منتديات المرقاب الأدبية - محاورة رائعة بين القعياني وسلطان المسعري

[blink]فيحان القعياني [/blink]

ياسلام الله على أهل الوادي اللـي مانمـره00غير في وقت المصيف اليا بغينا أبها وهلها
صاحبي سلطان ماله في طوارف هيت جره00لو يمر العاصمه في ربع ساعـه مانزلهـا

[blink]سلطان المسعري [/blink]

مرحبا ترحيبة فيها المسرة والمضـرة00ياصحيبٍ ننقض بيوتـه ليامّنـه فتلهـا
كان يافيحان في تالـي ليالينـا تشّـره00دام جبت الكايدة من بدع راسك فاحتملها

[blink]فيحان القعياني [/blink]

البقا باالصاحب الي مانبي خيـره وشـره00مير لاينسى العلوم الي مع اصحابه عملها
يوم ضاق الكون باهل المرجله بحره وبره00قالوا أهل العرف ماشال الحمول إلا جملها

[blink]سلطان المسعري [/blink]

مانسينـا يالقعيانـي ولـو مثقـال ذرة00لاتنبّـش سالفتنـا الاولـة دور بدلهـا
لاتفر الدرب عرض وطول لنك لوتفره00منت لاقي غير بنتٍ عارفينٍ من فحلها

[blink]فيحان القعياني [/blink]

منكر المعروف ياوجه السعد جيبـه يطـره00لاتجاهلها تـرا العقـال مانرضـى جهلهـا
الحلاوه بعدهـا ياصحابنـا عشريـن مـره00مير بعض الناس مايعرف رضاها من زعلها

[blink]سلطان المسعري [/blink]

عقب ماجبنا الغنايم جيتنا جمـرك تكـره00طيع شوري يالقعياني وسقها في مهلهـا
كان جاك البرد ثوبك من لهيب البرد زره00وكان دورت العلوم الثانية تلقـى دبلهـا

[blink]فيحان القعياني [/blink]

جنب الاجرب ياالدواسر مشتهي طليه وجره00والله أني قد نصحتـه والنصيحـه ماقبلهـا
مير يبشر باالكوايا اللي على كبـده تحـره00ماتريح صاحبي سلطان منـي ليـن أكلهـا

[blink]سلطان المسعري [/blink]

يالربع فيحان يسمع عود مير العود غـره00جاب له جمرة عذاب وقال يافيحان شلهـا
وجا مصفي كل طبلونه يبي نجم المجـرة00مادرى انه لو يعض العشر يبطي ماوصلها