نوال السعداوي !
السلام عليكم ،
قرأت قبل قليل خبر عن الضجّه القائمة حول كتاب جديد للكاتبه المصرية نوال السعداوي لمن لايعرف هذه الكاتبه .. في كل عام تظهر بضجه جديده تارة تحاول تحريف القرآن الكريم وتاره تتطاول على القيم الإسلاميه الثابته .. الكتاب الجديد لهذه العجوز المبدعه يحمل عنوان (( الله يقدّم إستقالته !!! )) مقدمه لتعبير متواضع :- يا مدوّر لي على الساحه مجـال .............. علّـم الساحـه تصـكّ أبوابهـا خذ جـوابٍ مـا ورا ردّه سـوال .............. والله أني مغتني عـن مـا بهـا من يقول أن القصايد راس مـال .............. شاب راسه كلّ مـا غنّـا بهـا مير يا ذا السطوه ويا ذا الجـلال .............. رحمتك يا سعد من يحضى بهـا الذنوب من الجنوب إليا الشمـال .............. كم تشنّ .. وكم تسـنّ حرابهـا والخلايق ذي لحـال وذي لحـال .............. فرقهـا عـن بعضهـا بألبابهـا العقول مقسّمه فـي كـلّ حـال .............. والنفـوس بسترهـا وحجابهـا والحساسيّـه تزيـد الإنفـعـال .............. والضمايـر دايــر ٍ دولابـهـا خاطري دايم سريـع الإشتعـال .............. يلتهـب والنـار مـن شبابهـا يا زمـان العولمـه والإنحـلال .............. المصايب منك وش نبغـا بهـا ؟ أمة الإسـلام تمشـي بإعتـدال .............. قبـل ترميهـا بسهـم ٍ صابهـا حبلها مفلوت فـي تـال الليـال .............. لين راحت من يعقـل ركابهـا ! يا معديّ فـالمراقيـب الطـوال .............. لو كشفت الوضع مـا ترقابهـا أضرب براسك حجر وأضرب مثال .............. يا عساها ضربة ٍ تصحـا بهـا بين راوي قصه وكاتـب مقـال .............. بحلـق عيونـك قبـل تقرابهـا حدّثوا وأستحدثوا كثـر الجـدال .............. لعنبو نـاس ٍ تحـوز إعجابهـا العرب والعذر من بـاب الخيـال .............. عوّدت تشـرك بـرب أربابهـا قافله ما هيب من حصن وجمال .............. تنقل الحملـه ظهـور كلابهـا ! سوّد الله سيـرة الهانـم نـوال .............. ملحده مـن راسهـا لأكعابهـا من قلمها تذرف السـم الـزلال .............. ليـن يجمـد سمّهـا بكتابـهـا عقب ما شابت على درب الظلال .............. الهدايـه مـا سعـت لأسبابهـا قالت الله من على العرش أستقال .............. لعنـة الله فوقهـا وأولا بـهـا كل بادي عام تظهر مـن خـلال .............. ضجة ٍ لو ما تحسـب حسابهـا لا تـزال أم الكبايـر لا تــزال .............. تنفض الشوشه ويضحـك نابهـا جعل مالـك لا بنـات ولا عيـال .............. السلايل منـك وش يهقـى بهـا يا عجـوز أبليـس لله الكمـال .............. بلوتـك ملعـون مـن يبلابهـا الفواسق سبع وثامنهـن نـوال .............. مير جعل الموت يطـرق بابهـا وسلمتوا ،، |
1
حجز فاخر :) |
الله الله الله الله
صح الله لسانك يا دكتور وسلمت وهذي الي اسمها نوال الله يرد كيدها في نحرها لا عدمناك |
اقتباس:
الله الله عليك وبيض الله وجهك يادكتور سريع الاشتعال تكلمت بما يجول في صدورنا لك مني كل الشكر كن بخير |
جعل مالك لا بنات ولا عيال
السلايل منك وش يهقى بها يا عجوز أبليس لله الكمال بلوتك ملعون من يبلابها الفواسق سبع وثامنهن نوال مير جعل الموت يطرق بابها اللهم آمين شاعر الحدث قلت وأبدعت وعبرت عن كل مسلم غيور لله درك وصح لسانك والمسماه نوال السعداوي من اللذين يمهلهم الله ولا يهملهم غيمار |
الله الله الله الله
سدااااااااااااااااااااااااااااح عسى الشر مايسدحك اي والله مدري وش اقول ياسداح=الا اني اقول ماشاء الله صح لسااااااااانك لين تقول بس وثامنة الفواسق الله حسيبها |
الدكتور / سداح
صح لسانك مدد على هالدره وعلى هالغيره على الدين وعساها في موازين اعمالك واما عجوز ابليس فعساها لما دعيت به عليها (( اللهم آمين )) سلامي عليكـ واحترامي لك .. |
كبير يادكتوووور
|
خاطري دايم سريع الإشتعال
يلتهب والنار من شبابها من شبابها الله يلعنها وينتقم منها عاجلاٍ غير آجل اللهم آمين صح لسانك يالدكتور مبدع لاهنت احتراااامي و ج د |
يا عجوز أبليس لله الكمال
بلوتك ملعون من يبلابها الفواسق سبع وثامنهن نوال مير جعل الموت يطرق بابها الله الله صح السانك وفكرك لاعدمناك التحيه والتقدير لك , |
الله اكبر
الله اكبر الله اكبر جعلك تبطيّ حيّ يادكتوور والله يلعنها ويلعن اللي مثلها |
جعلها ماتربح ..
ومنها لله وحده كفيل بعقابها .. وابداع منقطع النظير .. وليس بالغريب على دكتور الشعر .. صح لسانك مدد تقديري ونهلي .. |
يا سلام
ياسلام يا سلام الله يبيض وجهك دنيا وآخره ويسوّد وجه نوال السعداوي فوق الأرض وتحت الأرض ويوم العرض ولاعدمتك ياسناايدي ، دائماً ترفع الرأس :) |
المطلع لحاله يا دكتور !
لله در الفكر والله ان الواحد ما عاد يدري وش يقول في بعض المواقف .. حتى لو ان صاحب الموقف ماهوب في حاجة القول ! ما نقول الا عليها من الله ما تستحق وكفى ! اخووك :) |
الدكتور سداح
صح لسانك لين ترضى ابيات تهز كل مسلم غيور على الدين الله يجعلها في موازين حسناتك تحيتي وتقديري واعجابي الدااااااااااااااااااااااائم |
صح لسانك
صح لسانك صح لسانك وعلى الضالين آمييين ،، ولله درك ياا سداااح .. ! ودمت بهذا الفكر والتألق . اخووووك ،، |
http://www.alimbaratur.com/All_Pages...f/Ta2_40_A.jpg
8 8 نوال السعداوي ( أمحق وجه ) الله يلعنها منين ما لقت وجهها ويحشرها مع كل فاسق جعلك سالم دايم يا سداح انت ومن مثلك صح الله لسانك ولا هنت |
الدكتور سداح صح الله لسانك والله يكفينا شر هالشرذمه من المثقفين العرب ! وعلى نوال السعداوي من الله ماتستحق .. |
شاعرنا القدير بشعره والكبير بقدره الاستاذ سداح
انت شاعر موقف ومروري على ابداعك للاستفاده تصرف السذج بما تشتهي ولا نقدر نقول الا يالله المستعان وضع خطير حسبنا الله عليها وعلى من رضا لها وتقبل تحياتي وتقديري اخوك حسين الدوسرى |
الدكتور
سدااااااااااااح هذا الكلام اللي ودنا انقوله فعلا عليها من الله ماتستحق لكن انت صح لساااااااااااانك وابداعك لله درك |
ياخي دكتوووور
جعلنا ما نشوف ذريتها .. يهب يا وجهها ..!! صح منطووقك وفكرك |
ماشاء الله تبارك الله ..
دمت لـ الشعر ولنا يا سداح .. شاعرية متدفقة وحضور في وقته / محلّه .. صح لساااانك ودمت كما تحب .. اعجابي وتحيّتي |
| جميع الأوقات بتوقيت GMT +3. الساعة الآن 02:10 PM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية