مواقف ايام الدراسه
..
اخواني اعضاء المرقاب مساكم الله بكل خير .. خطر في بالي اليوم موضوع وهو المواقف التي تحدث ايام الدراسه في مراحلها الثلاث ( الأبتدائي والمتوسط والثانوي ) .. والتي تكون مواقف لا اراديه او مواقف تنم عن عدم المعرفه او الجهل .. واكيد ان كل واحد من الأعضاء حدث له مواقف واكثرها ايام الأبتدائي .. والغرض هو اظهار بعض المرح في هذا القسم .. نتمنى من الأعضاء ان يضعو مافي جعبتهم هنا ,, |
موضوع رائع ياسنجار
وشكرا لك وخذوا هذي كان عندنا مدرس :n3san: الفنيه ( الرسم ) ايام المتوسط يجمعنا على طاوله كبيره زي طاوله الاجتماعات ووقف مره يبي يشرح لنا شي معين واحد الطلاب بحسن نيه سحب الكرسي للخلف يبي يعطيه مجال انه يوقف بدون مايضايقه الكرسي ... انتهى الشرح :) ويبي يجلس teeth: والكرسي ماهو موجود طبعا اول ماخبط في الطاوله ( حنكه ) :a16: وبعدها اختفى تماما تحت الطاوله عزيزي القاريء لك ان تتخيل : 1- وجه الاستاذ بعد النهوض وعيونه تقادح شرار:me3a9eb: 2- وجه الطالب اللي سحب الكرسي :1: 3- الجلد :whip: اللي مر على الفصل كامل هاك اليوم والسبب الضحك teeth: .. |
^
ههههههههههههههههههههههههههههه ابووك يالموقف .. teeth: من المواقف اللي حصلت لي هالموقف .. بالصف الاول المتوسط انا وواحد من العيال الله يذكره بالخير وتونا في بداية السنة ومبسوطين اننا صرنا في المتوسطة .. المهم مرينا على شباب من ثالث متوسط قالوا ياولد انت وياه شكلكم مضيّعين ترى الابتدائية جنبنا :( ، ما طاحت وجيهنا ابد ابد :( سنجار الله لا يهينك وان شاء الله لي عودة اذا تذكرت موقف .. |
:
آرحـب المواقف كثيرهـ لاكن اللي ع البال دايمآ في امتحان الأنجليزي أغلب الصف مايفهم شي فالمادة هذي . إلا القليل وينعدون على الأصابع اليد اليمنى من حسن حظي كان أحد الشطار على يساري وقمت وغشتت منه الورقة كلها . اللي على يميني غشش مني وقعدنا نرفع اورقنا للي حولنا .. بـالنهاية بعد ماسلمنا الاوراق للاستاذ عرف اني جميع االأجابات ماخوذه من صاحبي اللي برشمت منه لأن اعلى أورقنا مسجله بأسم سلطان .. لأننا صفر على الشمال بالانجليزي مانعرف ان الفراغ اكتب اسمك فيه وطلعنا 4 طلابه اورقنا مسجلين فيها الاسم سلطان ...... اللي برشمت منه :( ودانا المدير وانجلدنا وبنفس اليوم ميتين ضحك على ذكاءنا الغير مستغرب : شكرآ على الموضوع .. لا خلا ولاعـدم |
سنجااار
ذكرياااات الدراسه جميله جداً جداً وفيها من المواقف مالله بها عليم:) لي عودهـ مره اخرى .. |
موضوع طريف
وياكثر المواقف اللي كانت ايام الدراسه لكن تبقى مواقف خفيفه اذكر وانا بالصف الخامس كانت عندنا حصة اسمها ( جمعيات و نشاطات ) كل يوم ثلاثاء اخر حصتين كان ودي ادخل ( جمعية الاذاعه او الفنون ) ولكن العدد مكتفي ولا لقيت قدامي غير ( جمعية الرياضيات ) وهي ممله جدا حضرت اول اسبوع ولكن بالاسبوع الثاني قررت ما احضرها وخبرت صديقاتي وهم يعارضون لكني اصريت ماني داخله جمعيتهم يعني ماني داخلتها على فكرة .. هذيك الفتره كانت رجلي مكسوره و مجبسه وقلت باخذها عذر .. المهم يوم جات الحصه الخامسه صرفه للصفوف الدنيا وانا شلت شنطتي وطلعت معهم :) >>>> بيتهم جنب المدرسه لكن اليوم الثاني جات الابله والوكيله معها وفتحوا محضر تحقيق واضطريت اكذب كذبه بيضا :) قلت لهم رجلي كانت توجعني وطلعت بروح المستشفى طبعا اخذت لي تهزئة معتبره بس بدون ضرب وهناك مواقف اخرى |
سنجار أشكرك على هذا المتصفح الممتع
أما من ناحية المواقف اقسم بالله إن عندي موقف تسدحكم من الضحك ولكن للأسف بعضها مايذكر !!!! لكن الليله أبدى بعض المواقف إن شاالله |
سنجار ..
موضوع جميل .. وانا إلى الآن طالب بالثانويه :) .. لاتخرجت أرد لـ موضوعك:).. لاهنت !! . |
لاهنت يا سنجار والمواقف جايه فالطريق
لي عوده |
الله يحي الجميع الي شارك ولي في انتظار مشاركته
انا .............. ابي اختار لكم واحد من المواقف كنت سنه اول ابتدائي والعمر ماهو كبير لأن ذيك الأيام كانو الطلاب يدخلون عن طريق المدارس مايحتاج يسوون كشوف طبيه وورقه من ادارة التعليم تعتمد قبولهم حسب السن المطلوب ............. الوضع كان هجانه وكان مدير المدرسه واحد من الجماعه ودخلوني ونا عمري خمس سنوات وعليها شهور . المهم كانوا في الترم الثاني يعطونا سورة القارعه ونا كان موقعي في الفصل ثاني ماسه في الصف الأول ناحية باب الفصل . طلب الأستاذ من اول واحد قراية السوره ............ قراها الطالب الين الاخير تمام ...... بس فيه ايه انا سمعتها خطئ ولا الطالب قراها صحيحه ..... الأيه هيه ( فأما من خفت موازينه فأمه هاويه ) الولد الي قدامي من الجماعه ونا اعرفه واعرف اهله واحسب ان الولد قال فأمه ضاويه لأن اسم امه ضاويه وكان في بالي ان كل واحد اذا وصل الأيه يقول اسم امه يوم وصلت الأيه المذكور فاما من خفت موازينه فأمه ......... ونا اقول اسم امي ههههههههههههه قام المدرس جلدني لين ماعاد اشوف الدرب قال وش هالأسم قلت اسم امي قال وش دخلنا في اسم امك قلت سلطان قال اسم امه ضاويه .............. قام المدرس يضحك ويقول لي ممتاز ونادى واحد من المدرسين في الفصول الي جنبه وقال تعال اسمع عندنا طالب ممتاز عيد الأيه يامحمد ................ ونا امسط بالسوره كلها قامو يضحكون المهم تخرجت من الأبتدائي ونا يقولون لي ياولد فلانه المعلمين وطلاب <<<<<<<====== واصبح الماثل امامكم لايستطيع ان يدخل مع الطلاب في مهاترات لأن بيعطونه ضربه قاضيه امام الملء |
ياسلام يااسلام هذا مووضوع منتااااز ياااسنجااار
انا بعطيكم اخف المواااقف والبااقي يالله الستر هذا طول الله اعمااركم من هالسنين كنا ندرس في قريه طبعاا كل المجمووعه من البااديه ومجموعه بسيطه ولاش علم الوكاد المهم بدت الدراااسه وهم يجيبون لنا هكا المدرس المصري يدرسنا فالريااضياات عاد كلنا برح مواقف جانبيه مانفهم المهم فيه واحد من الشبااب اسمه محمد قدام والضااهر عندهم تلفزوون هكا الاياام وكنه يعرف هرج المصااريه شوووي ويتكلم مع المدرس اما حنا يلبااقين تقوول كراااوين شووويطه ولا نقوول ولا حرف اما هذا يهرج معه ومتعربن ولا عليه ومسووي فااهم وهو برحه حولنا يوم جا الليوم الثااني قال ابا اعطيكم واجب وعطانا الواجب يوم جا من بكره جبنا الواجب الا واحد من الشباااب ماجااابه ملاحظه ( تراه طعس الله ربي وربه) المهم قال له المدرس ( ماجبتش الواجب ليه يالا) قال يا ستااد ( ازريت فيه) وبلش المصري ماايدري وش يقووول ولا فهم عليه - وهو يرووح ينشد محمد اللي قدام مسووي فاهم علانا قاله ( هو بيووول ايه يامحمد) قال ياستااد يقوول ( ماايحرز يحل الواجب) اخخخخخ هذا اللي يقاله فهم والى يوومك وحنا نسميه ( مايحرز) وفي النهاايه بلش بنا المصري ونجحنا نظرااا للأختلاف اللا نمطي في الغه وسلامتكم واللي ما يحرز يضحك لا يضحك اخخخ |
ايييييييييييييييييييييييييييييييييه ياحزم الضامي
ذكرتونا باللي مضى اجل صلوا على النبي (عليه الصلاة والسلام ) ما تقولون وانا في الثانويه وذيك الايام ما بعد عرفت مبارك ال خليفه على عرفكم له اللي له مده ما شفته في المرقاب . على العموم كنت اعرف ولد عمه عبدالعزيز بن ناصر ال خليفه الله يذكره بالخير هو اللي فلح فينا الرجال صار مهندس ومدير اداره وانا ومبارك عادنا انتدحرب في الجامعه .. الله الله.. المهم الرجال شافني احب القصيد ذيك الايام ومبارك يحب القصيد بعد قال انتم كلكم تحبون القصيد والشعر وللا تعارفون خلني اعرفكم على بعض قلت توكل على الله ومبارك ما بعد شفته وتوه جاي من مدرسه ثانيه ويوم قد حنا رايحين نشوف مبارك ونتعرف عليه ودخلنا الصف اللي هو فيه لا ذا ابوعبدالله خانقٍ له واحد في زاويه مزنطٍ له مع حلقه وقلت وين ولدعمك ذا قال عانه ذاك اللي خانقٍ الرجال قلت : ذا ذا ... قال : ايه .... قلت : اسمحلي ما ابي اتعرف عليه وطلعت <--- قلت هذا اول يوم له في المدرسه خانقٍ له واحد اجل في الامتحانات بيصلب المدير الله الله وهذا والمواقف تحت العماره قصدي المواقف جايه |
اقتباس:
حياك الله يامشعان وحضورك يشرفنا ياسنايدي في انتظارك |
اقتباس:
كني اعاين فيك ياياسر تقول ماهوب انا يا ساتااااااااااااذ ويدينك مليانه تلاوين شمعيه وعاصب عمامتك على راسك |
اقتباس:
هلا يامحمد تصدق الله لايلومهم ................. الله من الغثا الي يخشون اول متوسط .......... توه ماطلع من جو سادسه .... واحس انك كنت عايش جو سادسه .............. لاوالظاهر جايب فسحتك من البيت واذا رجعت البيت ترد الكيس حق الفسحه |
اقتباس:
عيد هلا والله فيك احس انك الأن في شركة ارامكو .............. مدام ان اولها كذا |
اقتباس:
حياك الله يافالح وفي انتظارك لاتبطي |
اقتباس:
انحشتي من المدرسه ياكبرها ياعبرها ................... هالحين حنا ازرانا في العيال الي يفركون من المدارس ............. مدام انك فركتي في الأبتدائيه اجل في الثانويه شكلك كنتي لابسه غتره والكتب في السجاده |
اقتباس:
عبدالرحمن البراق حياك الله يالبناخي في انتظارك |
اقتباس:
عبدالعزيز ............ يكفيني وجود اسمك لاهنت |
اقتباس:
ننتظرك ياخالد الغازي |
اقتباس:
هههههههههههههههههههههههههههههههههههههه يعني جاي بيطخه كسر مخه ههههههههههههههههههههههههههههه |
| جميع الأوقات بتوقيت GMT +3. الساعة الآن 11:54 AM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية