بين العنق واللبّة
 

[align=center]السلام عليكم ورحمة الله وبركاته

قصيدة مسندها على الشاعر الكبير
سعود الشاطري المطيري
وسأوافيكم قريباً برده[/align]

[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياسعود انا هم قلبي عارفٍ طبّه=أعرف علاج الهموم وطب الأجراحي
الليلة الباردة والبر والشبّه=مع ريحة الهيل بالدله ليا فاحي
واخوان مثلك جذبهم طاري النبّه=حضروا وجات السوالف جد ومزاحي
سوالفٍ مابها غيبة ولاسبّه=وشعرٍ يداوي المعنى لين يرتاحي
شعرٍ نعزه وسوق الرخص ماطبّه=مانجلبه ساحة المجنون والصاحي
صافي الذهب نصهره ويذوب ونصبّه=صب الجنيهات منقيات وصحاحي
مخزونةٍ دونها المفتاح والضبّه=في الخزنة اللي لها ضبه ومفتاحي
نخفي رموزه عن اللي ماعرف لبّه=ونوثقه من عبث سارق ومزاحي
هذا هو اللي يبومروان نطرب به=يسوى الملايين عند اصحاب الأرباحي
وإن فاتنا الإجتماع وقاف نلعب به=داويت همي بدربيلي وبسلاحي
بارضٍ تضاريسها الضلعان والخبّه=أسري واخلي مباتي عند مسراحي
في موقعٍ من قديم نجيه ونحبّه=فيه الجوازي لها مدهال ومراحي
مع شقة النور ولياها على تبّه=يوم إستعادت ووقفت مثل الأشباحي
واللي تساوى على النيشان والحبّة=حزناه عنها بعد فيه السهم لاحي
رمية عطب جات بين العنق واللبّه=حاول يبا المستحيل وفز ثم طاحي
والطيب من غرشة العطار منكبّه=يفوح من مضرب البلجيك نضاحي
عزالله إنه يداوي القلب ويربّه=رب الدلال القديمه وقت الإصلاحي
وإن ماتهيا علاج القلب من ربّه=ياسعود ماينفعه عاذل ونصاحي[/poem]

الله الله

اتشرف انني اول من رد على هذه الفاتنه

صح لسانك ياشاعرنا

شعرٍ نعزه وسوق الرخـص ماطبّـه
مانجلبه ساحة المجنـون والصاحـي
صافي الذهب نصهره ويذوب ونصبّه
صب الجنيهات منقيـات وصحاحـي
مخزونـةٍ دونهـا المفتـاح والضبّـه
في الخزنة اللي لها ضبـه ومفتاحـي


الله الله الله الله يا عبدالله

اشهد بالله انك تجيب الذهب صدق

عسى الله يزيدك من فضله ويديمك وامثالك للشعر الاصيل والفكر الراقي

وصح لسانك ولاهنت ياغالي

محبتي واعجابي واحترامي ياغالي

اخوك

صح اللسانك يالطلحي
وبيض الله وجهك على القصيد الطيب
:)

والله انها كامله والكمال لله


صح فكرك وطال عمرك على هالقصيد الحي ...


اخووك .

عبدالله

صح لسانك على هذه الفاخره وعادتك الجزاله

عبدالله الطلحي

صح لسانك

جزل جزل جزل

وبانتظار رد سعود الشاطري المطيري

سلامي عليك

شعرٍ نعزه وسوق الرخـص ماطبّـه
مانجلبه ساحة المجنـون والصاحـي
صافي الذهب نصهره ويذوب ونصبّه
صب الجنيهات منقيـات وصحاحـي
مخزونـةٍ دونهـا المفتـاح والضبّـه
في الخزنة اللي لها ضبـه ومفتاحـي


عبد الله الطلحي صح لسانك ولاهنت

لله درك جزله وبانتظار الرد

تقبل تحياتي ومشاركتي




:)

عبدالله الطلحي

شاعر .. متمكن
كل بيت تخطّه .. نستفيد منه

لله درك .. ياشاعر الحكمه .. وصح لسانك

الأخ عبدالله الطلحي
صــــــح لســــــانك ....ابداع مبدع
لاهنت........ودمت مبدعــــــاً
تقبل تحياتي ومروري

يا حلو القصيد اللي يجي من اهله

شاعر الحكمه / عبدالله الطلحي

صح لساانك على ما اتحفتنا به في هذا المتصفح

ننتظر رد سعود ولا هنت

تقبل تقديري واعجابي !



....

شــكراً ياأخ هادي
الشـــرف لي طال عمرك

لاعدمتك


.

صج الله لسانك ياعبدالله الطلحي

جزلة من راس جزل
ولها معنى جميل وقوافي أجمل واجمل

دمت بخيروعافية

صح الله لسانك وبيض الله وجهك



وافيه وأنت وافي


لاعدمنا حضورك المشرق



الله يرعاك

الغالي / عبداللطيف

أنا لاأخفيك أنني أنتظر مرورك بفارغ الصبر
لأنه يعني لي ختم الجودة وشهادة النجاح

أشكرك من القلب

وأنا فخور جداً بكلماتك


,

الغالي / محمد مشوط

شكراً لحضورك الرائع

وكلماتك المشجعة

بيض الله وجهك ياشاعر الحكمة على هذه الجزلة
أخوك أبو محمد

[align=center]وإن ماتهيا علاج القلـب مـن ربّـه
ياسعود ماينفعـه عـاذل ونصاحـي


عبدالله الطلحي

صـح السانك مدد بلا عدد

قصيده جزله من شاعر جزل

تسلم ولاهنت[/align]

شـــكراً أخ غلاب

لاهنت يالغالي

.

شعر أصيل ..

إعجاب قديم يتجدد دوووماً ياعبدالله في كل نص أصافحه لك :)


محبتي ..
أبوشاهر:)

شعرٍ نعزه وسوق الرخـص ماطبّـه
مانجلبه ساحة المجنـون والصاحـي
صافي الذهب نصهره ويذوب ونصبّه
صب الجنيهات منقيـات وصحاحـي
مخزونـةٍ دونهـا المفتـاح والضبّـه
في الخزنة اللي لها ضبـه ومفتاحـي

ياسلام عليك ياعبدالله

رائع وجزل

صح لسانك واعتلا شانك

تحياتي

عبدالله الطلحي

صح لسانك وانا اخوك

قصيدة أكثر من رائعة من شاعر جميل

شكرا ً لك من الأعماق

وتقبل فائق احترامي

أخوك / قديم الشوق