بين العراقيين, والاردنيين..(ياطير)
السلامُ عليكم
من عيون الشعر... للشاعر الكبير عبدالله بن عون: يا طير عقبي كن خاطرك شاين خاطرك شين وغيبتي عنك يومين النقص فيك مبينٍ له بواين في لمعة الريشة وفي ناظر العين يا طير أنا وياك كنا خداين وبيني وبينك ولف ومعاملٍ زين يوم نتخاوى مع وجيه الضعاين ونهمل سبقوك في مناكب خسيرين ولا شمال الهضبتين القراين شرقي طلال ومن سواحيق ويمين والا عطينا سكة التابلاين ولا قد عطيناها عليهن حراذين نصبح على طارات شهب المكاين بين العراقيين والأردنيين في خايعٍ به كن عيني تعاين ربد الحباري به على أربع وثنتين وناخذ لنا أيامٍ بذيك الدفاين ما بين برقع والغدف والبسيتين ونكسر على ما ينحدر من ضواين وناخذ هناك اسبوع ولا اسبوعين وننكف نشاط وسالمين الصخاين ولو كان نتعب عدنا مستريحين قدام يطلع للصقارة زباين ناسٍ تحوش القوبعة بأم روحين ليا روحوا بمشحنات الخزاين ما في نحاهم ذوقوه الأمرين واليوم ما بيني وبينك مداين أنا سعودي وانت جايٍ من الصين وأما لقينا للحباري عواين ولاّ توادعنا وداع المحبين الوقت ما تاليه معنا بزاين والبر في حادور من حين لاحين أدناه مليانٍ كراتين فاين واقصاه ضاق وضيقو به هل الضين وضاقت مناهج طيبين الضغاين اللي على المقناص بالطير ضارين واليوم كان اللي يحاكيك ماين هذي سبوقك وانتهض بالجناحين وهاجر مهاجَر مبحرات السفاين للصين ولاّ اهبط على ضلع قزوين لو كان عندي ما فراقك بهاين حنا عزاز ولا نهين العزيزين خلك تروح ولا تشوف الغباين شاملك عفوٍٍ مثل عفو المساجين . . |
بيض الله وجهك ووجه الكبير ابن عوون
|
بيض الله وجهـك يا عبدالرزاق
الحقيقه قصيدة باقيـه وشاعر كبير .. سلمت ولاهنت ، |
بين العراقيين والأردنيين
لله در السلاسه والابداع التلقائي .. ولله در عبدالله بن عون مدرسه يتعلم منها الجميع .. كيف الواحد يكتب بـ فكر !! من اروع القصايد عندي .. ومن عيون الشعر لله درك يا سابك الذهب على هذا النقل ولا عدمنااااااااك :) |
صح لسان العلم / عبدالله بن عون
وسلمت ياعبدالرزاق على النقل الرائع .. |
ابو مخلد
بيض الله وجهك على هالنقل وصح لسان ابن عون 1000000 لك فائق احترامي وتقديري |
\
/ . عبدالرزاق لله درك على اختيار قصيدة مثل ذا القصيدة ولاسيما للشاعر الكبير .. بن عون صح لسانه وسلمت يمينك على النقل الموفق تحيتي |
صح لسان الشاعر عبدالله بن عون
ويعطيك العافيه على النقل الرائع تقبّل ودّي وتقديري .. |
شاعر عظيم وعلم من اعلام الشعر
أطال الله عمر ابو نايف وامده بالصحه على مرضاته وشكرا يا عبدالرزاق مني ومن والدي لك كان يسألني عنها وسهلت المهمه في وقتها ... |
| جميع الأوقات بتوقيت GMT +3. الساعة الآن 07:37 PM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية