(( * ( قناعاتي !! ) * ))
السلام عليكم ورحمة الله وبركاته
أحبة المرقاب .. طلبات المدير أوامر على ما يقولون :) وبعد تقديم شديد الإعتذار لكل مرقابي ولبو تركي على تقصيري بالتواجد معكم في هذا الصرح الشامخ أتشرف بنشر هذا النص المتواضع في مرقاب الشموخ على أمل ان يكسب بعضا ًمن رضاكم : : [poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"] النص / حـالة تجرّد / فلسفــه حـرة = محـــــاولة للتوّحد والخـصــوصيّة علاقتي فيه : حب ومــن طرف واحد = نزعـاتــــهـا تـفـتـقـد نـزعــه ثـنــائيّه كـريم .. وإكـرامـا ً لجيّته فــي بــالـــي = ذبحت لـه : منهج ومطـلع وقافـــيّه !! وعــزمــت .. ما لا كتبته من قناعـــاتي = وما تيـّســـــــر من أحـرفنا الهجائيّة يا ضيفي المتعب من الضـوء والشهـرة = الليـلــة أنسـى مــعـايير النجـوميّة !! خذ راحتك واترك إحساسي ورى ظهرك = شاعرك مستاء و أفكاره جنونيّة يــؤمن بــأشياء : مــا يـقدر يفــسّرهــا = ويكفــر بأشياء : جبريّة وحتميّة الكــون : في نظرته مــن شرقه لغربه = كل شي ّ في داخله مسلوب حريّة !! الروح مسجونة فـــ جسم البني آدم = والآدمي منسجن في كوره أرضيّة وبالرغم من كبر حجم الكوكب المائي = الأرض مسجونة بقبّة سماويّة لذا يكون الخضوع : أحيان بالفـطرة !!= تحت أسس واضحة لأحكام كونيّة والدين : في نظرته من وحيّه لــفقهه = أسمى رتب الاحـــتياجات الغريــزيّة تأكيد لا منطقيّ الفكــــر بالمنطــــق = وتجسيد الإعجاز فــي فكرة بديــهيّة إعطاء الإنسان معــنى إنسان فعــليا ً = إحساسه بقيمــــة العــيش بشموليّة !! لذا يكون الرقي في أعظم أحواله : = تعـلـّــق الذات بـــالذات الإلاهــيّة والحكم : في نظرته من عدله لظلمه = تصحيح الأخطاء في صوره ضبابيّة تصريح : بان الحياة المقبــلة أجمــل = وتوضيح : معنى الفخامة والرفاهيّة وفساد الأرض وخضوع الحق للباطل = الحاصل من الصراعات السياسيّة لذا تكون الدول في العــالم الثالث : = هيئة لـــتنفيــع مجموعة حــراميّة والشعب : في نظرته من بعضه لكله = الركض خلــف التفاهات الكماليّة تكريس الاذهــان في مــا لا ينميها = برنامج .. مسابقه .. جلسة رياضيّة اهـم شي العقول تكون مشغـــولـة = فــأشياء لا يمكن تسمى : مصيريّة !! لذا تكون الشعوب : اجسـاد تتكاثر= وتمارس الدجّــه بصــورة جمـاعيّة والمجتمع : مسرحيــة والبطـل فيها = أفضـل ممثـل لـتمثـيل المثـــاليّة والانتماءات للأفكار والمذهب = ماهيب محصورة بموطن وجنسيّة !! اتشل جسم البلد وتشتت الوحدة = تزرع تفرّق وتجني حرب أهليّة والناس فالناس مدري ويش مشغلها ؟ = حسبي على نزعة النفس الأنانيّة !! تخلي الآدمي مشغــول فــي ربعــه = عين فبني عمه وعين فبني خيّة عنده حساسيّة من الناجح الاقرب = والقرب لا زاد .. تزداد الحساسيّة !! ولو انه مراقب أوضاعــه و مصلحها = كان العلاقات بالغالب حميميّة والرجل لابــد يصنـع نفسـه بنفسـه = ويجــابه المستحيـلات .. بعصامـيّة تحــفظ قياسيّة الارقــام وتسجّل = من أجل تحطيم الارقام القياسيّة !! وتعامل الشخص مع غيره يبيّن لك = مقدار مافيه من أزمات نفسيّة !! والرحمه اصدق مشــاعرنا وأروعــها = لله در .. التواضـع والمحنـيّة وممارسة قوة السلطة على ضعيّف = ردة فعل ناتجة عن ضعف شخصيّة !! على التناقض!! تعيش العالم وتحيى = بعقول وحده وبافكار انتقائية ولا هو ضروري طبايــعــهم تفرقهم = الاختـــلافــات أحيانــا ً ظــروريّة ما يجذب الموجب إلا روعة السالب = والضد بالضد قمة بالرومنسيّة خذني ( مثل حي) رغم إعجابي بنفسي = وتقديري لكل طبع وخصلة ٍ فيّة عمري ما حبيت وحده طبعها طبعي = أنا حياوي ولا أحب الحياويّة !! اسرفت واعذرني اليا اسرفت يا ضيفي = الليلة زيارتك ما هيب عاديّة اليا مــتى والشعــر مــا يـشبـه الشاعـر = وعــلاقته فيــه محدودة ورسميّة !! لكن .. خلاصة حديث المدرك الهايم = في وادي افكاره الغرّ الفجائيّة لو كل ما ساد بين الناس مقنعنا = ما عاش الابـداع فـ ارض الاتباعيّة !! مع وافر الكـره والتحقيـر والضيقه : = سحقا ً .. لكـل السخـافـات الـوراثيّة !![/poem] : : وسلامتكم :) |
[align=center]مرحبا مليون وهاذى حجز ولي عوده يابو جارالله [/align]
|
تبقى يا ابو محمد وحجزك OK طال عمرك :)
|
محمد جارالله
ياهلا ومرحبا صح لسانك وعلا شانك ابدعت واستمتعت بهذه الرائعه اخوك تركي |
3
|
وعليكم السلام ..
ابو جارالله .. قبل كل شي .. أشكرك على إهتمامك .. ورغم مشاغلك الكثيره .. حضرت ولبيّت الطلب عسى عمرك طويل على طاعته .. ولاننحرم من وجودك .. أما بخصوص النص الإبداعي .. قرأته أكثر من مرّه .. وبيّنت لك مدى إعجابي بطرحك .. والآن أعيد وأكرر ماقلته وماأخفيته أيضاً عنك .. قسماً بالله يابوجارالله .. نص فاخر وراقي بمعنى الكلمه .. ونهج لايشبهه نهج .. رسمت ملامح كثيره وأصلّت قناعات راسخه في أذهان الكثيرين .. تجربة شعريه ناضجه ومكتملة .. لله درك .. لله درك .. وصح لسانك ألف .. تحيتي وإعجابي يابطل ، |
اقتباس:
وبيض الله وجه ابو تركي اللي يوم طلبك ما رديت أطلبه وأقسم بالله انك داهيه شعريه يابو جارالله والقصيده هاذى معلقه واذا ما ابهرة شعار الكوره الارضيه قل صاحبك ما يدري عن شي وش خليت للابداع والعبقريه الفكريه الله لا يضرك وجعلك تبطي حي يالقرم وسلمت ولاهنت[/align] |
ابو جارالله
صح لسانك 1000000 لك فائق احترام وتقدير اخوك !!!!! |
الله الله الله الله الله
مبدع يابو جارالله صح لسانك مع خالص الشكر والتقدير والامتنان ودمت مبدعاً تحيّتي لك |
محمد جارالله
ياهلا ومرحبا صح لسانك ومافيه شي جديد تبقى دايماً مبدع |
محمد بن جارالله
ياهلا ويامرحبا صح لسانك على هالفلسفه الرائعه والقناعات الاروع اسلوبك رائع وحظورك اروع تحياتي لك .. |
ابو جارالله
والله ثم والله انها خارج السرب ولا يوفيها تعليق |
مبدع يابو جار الله
سمعتها منك في الساحه وقريتها هالحين والله مايمل قصيده لو اقراه مية مره صح لسانك كثر اعجابي بهالدره ولاهنت تقديري لك |
الله الله الله الله
الله الله الله الله والله الابداع من ألف باءه الى مالا نهايه سبق ان صافحتها في مكان ما ابداااع يتجدد ما شاء الله تبارك الله ولي عوده بأثر عوده |
لذا يكون الرقي في أعظـم أحوالـه :
تعلّـق الــذات بـالـذات الإلاهـيّـة الله الله الله لذا تكون الشعـوب : اجسـاد تتكاثـر وتمـارس الدجّـه بصـورة جماعيّـة صدقت وممارسة قوة السلطة علـى ضعيّـف ردة فعل ناتجة عن ضعف شخصيّـة !! يا سلام يا سلام فلسفه خاصه وتحليل منطقي وانسانيه طاغيه في هذا النص الذي يشرح احوال الكره الارضيه صح لسانك × صح لسانك × صح لسانك أبدعت وأمتعت لاهنت احتراااامي و ج د |
المبدع محمد جارالله
صح لسانك مدد على هالرائعة ابداع ونظرة فلسفية رائعة وختمتها بقفلة معلم ومعناها سامي ورائع تحيتي وتقديري |
لو كل ما سـاد بيـن النـاس مقنعنـا
ما عاش الابداع فـارض الاتباعيّـة !! مع وافر الكره والتحقيـر والضيقـه : سحقا ً .. لكل السخافـات الوراثيّـة !! / / . وعليكم السلام ورحمة الله وبركاته ., يامرحبا ومسهلا يابو جارالله اولا ً الله يبيض وجهك على تلبية الطلبة ويبيض وجه ابو تركي الي حدك علينا :) ثانياً نص فيي غاية الجمال والروعة ويحمل في طياته كثير من المعاني والكلام اللي في خواطرنا واختصرته يامحمد . ! مبدع بـ .. معنى الكلمة . ! ولا يختلف على ذلك اثنين .. وشهادتي مجروحه :) صح لسانك الى حد الثمالة دمت بخير |
يامرحبا يابن العم ..
آنست وشرفت والله .. نص غير .. وفكرة غير .. وتمكن غير مستغرب من مبدع بـ حجمك .. من جمال القصيدة وترابطها وسلاستها تمنيت أن لا تنتهي .. رائعه بـ كل معنى الكلمة يابو جارالله ومتعووووب عليها .. تثبت يابو جارالله انك شاعر صح وتكتب الشعر من أجل الشعر .. الإعجاب بـ شخصيتك وبـ فكرك وبـ ما تكتب على قيد النبض الى ان يرث الله الارض ومن عليها .. :) تحيّتي |
اصنع من الإخفاق لـك خطـوة إبـداع
كم نفس يبـدا ابداعهـا مـن فشلهـا الله يابو جارالله ابداع وجمال وسلاسه صح لسانك مدد تحياتي |
النجم البديع والشاعر المبدع .. محمد بن جار الله السهلي
وعليكم السلام ورحمة الله وبركاته .. ونوّر المرقاب أعلنت رأيك حول النص من أول اربع كلمات في هذا الإعجاز الشعري و وصفته بأنه فلسفه حرّه وأسترسلت لتثبت أن للفلسفه طعم خاص أنا شخصيا ممن لا يستيغون الفلسفه الشعريّه المكثّفه .. ومعك تحديدا .. كل ما زادت فلسفة بدعك زاد حلاوته وزدت إعجابا بهذه الفلسفه ( الشعر / الكون / الدين / الفكر / المذهب / النفس / الحساسيّه / الحبّ / السياسه / الشهره / السلطه ) كل تلك كانت أبواب إبداعيه طرقتها بإتقان لتكشف لنا مجموعة قناعاتك في نص واحد يحمل فلسفه حرّه بحق لمن يقولون محمد جارالله السهلي خدمته المقومات الشكليّه والحسيّه ! أقول والله من يملك دبل تلك المقومات ولا يملك موهبة هذا الرجل في صياغة الشعر لن نلتفت له أبدا كم انت مبهر يا بوجارالله وكم أنت بحق نجم حقيقي حقيقي حقيقي ،،، رعاك الله وصح لسانك ، .. |
محمد
صح السانك ولاهنت قصيده رائعه من رائع لك تحياتى |
فلسفة شاعر محترف !
الف الف صح لساانك لا هنت يا ابو جار الله تقديري واعجاابي منذ مبطي ! .. . |
| جميع الأوقات بتوقيت GMT +3. الساعة الآن 11:43 PM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية