يرقى سنود ..!!
 

[poem=font="Simplified Arabic,6,black,normal,normal" bkcolor="white" bkimage="" border="double,4,blue" type=2 line=0 align=center use=ex num="0,black"]
عادي / رخا الوقت ان ذكرني نساني ! = لجل الرخا وقته كثير الفوايد
لا , مانسيت اللي سكن في كياني = لا , مانسيته بالرخا والشدايد
أكابر / ولا , ماستكين واعاني = من هالكثير اللي أقلّه تزايد
لو في ملامح حزني / ضحك واغاني = من شان ما أضيّق صدور الطرايد
وانا الكبير وصدق سابق زماني = ماهو في قول هياط ولابه أزايد
ماهو غرور إن قلت انا لي معاني = ترفع مقام حروف شعر الفرايد
إن جيت أدوزن للمشاعر دعاني = منها سمين المعنى , فكر العمايد
لو هو بسيط أنا أجعله شيْ ثاني = من فكري أسبك للمشاعر قلايد
ماني أناني لكن الحرف أناني = كن في حياتي له حقوق وعوايد
من هاجسٍ في لاتقلّب شواني = وشلون لا دلْ اللي مَحْمِي وكايد !
يرقى سنود ليا كتبته أماني = للعليا وإن هي من رقت لي سنايد
لو بأعطي وجه لكل هاجس ثواني = كان اندفن مابين وزن وقصايد
ياما تجاهلت لْهجوسٍ بلاني = وياما تطاير من هجوسي جدايد
وان مارقيت بذائقة من قراني = غير اعتذر عن مامضى ثم أحايد
عادي / رخا الوقت ان زهمته عصاني = عابر / مشى مابين درب النوايد !
وان ماذكرت اللي ورد لي سقاني = لا .. ما عرفت ان الرخا للشدايد [/poem]

صح لساانك ياسالم



قصيده جميله



لك مني فائق الاحترام والتقدير


تحياتي

صح لسانك ولا هنت

سالم الجهني

ياسلاااااااام عليك

صح لسانك

تقديري

الله الله الله


سلمت يا سالم وصح لسانك وانا اخوك ،


..