحياتي

فهد القحطاني


يا مرحبا يا فهد .. وعزاللّه ان القصيدتين كل منهم تقول الزود عندي .. سلامي عليكم



صح لسان مسفر .. وصح لسانك يا فهد

ودي وتقديري

حامد المطيري


حياك الله ، ولا هنت على تشريفك ..


أما بالنسبه للصعوبه ، ما فيه شيء يصعب مع الجهد والمثابرة <- وش عنده المصلح الاجتماعي هههه


تحيتي ،،

صوت وصدى رائعين

صح لسانك يا فهد وصح لسان مسفر

سلمتو ولاهنتووو

تحياتى

فهد القحطاني
صح السانك واعتلا شانك
صوت × وصدى
من الذهب الصافي والعيار الثقيل
دمت متألق

بنت العبيه


صح مرورك وتعليقك ، ولا هنتي على تشريفك ،،


تحيتي ،،

.

محمد مشوط


صح بدانك ولا هنت على تعليقك وتشريفك ،،


مع أصدق التحايا وأطيبها ...

.

صح لسانك مسفر ولسانك

مبدع وسند على مبدع

تحيتي لك

ســـداح


لا هنت يا دكتور على المرور والتعليق .. وشكرا على هذا التشريف ،،


ولك أزكى تحية ..

.

فايز ابورجيله


صح بدانك ولا هنت على مرورك وتشريفك ،،


تحيتي ،،

.

محمد السبيعي


صح بدانك .. والإبداع بعض ما عندك .. !


ولا هنت على تشريفك ،،


تحيتي

.