عشاني ( دب ) ..!
ابيات جديدة .. اتمنى لها القبول ..
[poem=font="Traditional Arabic,6,blue,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"] فـ ( الحب ) محدٍ يعتبر من خطاياه=يحب .. يتعب ، مير ما يترك الحب! لو يمسي بـ ( ونّه ) ، ويصبح على آه=ما تاب لو قالوا هل المعرفة: تب! وأنا مع إنّي واحدٍ من ضحاياه=اشوف فيه الدّا ، وادوّر به الطب!! أتى على قلبي من اقصى حناياه=يوم إمتلى ، فاضت معاليقه .. وصب.. على جسدي .. لين امتلت به زواياه=ما أنلام إذا إني صرت من سبّته ( دب ) !! آخذ منه فـ ( أوقات ) حزن ومعاناه=وفـ ( اوقات ) جو وحس توبٍّ على توبّ! انسى عيوبه ، وانغمس في مزاياه=وأشبّ له شمع المعاليق ، وأشتب! واقول له من لا حضر لك من أقصاه=ما عنده إحساسٍ ، ولا يمتلك قلب!![/poem] |
: : 1 حجز (( فاخر )) .. !! :) |
انسـى عيوبـه ، وانغمـس فـي مزايـاه
وأشبّ لـه شمـع المعاليـق ، وأشتـب! واقول له من لا حضر لـك مـن أقصـاه ما عنده إحسـاسٍ ، ولا يمتلـك قلـب!! يا سلااااام عليك صح لسانك × صح لسانك حضوور راااائع وقصيده مليئه بالاحساس والجمال لاهنت احتراااااامي و ج د |
محمد السبيعي
صح الله لسانك يالغالي قصيده رايعه لله درك عليها تقبل مروري ولاعدمتك |
أثر سمنتك ماهيب طبيعيه
teeth: صح اللسانك يالدب ولاهنت على المواهبيه ،،، :) |
صح لسانك
ولاهنت |
صصصصح لسانك يا السبيعي
على جسدي .. لين امتلـت بـه زوايـاه ما أنلام إذا إني صرت من سبّته ( دب ) !! اجل هذا عذر السمنة *_* |
ياسلام ياسلام
عذر يشفع :) صح لسانك يامبدع ولاهنت |
على جسدي .. لين امتلـت بـه زوايـاه
ما أنلام إذا إني صرت من سبّته ( دب ) !! (jar- الله واكبر عليك يا محمد ابيات لها جرس موسيقي محمد انت( دب بإبداعك) صح لسانك ولاهنت |
على جسدي .. لين امتلـت بـه زوايـاه
ما أنلام إذا إني صرت من سبّته ( دب ) !! آخذ منه فـ( أوقـات ) حـزن ومعانـاه وفـ( اوقات ) جو وحس توبٍّ على توبّ! انسـى عيوبـه ، وانغمـس فـي مزايـاه وأشبّ لـه شمـع المعاليـق ، وأشتـب! واقول له من لا حضر لـك مـن أقصـاه ما عنده إحسـاسٍ ، ولا يمتلـك قلـب!! ابو فليان . . انت ممتلئ بالابداع !! لذلك صرت (دب) :)..زادك الله من فضله اعجاااابي بلا حدود يامحمد يعلم الله صح لسانك مليون × مليون |
الله الله الله
اول شي من قال انك دب يا محمد .. (انت دبيبه ) -- > :( عز الله انها فاخره ايو الله صح لساانك ولا هنت ! .. . |
لله دربك يالسمي ،
فعلا قرأت شعر واطربتني ياخوي ! وانشالله بعد الكيتوني ، راح ( تجحد هالقصيده ) ;) صح لسانك |
[align=center]الله
يا جمالك وجمال شعرك :) عندي وجهة نظر / أن كل (دب) مرهف حس :) وأنت عذب وجميل صح لسانك أمتعتني بهذا النص أبداع من مبدع له وزنه بالشعر :) تحيتي وتقديري [/align] |
على جسدي .. لين امتلـت بـه زوايـاه
ما أنلام إذا إني صرت من سبّته ( دب ) !! آخذ منه فـ( أوقـات ) حـزن ومعانـاه وفـ( اوقات ) جو وحس توبٍّ على توبّ! انسـى عيوبـه ، وانغمـس فـي مزايـاه وأشبّ لـه شمـع المعاليـق ، وأشتـب! واقول له من لا حضر لـك مـن أقصـاه ما عنده إحسـاسٍ ، ولا يمتلـك قلـب!! ههههههههه ياسلام ياسلام ياسلام محمد الا مبدع وشاعر ودب في الاحاسيس صح الله لسانك ولافض فاك ياشيخ اعجابي ومحبتي |
هلا اخوي محمد
صح لسانك لاهنت قصيده معبره |
على جسدي .. لين امتلـت بـه زوايـاه
ما أنلام إذا إني صرت من سبّته ( دب ) المتعارف عليه الهوى ينحل الحال :) اما من بيتك ذا راح تغيّر النظرة والله يرزقنا بحبٍ يسمن teeth: صح لسانك حتى ترضى يامشرفنا الحلو مع أجمل تحية |
ودنا كلنا دببه لا صار هذا السبب
:) انسـى عيوبـه ، وانغمـس فـي مزايـاه وأشبّ لـه شمـع المعاليـق ، وأشتـب الله الله الشاعر العذب والجميل / محمد السبيعي صح لسانك مدد وسجل متابعتي المستمره لا عدمتك ، .. |
محمد السبيعي ., سبق وقلت لك انك من أجمل الشعراء الذين يكتبون بعذوبه مفرطه ., وهذا انت تبثت ذلك في كل نص ., دبّ وعذب , وش عاد تبي :) صح لسانك مدد واعجابي ومحبتي المزمنه ., سلامي عليكـ ., |
محمد السبيعي
الله الله الله صح لسانك لين ترضى يامحمد ابداع وامتاع وعذوبة تحيتي وتقديري واعجابي يامبدع |
ما أنلام إذا إني صرت من سبّته ( دب ) !!
ابد ماتنلام اذا هذا السبب بس نخبر اللي يحب ينحف وينسّل حاله teeth: صح لسانك على هالعذوبه يابو فليان سلامي + اعجابي + تقديري ... |
[align=center]الله يالدب
انسـى عيوبـه ، وانغمـس فـي مزايـاه وأشبّ لـه شمـع المعاليـق ، وأشتـب! وصف جميل واقول له من لا حضر لـك مـن أقصـاه ما عنده إحسـاسٍ ، ولا يمتلـك قلـب!! صدقت الحب احساس ومشاعر قصيده جميله ومعاني وجدانيه رائعه لك فائق الاحترام والتقدير تحياتي[/align] |
محمد السبيعي
يا سلام عليك وعلى عذوبة و سلاسة القصيده يا بو فليان صح لسانك وسلمت يمينك |
| جميع الأوقات بتوقيت GMT +3. الساعة الآن 09:19 AM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية