إجازة الصيف
 

السلام عليكم


متواضعه عل وعسى



[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ادور محمد وله حول يومين = ماطب فالنت العريضه ولاشيف
لاكن عساها فداه طلق الحجاجين = وان راده الله .. تاتزين المحاريف
بيتين لاراحت ولا جات بيتين = غلفتها عن دايخ الفكر تغليف
اتعب لها الافكار واسهر لها العين = وابني عليها من المعاني تواصيف
فيها حركات الحروف ومضامين = مافيه لازودٍ .. ولافيه تطفيف
بالمختصر من كل الالوان لونين = اللام بالتثقيل .. واللام تخفيف
ماغير اكانفها من يسار ويمين = من خوف تعرض للعلوم الصواديف
على العموم السالفه قاب قوسين = وكلٍ حسب رايه يحدر مع السيّف
ماودنا نلطم خشوم البعارين = اللي تعرض طول الارقاب للسيف
كثر الجدل فالامر واحد من اثنين = اما يجيب صداع ولا تخاريف
البارحه ياطول ليل المحبين = ياللي وداعك طيف .. ومقابلك طيف
الله يسقى ذيك الايام يازين = واول لقانا العام في إجازة الصيف
تعرض على الخاطر من الحين للحين = واقف لها إجلال قدر ومعاريف
ماكنتي الآ اقرب من الربع الادنين = مافيه رسميّه ولافيه تكليف
اثنين تجمعنا علاقه يالاثنين = نسمو بها عن مبدأ الكذب والزيف
لك فلةٍ فالقلب واربع دكاكين = تشطيبها دبلكس .. حايط وتسقيف
سلمتكياها على الزين والشين = وامّنت لك إعاشتك والمصاريف
لاشك شفتك فالعواذل توحين = اللي مساعيها فراق المواليف
رحتى على وجهك ولا أدري على وين = وانا لحقني من فراقك تخاليف
صحيح عمر الحب ماغير شهرين = لاكن يبقى فالضلوع المهاديف
احفظ لها قيمة غلاها من سنين = وليا نست مانسى لياليك يالصيف[/poem]



وسلمتو

حجز 11111111111

حجز 22222222222222222222

الله اكبررررر وافي وقصيدتك وافيه يالبرقاوي جعلك ماتفارق من تحب يالغالي ..

الله يسقـى ذيـك الايـام يـازيـن
ــ واول لقانا العام في إجازة الصيـف
تعرض على الخاطر من الحين للحين
ــ واقف لها إجـلال قـدر ومعاريـف

الله الله

صح لسانك مدد ماهو عدد على هالابداع ..

والصيف هذا مايجي من وراه الا شر :) .. لكن بارك الله فيه اللي جاب لنا هالقصيده

سلمت ودمت ,,
..

البارحـه ياطـول ليـل المحبـيـن
ياللي وداعك طيف .. ومقابلك طيف

الله يسقـى ذيـك الايـام يـازيـن
واول لقانا العام في إجازة الصيـف



ياشيخ والله انك تكتب الشعر على معناه الصحيح

صح لسانك مليون ،،،


..

صح لسانك ياتركي



قصيده رائعه


وكلمات جزله



لك مني فائق الاحترام والتقدير





-




تحياتي

الله الله الله الله ..

ابك انت ماتعرف غار القسم هذاه :(




..

صح لسانك وبيانك وبنانك

قصيده رائعه

الغالي تركي البرقاوي

صح لسانك وفكرك

جزلة وكايفة ووافية

تحيتي وتقديري واعجابي

ياسلام يا سلام

صح لسانك يا تركي ولاهنت

محبتي وكتابعتي

اخوك

الحين كل الأمور تمام يابوعايض :)


سلام’ عليكم

ابن حرباش


حياك الله وحجزك على العين والراس

اثنيـن تجمعنـا علاقـه يالاثنـيـن
نسمو بها عن مبدأ الكـذب والزيـف
لك فلـةٍ فالقلـب واربـع دكاكيـن
تشطيبها دبلكس .. حايـط وتسقيـف



الله الله
ياتركي

صح لسانك



مدد

مدد

ولاهنت


اخوووك

حياك الله يامناحي

تركي البرقاوي
صح لساااااااانك ولاهنت
مبدع طال عمرك
تحياااااااااتي

ابو عايض


مرورك اتشرف به وكلامك ينومسني


تحياتي لك

الله عليك يا تركي

عز الله انك ابدعت

وصح لسانك

ياسر العتيبي


تسلم على المرور الرائع



تحياتي لك

تركي

صح لسانك على هالقصيده الوافيه يالوافي

وسلمت

تركي البرقاوي

الله الله الله


صح لسااااااااااااااااااااااااااانك


وبيض الله وجهك

وافيه من وافي

اخوووووووك

الدكتور سداح



اشكرك على الاطراء وتسجيل الحضووووور



تحياتي لك