المهره اللي راكبـه فـوق دبـاب....!!!
 

[align=center]السلام عليكم ورحمة الله

مصافحة اخرى أتمنى تنال القليل من رضاكم

[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
المهره اللي راكبـه فـوق دبـاب=والعـود ياعالـم يطالـع علاهـا
ويقول يابنتي تسوقيـن بأعجـاب=وهي تلـوح لـه براحـت يداهـا
ما كن حوله يالأجاويـد الأجنـاب=وعيون خلـق .. اطالـع وراهـا
ياعود جعلك تنسقي سم مـن داب=وألا عسى عينك تصـاب بعماهـا
وألا يعضك ذيب وينشـب النـاب=اللين تعرف فعلتك وش جزاهـا
ماتدري أنك تفتح ابواب وأبـواب=قدام بنتك يـوم .. ربـي بلاهـا
بكره تجيك وعندها ولف وأحباب=ماهوخطاها صدق ماهـو خطاهـا
يجي لها واحد ملسـن ونصـاب=وبهرجه المعسول يكشف غطاهـا
والليا عرفت تجي معصب ومرتاب=وتقول مقطوع الحياء من بناهـا
أنا طلبتك لا ... تدور للأسبـاب=أعطيك انا الاسباب وأعطي دواها
أنت السبب ياعود في كل الانشاب=انت السبب في كل شـئً دهاهـا
أعطيتها حريـةٍ .. مالهـا بـاب=وابليس يدفعها .. وتتبع هواااهـا
وحمستها لطيش قـدام الأغـراب=لين انسلخ منها بقايـا حياااااهـا
وصارت تدور كل واحـد وكـذاب=ويقول مهره غير فـي مستواهـا
خلك حريص وصك من دونها الباب = حافظ على الدره بسترك حلاها
احسب حساب اللي توعدك بعقاب=قال الرعيه ذمـة اللـي رعاهـا
ياويل قلبي منك ياوقت الأرهـاب=أرهاب في جوف العقول ومحاهـا
لا خير في عبداً من الذنب ما تاب=يوم الحشر يبكي ليالـي قضااهـا
يالله طلبتك يارجا كل مـن خـاب=تغفر لنفسي من خطـاي وعناهـا
وتغفر لشخصينٍ لهم عندي حساب=أغلى من عيون ومن كـل ماهـا
ابويه اللي مات والعمر ما طـاب=تجعله فالفردوس داخـل حماهـا
ابكيه وانا معتلـي فـوق مرقـاب=والروح في ذكراه زايـد شقاهـا
وامي وكل الشعر قدامهـا شـااب=اي والله ان الكون كلـه فدااهـا
يالله طول عمرهـا داخـل كتـاب=اللي جنان الخلد مكسـب رضاهـا
وختامها صلوا على خير الاحباب=شفيع لامه من عقب مـا دعاهـا[/poem]


وســلامتـكم

حسن ابن شـامي الجعيد[/align]

حسن بن شامي


صح لسانك


نص رائع

بروعت كاتبه

صح لسانك يا حسن ولاهنت والله

محبتي ومتابعتي واحترامي ياغالي

اخوك

هلا هلا ومرحبا ياحسن

بيض الله وجهك على هالقصيده الطيبه

وتغفر لشخصينٍ لهم عندي حساب
أغلى من عيون ومـن كـل ماهـا
ابويه اللي مات والعمر مـا طـاب
تجعله فالفـردوس داخـل حماهـا
ابكيه وانا معتلـي فـوق مرقـاب
والروح في ذكـراه زايـد شقاهـا
وامي وكل الشعر قدامهـا شـااب
اي والله ان الكـون كلـه فدااهـا
يالله طول عمرهـا داخـل كتـاب
اللي جنان الخلد مكسـب رضاهـا
وختامها صلوا على خير الاحبـاب
شفيع لامه من عقب مـا دعاهـا


اللهم آآآمين اللهم آآآمين


صح لساااانك يامبدع

مطر المرشدي
صح بدنك ولاهنت
اسعدني تواجدك
تحياااااتي

حسين صح لسانك واللة


تحياتي لك

اللهم صليّ وسلّم وبارك على رسول الله


مرحبا ومسهلا يا حسن بن شامي

وصح لسانك مدد ،


..

عليه افضل الصلاة والتسليم . ,


حسن

صح لسانك ..
ولاهنت

الله يرحم الوالد ويسكنه الجنه
وصح لسانك ملاييييييييييين
تقبل تحياتي
اخوك

حسن


صح الله السانك الف


ابدعت واجدت


تحياتي لك

مرحبا يا بو شامي

صح السانك وعلا شانك

نص رااائع لاهنت

تحياتي

صح لسانك يا حسن ولاهنت والله

محبتي ومتابعتي واحترامي ياغالي




:)

صح لسانك ياحسن

والله يرحم والدك ويطول عمر الوالده ويعينك على برها

تحياتي لك
..

عبداللطيف الغامدي
حياك الله
وصح بدنك ولاهنت
اسعدني تواجدك
تحياااااتي

فالح
حيااك الله
وصح بدنك ولاهنت
واللهم ياااارب
تحيااتي

محمد بن صاهد
حيااااك الله
صح بدنك ولاهنت
تحيااتي

حسن بن شامي

صح لسانك واعتلا شانك

والله يرحم والدك ويطول عمر والدتك

تحيتي وتقديري

الشاعر حسن بن شامي


شكرا لك على هذا الشعر الرائع والذي يخدم الدين
والعادات العربية العريقة

صح لسانك مرة اخرى ودمت بخير