رمية بلا رامي !
أسعد الله أوقاتكم بكل خير
متواضعة للتواصل لا أكثر .. [poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] يابنت ياللي تجلسين أمامي = بطلبتس مطلوبٍ نزيه وسامي إن كان لبيتيه فأنا شاكر= وكانك رفضتي ما عليتس الزامي مقابلك منوة عيوني ، لكن = لاعاد أشوفتس جالسة قدامي مانيب عايف مير والله خايف = عقب الصيام أضيّع أجر صيامي وتقصر عن حبال النجاة يديني = وتزوغ عن درب الصواب أقدامي وأعيد تاريخ الغرام الحافل = بصدق تجريحي وكذب أوهامي وأكذب على نفسي وأصدق نفسي = وأهيم بتس واتبع سراب هيامي أرجوك حليها ، وحلي عني = قبل تحلحل من حلاتس عظامي مانيب ناقص هم ، همي يكفي = ولانيب طيّب جرح ، جرحي دامي أنا عجزت أغض طرفي عنَّتس = الله يغفر زلتي وآثامي جالس على الكرسي تقول محنّط = والناس من حولي تقول أصنامي حاضر ونفس الوقت ماني حاضر = كني ( سراب ) وكن عقلي ( ظامي ) ماهوب حوفي حوف سحر عيونتس = يالله عسى من لامني ينلامي آية حسن ، سبحان من صوّرها = بحسنها حطّمتي الأرقامي ولو صار لعيون البنات مزاين = أخذتي الأول بدون خصامي وإن ما حصل هذا ، فهذا يثبت = عدم نزاهة لجنة الحكَّامي ! يكفّي إني كل ما أناظرها = أشجّع أقدامي على الإقدامي وأقرر أهاجر وأعيش بدارتس = وأقضي بها اللي باقي من أيامي ويردني ( ديني ) وسلم جدودي = وحبي لدار ( السلم والإسلامي ) بالمختصر ما شفت مثل عيونك = طوي الكتاب وجفّت الأقلامي وجمالتس الباقي ما هو حيالله = تحتار قدمه ريشة الرسامي أنتي لو تزورين كذا دوله = ازدهرت سياحة بلدتس النامي سويتي دعاية بدون دعاية = وفي رواية ( رمية بلا رامي ) ( منتي بمن ياتي ولا يدرى به ) = على ما قال ابن فطيس اليامي لا بالله إلاَّ جيتي ، وخليتي = أحلى البنات تنكّس الأعلامي جمال ، أناقة ، ذوق ، حسٍ راقي = صوتٍ تقاسيمه كما الأنغامي مدري وش أبا أعد ويش أخلِّي = هبّت صباك ، وفاح مسك ختامي أشهد لك وهذي شهادة منِّي = وزودٍ عليها بصمةٍ لإبهامي ما أحلى ولا أجمل من جنيف إلا أنتي = ياللي تهب بعطرتس الأنسامي وتأثير سحرك فوق طاقة عزمي = حتّى لو إني حازم وعزّامي لذلك وبالرغم من ما قلته = ( لا عاد أشوفتس جالسة قدامي ) لنِّي عجزت أغض طرفي عنّتس = وهذا هو الحل الوحيد أمامي[/poem] وسلامتكم |
1
حجز صح السانك نايف تحيااااااااااتي |
سويتي دعاية بدون دعاية
وفي رواية ( رمية بلا رامي ) ( منتي بمن ياتي ولا يدرى به ) على ما قال ابن فطيس اليامي لا بالله إلاَّ جيتي ، وخليتي أحلى البنات تنكّس الأعلامي نايف المعلا ., صح لسانك صح لسانك صح لسانك ابداع وصياغة جزلة متابعتي دمت بخير |
الله الله
عليك يابو معلا غني عن التعريف وابداع بلاحدود ولك اسلويك الخاص وعزفك المنفرد 000 لله درك لله درك يا نابف تقبل تقدير وتحياتي ومتابعتي |
.
4 . |
حــاضر ونفس الوقت مــــــــاني حاضر
كني ( سراب ) وكن عقلي ( ظامي ) ماهوب حوفي حوف سحر عيـــــونتس يــالله عــسى مـن لامـــــني ينـــــــلامي ابو معلا مبدع مبدع مبدع .. ولك اسلوووب مميز صح لسانك صح لسانك صح لسانك سلامي وتحياتي .. |
اقتباس:
ابو معلا صح لسانك كثر ابداعك في نصك والله انك مبدع وكلمة مبدع قليله في حقك نور الشعبي بنصك وابداع قلمك صح لسانك مره اخرى ولاهنت |
صح لسانك يانايف ولاهنت
مبدع لله درك والله لايضرك تقبل تحياتي ومروري :) |
اررررررررررررررررررررحب يانايف معلا
حضورك لا يمكن يكون عادي باي حال من الأحوال وتواجد اسمك لو مع المتواجدين دعامه معنويه الى ابعد حد سجلنب احد ماسوري ابداعك المتجدد لاعدمنا طاريك المميز |
ياسلام يانايف !!
صح لساانك يابو معلا !! |
ابو معلا
شهادتي فيك مجروحه لكن يضل الابداع حبيس صفحاتك ايه العملاق صح لسانك ولاهنت تقديري ومودتي لك . |
مانيب عايف مير والله خايف = عقب الصيام أضيّع أجر صيامي
نايف قوة شعر وجزالة معنى صح لسانك : |
الله الله الله الله
صح لساااااااااااااااانك على هالدره ,, مبدع بدوون شك لشعرك نكهه اخرى !!!! محبتي واعجااابي |
قصيدة سهله وحلوه وجنيفيه :)
صح لسانك يابومعلا .. مبدع مبدع تحيتي لك ، |
-
- يكفّي إني كل ما أناظرها = أشجّع أقدامي على الإقدامي خطـــــــــــــــيــــــــــــــــــــــــــــــــ ر ومبدع :) يابن معلا بدون مجامله : ابياتك تطربني كثيرآ واهيجنها فالروحه والجيّه صح لسانك ولاهنت يا مبدع تقبل اصدق التحايا اخوك خالد |
صح لسانك يانايف ولاهنت ياغالي
تعجبني ويعجبني بدعك الراقي محبتي واحترامي ياغالي خوك |
يا سلاااااااااااام عليك يا نايف
لذيذة هالقصيدة وربي ... صح لسانك يا نايف .. |
علي الكذيبة
حجزك مؤكد ، وصح بدنك ألف شكر وألف تحية |
ابو معلا
شاعر مبدع ومتمكن صح لسانك تقديري |
الله الله الله
قصيده جميله وشاعر مبدع ماعليكم كلام صح لسانك ., |
نايف حضور مميز وقوي
وقصيده تفرض نفسها لما فيها من ابداااع صح لسانك ولا هنت على هذا الطرح الراقي |
الله الله
أبو معلا مبدع دائماً وأبداً :) صح لسانك ولاهنت |
| جميع الأوقات بتوقيت GMT +3. الساعة الآن 12:08 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية