ماتسوى ولا عود
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياعبيد هات البوك واخذ المواثيق=وهات القلم واسمع من النظم مالاق يابوك لاتبطي ترا الهجس حريق=بظهر كلام حافظه وسط الأعماق اليا حصلي من صدوف الدهر ضيق=كتبت من حبر القلم فوق الأوراق ابيات شعراً من جميل الطواريق =تنعش ضمير مغربلاً خاطره ضاق يسلا بها من طق في حلقه الريق=ومن وقته المقرود بالحيل منعاق اخير من بعض الوجيه المماحيق=الي مقابلها يسبب لك ارهاق عزي لمن حظه بروس الشواهيق=في راس مهياف على جرف مزلاق اليا تحرك مال به فالمواهيق=وليا صبر ماله على الصبر ميثاق كنه موكل حارس للمخاليق=لليل ونهار ولا ثنى الرجل والساق كم ونتاً ونيتها بالمعاليق=مال الردى قلب على الغبن دفاق اليا طمع في طيبات التوافيق=يحداه عن ميصالها رمي تفاق ياعبيد بعد العسر تاتي التفاريق=مالله خلقك وقاصراً عنك الأرزاق احفظ حلالك فاليال المماحيق=ترا زمانك يشرق اطوال الأعناق ترا السنين المقبله تنشف الريق=والسالم الي نايشه موس حلاق مادام عندك قرش وايامك اتفيق=وشجرتك دايم غصنها زين الأوراق كل العرب في مابغيته مدانيق=لو هم رجالاً تدبل الطاق بالطاق ون كان جيبك مايضم التفاريق=كرهوك خلق الله ولو كنت ميثاق واحفظ السانك وانتبه فالمناطيق=والي تعدى خلها تعطي الأطراق كم كلمة جابت رجل فالمواهيق=وده يغيرها ولو يعقب الساق واصبح على ايدين الرجال المطاليق=تحكم عليه بغلطة مالها اوثاق وربعك اليا اجتمعو على علمٍ يليق=احذر تجي في وسطهم مثل معلاق هدادت المقعد عساها الصواعيق=تكره تجمعهم وتفرح بالأفراق والواجب الي ينحرك خلك ازريق=ابرك ازريق ولاتدرق فالأرواق ولي بعيده عنك عطها الزحاليق=ماهي حلاوه في دكاكين الأسواق ترا الرجال اصدورها كالصناديق=وشرهاتها ماتنبدي تحت الأطباق لو كان واحدهم من الناس طربيق=يشيل في نفسه صواعيق براق وحذر تحاقر واحدأ قيس الأبريق=ترا العقارب ذبحت حشو ونياق ترا التغطرس ضاع به حكم لذريق=وهو من اول في وسع قيس الأفاق وخلك مع الطيب خيولك مسابيق=ترا زمنا يافتى بس الأخلاق وعيالك ارباهم على كل ماليق=واحسن مخاواهم بزينات الألباق تر ولدك ان شاف من جانبك ضيق=لو ماهجرك صغير يهجرك عملاق انت الوحيد الي على وضعه امويق=كمل لزومه لاتعرضه الأضياق ولا تسمع في علوم النقانيق=الي يسولف في عيالك بالأدراق ترا العيال ان ميلو في زواهيق=اعرف ترا ابوهم اخذ وقت مافاق جود نسبهم لو ورى ساحل ابقيق=المعطي الله لاتماهل في الأعراق بالك تروح لزين بعض العشاريق=مقدم نحرها كنه افلاش براق مادام ابوها ضارياً بالماصيق=قاصر جدى ماله على الطيب ميواق تجيك بعيالاً سوات البطاريق=ماتنطح الواجب قليلين الأوفاق الله ولا منسب يعقب لك الضيق=ليل ظلامه مايبين لك اشراق في مامضى كنك كما قمة طويق=واليوم ماتسوى ولا عود طباق[/poem] |
الله الله الله
صح لسااااااااااااااااانك ايها المبدع قصيده جزززززله ووافيه تحياااااتي |
ياسلام عليك
صح الله السانك الف ابدعت واجدت تحياتي لك |
ابو عبدالله
صح السانك وعلا شانك نص راائع بكل مافيه تحياتي |
صح الساااانك مدد ياسنجار
جزله وااافيه اعجابي واحترامي أخوك |
الله الله ياشاعرنا سنجار
حكم من ذهب ونصائح تشترى بالفلوس دمت بخيروعافية |
اقتباس:
الله الله الله ابو عبدالله قصيده خااالده وستبقى زمن طويل ! حكم ونصح ودرر / واتقان محترف صح لساانك ولا هنت يا رااايع تقبل اعجاااااابي وتقديري ! .... |
لله درك لله درك
صح لسانك يا سنجار ولاهنت نص خالد للذاكره تقبل تحياتي :) |
سنجار
صح لسانك على هالدرر حكمه × جزاله × ابداع سلامي عليك .. |
العالي / سنجار
دمت عالياً بإطروحاتك الشعريه ومواضيعك الثريه لاخلا ولاعدم على هكذا ابداع ولاهنت صح لسانك تقبل تحياتي |
.
. ترا الرجال اصدورها كالصناديـق وشرهاتها ماتنبدي تحـت الأطبـاق لو كان واحدهم من الناس طربيـق يشيل في نفسـه صواعيـق بـراق ابو حميد :) والله اني انبسطت يوم قريت اسمك دخول تلقائي بدون تردد تجيب الشعر وتبدع ياجزل بس لاتغيب علينا واجد :) صح لسانك من هنا للطايف ولاعدمناك تحيتي لك . . |
اليا حصلي من صدوف الدهر ضيق
كتبت من حبر القلم فـوق الأوراق سنجاااار صح لسسسسسسسسانك وفكرك ابيات من الصميم إلا الصميم |
ترا الرجال اصدورها كالصناديـق
وشرهاتها ماتنبدي تحـت الأطبـاق لو كان واحدهم من الناس طربيـق يشيل في نفسـه صواعيـق بـراق . . الله الله الله الله الله من القصائد الخالدة والتي تخلد في التاريخ كتلك القصيدة . ! سنجار .. صح الله لسانك . ! ابدااااااااع .. وجزالة .. ولله درك صح لسانك .. صح لسانك .. صح لسانك .. تقبل مروري |
كـم ونتـاً ونيتـهـا بالمعالـيـق
مال الردى قلب على الغبـن دفـاق الله الله الله يا سلام على هالحضور الوااافي قصيده رااااائعه فيها من الحكم والنصح الكثير صح لسانك صح لسانك صح لسانك لاهنت احترااامي و ج د |
الله الله الله
صح لسااااااااااااااااانك والله انك مبدع قصيده جزززززله ووافيه واسمح لي بان اقر نصك مرارٍ وتكرار |
والله مبدع وش اقدر اقول يا عصاابتي
عز الله انك ما قصرررت وصح لسانك من اول القصيدة لأخرها |
محمد بن رشيد
صح بدنك ومرورك يثري القصيده لاهنت |
سنجار
لاهنت على هالبدع الحكيم صح لسانك مدد دمت بخير |
ابيات شعراً من جميـل الطواريـق
تنعش ضمير مغربلاً خاطره ضاق ابيات شعراً من جميـل الطواريـق تنعش ضمير مغربلاً خاطره ضاق بكل امانه يا ابو عبدالله البيت هذا يشرح الحال عند مصافحة هذه الدره صح لسانك ولاهنت ياغالي محبتي ومتابعتي واحترامي اخوك |
واحفظ السانك وانتبـه فالمناطيـق
والي تعدى خلها تعطـي الأطـراق كم كلمة جابت رجـل فالمواهيـق وده يغيرهـا ولـو يعقـب السـاق صح لسانك ياسنجار قصيده رائعه لك مني فائق الاحترام والتقدير تحياتي |
سلام الله عليك يا سنجار
وصح لسانك ،، .. |
اخوي حقان
وجودك يشرفني ولا هنت يالقرم |
| جميع الأوقات بتوقيت GMT +3. الساعة الآن 06:54 PM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية