إن الفتى من قال : فعل عضودي
 

السلام عليكم ورحمة الله وبركاته :

هذه قصيدة للشاعر والأديب / عبدالله بن راجس الرجباني الدوسري , وهو في
الأصل من شعراء الفصحى الشباب ولكن له قصائد نبطية تكتب بماء الذهب .

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
أنا أحمد الله مسلـم(ن) وسعـودي=ومعرّب(ن) من ساس أبوي وجدّي
ماهي مشاكل لا مدحـت جـدودي=المشكلة لو قلت ما أحد(ن) قـدّي
طولـة ولـد عمّـي وزوده زودي=وأرفى خماله كـان هـو متـردّي
والعزّ والناموس تبغـى شهـودي=ما هي سواليف(ن) تجي واتعـدّي
إن ما استوت من فوق متن الجودي=وأمست مع جدي الشّمـال اتقـدّي
ولاّ كمـا نفـد(ن) تلوفـه نـودي=الصبح يشمـخ والضحـى ينهـدّي
الله يظلّـل شجـرة آل سـعـودي=الشجـرة اللـي ظلّهـا ممـتـدّي
لا عـادك الله يالليالـي السّـودي=يوم الجهـل وأسلوبـه المتعـدّي
اليوم في عيشة رخـا وامهـودي=في ظلّ سيف(ن) ما برد له حـدّي
يا نفحة الدّيـن الكريمـه عـودي=ويا لفحة الجهـل الكريهـه هـدّي
بعض العرب تفكيرههم محـدودي=في بالـه أنّـه بالعـرب متغـدّي
زين السوالف والجميـع اقعـودي=ويا شينهـا وان عـوّدت للجِـدّي
إنّ الفتى من قال : فعل اعضودي=ليس الفتى من قال : سوّى جَـدّي
والكامـل الله ربنـا المعـبـودي=وألاّ الخلايق بيـن جـزر ومـدّي
أدعي الولي في خلوتي واسجودي=ما أشكي على غير المهيمن سـدّي
يالله دخيلـك لا سكنـت لحـودي=ما غيرك أحد من العذاب ايعـدّي
سنّة محمـد والكتـاب احـدودي=وما خالف النهـج القويـم يـردّي
عهد مضى في مبرمات اعهـودي=مـا غيـر ربّـي والنبـيّ انبـدّي
وإن ميّلتْ دنياي عـن مقصـودي=ما مال عن سرج العقيـدة شـدّي [/poem]

الله الله الله

بيض الله وجهك يابو فهد على هالاختيار الرائع

وصح لسان الشاعر والاديب / عبدالله بن راجس الرجباني الدوسري

طولـة ولـد عمّـي وزوده زودي
وأرفى خماله كـان هـو متـردّي

انشهد انه صدق

سلامي عليك وعليه

...

وعليكم السلام ورحمة الله وبركاته
هلا اخوي فراج
الف شكر على هالاختيار الرائع
وصح لسان الشاعر عبدالله الدوسري

ياسلام


بيّض الله وجهك

وصح لسان عبدالله بن راجس


قصيده رائعه

صح لسان شاعرها

وسلمت يدين كاتبها

ياسلام

صح لسان الشاعر /عبدالله بن راجس الرجباني الدوسري

ولاهنت يابوفهد على النقل الرائع

عليكم السلام ورحمة الله وبركاته

مرحبا مليون يا بو فهد

ما تجلب الا الثمين والحق يقال


أدعي الولي في خلوتي واسجـودي
ما أشكي على غير المهيمن سـدّي

يالله دخيلـك لا سكنـت لـحـودي
ما غيرك أحد من العـذاب ايعـدّي

سنّـة محمـد والكتـاب احـدودي
وما خالف النهـج القويـم يـردّي

عهد مضى في مبرمـات اعهـودي
مـا غيـر ربّـي والنبـيّ انبـدّي

وإن ميّلتْ دنياي عـن مقصـودي
ما مال عن سرج العقيـدة شـدّي



عز الله العزيز انها تكتب بماء الذهب فعلا

صح لسان الشاعر عبدالله بن راجس الدوسري
وسلمت يمناك يا بوفهد ،


..