وادي الجن
[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=sp num="0,black"]
ياراسم الصوره على هيئة أنسان=مالك صلاح ولاهدف من وراها لاموصلاً فكرة ولا علم مليان=مخطي ولا لك واحده من حداها يمكن تحصّل قولة : فلان فنّان=يرهي على الريشه وكفّه ولاها مع احترامي لك مافيك نقصان=مير الحقايق لاتزيّف علاها فتّح سموعك واقضب العلم يافلان=واخذ العلوم وعلّم اللي بغاها البارحه تجريبة سنين وازمان=خلاصة دروسًا طويلاً مداها ترهق بنات الفكر من كايناً كان=ولا لساناً عنوته من عناها حرّكت ساكن واحْترك وادي الجان=حرّك سكون الجن وأبلش معاها في وقت موحش والزمن ماله اخوان=وارضاً خلا .. وابيض عذر ياخلاها غدرى . وبرد . وعوشز عروق واغصان=وأمقومات الجن تفرح لأذاها في جمعها تبدي لك اشكال والوان=وان سنحة الفرصه تمارس دهاها بلدان تحت الارض وشعوب واوطان=وان طلّعوها .. ثقب الابره خذاها حمر القرون ومحجراً شطب الاعيان=واقدام تقصر عن سواعد يداها ممكن تشاهد فرسن الشاه بحصان!=وممكن شياه من الحوافر حذاها ولو ماتشاهد جرّة الخيل والضان=تعرف مداوير المجنّن خطاها متخولقه سبحانك الله سبحان=وشق الجيوب انكافها ومغزاها ماهم جيوش : الّا ميليشيات واركان=اصغر كتيبه كثر الارض ودباها يبدأ الظلام بمقدم الجيش بعمان=وادنى الجيوش بربع ساعه غشاها لا من عتاد ولا مدافيع هاوان=واقوى قوى العالم ماتردع قواها بصدور شفّافه . وعـزّل . وشهبان=لو تشبك يدينك وراها تراها اعوان زمره جات من زمرة اعوان=ماني ملاغيها ولا اعرف لغاها ماسمعو {ابن عبيد}وعلوم {برزان}={وابن شرار }وكل حكمه رواها ولا قالو الاحسان يجزى بالاحسان=تقطع وتاكل من لحمها عشاها وتعانق الحذّاف من عقب الاذان=من طبعها تزوي زوا من زواها وان صارت الارواح .. فالواحد اثنان=اصل السبب بين اليدين وحصاها ولاّ حرارة سيل من فم بركان=يفجر عيون من الحمـمْ ويغذاها تبني على النيران وتزيد نيران=وتجمع غذاويها . ويصفي صفاها غذو العرب للغرب .. لـنهاية ايران=تغسل دمي المسلمين بدماها للمسكنه ثوباً على جلد شيطان=واليا عكسناها تثور بخباها وان مالت الكفّه على كف ميزان=غزو الفكر زاد العروبه غباها على براد النهر تاريخ {لبنان}=يفرض على سود العمايم حماها حامي تواليها سلايل كحيلان=واربع {ريِشْها} ناشبه في لحاها من خلقتك تاكل على خمس لحيان=ماحاشك من المستديمات عاها لاعب ملوك انجلترا {فأم درمان}=وشف لعبت {الشطرنج} ويش امعناها اول دخول القصر مفتاح بيبان=قطعة حديده للبيوت وحجاها ماتوصل الفكره بكيبل وشريان=لا صار ما فالروس سرعة بداها وان كان مخّك طافحاً فول سودان=الارنبه تاكل عشاك بذكاها ودغدغ مشاعرنا عن {القدس} لاهان=لين الاذاني ينطفي مشتهاها خطط على التحرير {بعكّرْ ضبان}=وكيف {الثروب}تسيح للي قلاها ولو {المكون}تبيض فهضاب جولان=كم يوم تحت الارض يبقى نماها هي عشرة ايام وشهر من {حزيران}=ولّا اربعين من السنين وشقاها طبعاً مع {البرغوثي} الشيخ {مروان}=شغل ونفاذ ... وبيضةً في ثراها {نقطة لقا}+{بيضة صعو}+{هدنة هدان}=ولا حبوبًا مالها الاّ رحاها ياراية {الرومان}عزوك {رومان}=كلاً جلب روحه ودونك ثناها وانتي شعارك {ديك رومي وساقان}={خرقه لها في قلوب اهلها غلاها} دون الكيان وكسره يموت شجعان=حب الوطن سحر القلوب وصباها يذبح ويسداله من أعلامه اكفان=وصوره على شكل الصليب اقتناها وانا على شكل الصليب أدفع اثمان=وعيني تبى شوفه وغاية مناها ماهو على شان الكنيسه والأديان=لاشك فيه أمور نفسي تباها {أثر الصليب يصير عرقاة بدوان}=وسم وكوايا للجمال ودواها أما على الوركين ولا بالامتان=ولا الجلامد والطيور وبلاها يبحر بي الهاجس لحد التحنحان=وارجع على مجد العروبه واباها وان صارت الأمه على قلب ولسان=ماغير ثوب النصر ثوبا زهاها وان كانها هرجة بدو مثل ماكان=تلقى من الحكم الشيوعي غثاها ولا من {الاتراك} تعريج {علمان}=بأوراق بيض وختمها في قفاها فيها من الشفرات لاتين واسبان=تفكيكها يصعب على من قراها {وانا رجعت بذاكرة خمس شيبان}=بغيت أعدّي عام {عليا واخاها} هذي رسالة {ترك والترك} قشران={والقايد ابو حنيك} وصّى علاها فيها من التحريض عشرين ديوان=لين العرب قامت تضد اقصراها يعني مثل ماقال {ابوي ابو سلطان}={من ضلعها يابوك تقطع عصاها} وانا على وضع العرب حيل ندمان=تخنقني العبره على مبتداها دون السياسه حول {ياضلع ورقان}=لين اعتقد منك وورى منتهاها رجعه مع النفس العزيزه بالايمان=وفي نعمة النسيان قلب يتباها مع انها تلهيني احيان واحيان=ثم تحلا لي قلل الله حلاها يرميني الوادي على سبع وديان=عسا مساه الشين يفدى مساها وحرثة رماد .. ودفنت اطراف عيدان=من رملها ماعاد يضوي سناها حتى هبوب الريح ماتقضي الشان=لاماتت الجمره ماينفع هواها من حب موت الزرع يبقيه ضميان=ومن حب موت النار يطفي ضماها[/poem] |
111111111111111111111
حجز .. ولي عوده تليق بهذا الابداع .. |
فايز
صح لساااااااانك مليووون ,,, قصيده كايفه واسرار ومعاني مدفونه لاهنت على هالحضووور تحيااااااتي ومحبتي |
الله الله
يافايز ... حضور رائع وجميل .. اشهد بالله انك مبدع .. والله انك الحكي مايوفيك حقك لكن تدري مافيك حيله ؟؟ :) اخوووووووووووك .. |
[align=center]ارررررررحب يابن رشيد
لاهنت على المرور تحياتي[/align] |
[align=center]تركي لاهنت على المرور
ومتابعتك شرف والله تحياتي[/align] |
بصدور شفّافه . وعزّل . وشهبان
لو تشبك يدينك وراها تراها اعوان زمره جات من زمرة اعوان ماني ملاغيها ولا اعرف لغاها فايز .. الله ينصر دينك .. قصيدة لاترضى بالقراءة الواحده .. مليئه بكل شي اخذت لفّه كامله على الكرة الأرضيه والاحوال الدينيه والسياسيه وغيرها .. لله درك ودر فكرك .. متمكن وأعجبني كثيراً طريقة إستعراضك للأحداث بطرق رمزيه لايجيدها إلا من هم أمثالك من الشعراء .. صح لسانك وعلا شآنك .. تحيتي وإعجابي ، |
ممكن تشاهد فرسن الشاه بحصان!
وممكن شياه من الحوافر حذاها هههههههههههههههه هذي أظنها الدنجاره اللي يقولونها:) فايز الميموني طرقه طويله وكلها ترميز تحتاج كثيرا من الوقت والثقافه العالية لفك شفرتها مار صح لسانك مدد غيمار |
ماتوصل الفكره بكيبل وشريان
لا صار ما فالروس سرعة بداها ياسلام عليك قصيده دينيه سياسيه بها الكثير من الواقع المرير كتبت بلغه لا يجيدها إلا فايز الميموني صح لسانك × صح لسانك × صح لسانك ابدعت وامتعت لاهنت احتراااامي و ج د |
[align=center]ارررحب يابن
صالح والابداع والامتاع هو مرورك يالغالي وشرفتني يعلم الله تحياتي لك على الاطراء[/align] |
[align=center]هلا يانياف المقاطي
ولاهنت يالغالي على هذا المرور الكبير تحياتي لك[/align] |
[align=center]وجد
شكرا على مرورك العذب تحياتي وتقديري[/align] |
[align=center][align=center]الله الله
حتى هبوب الريح ماتقضي الشان لاماتت الجمره ماينفع هواها من حب موت الزرع يبقيه ضميان ومن حب موت النار يطفي ضماها صح لسانك ياليتها في المرقاب الشعبي قصيده رائعه ومعاني جزله عذبه لك فائق الاحترام والتقدير تحياتي[/align][/align] |
الله الله الله الله
ياسلام ياسلام يافايز ابدعت وامتعت عز الله |
هنا وجدت الشعر على أصوله
فايز الميوني صح السانك مدد بلا عدد شاعر غزير ماشاء الله عليك طرقت أبواب كثيره بتسلل عجيب وكتبت بلغة الكبار سجل متابعتي تحياتي |
الميموني فايز
صح لسانك ولاهنت شاعر مبحر ومبدع تحياتي ومتابعتي اخوك خالد |
[align=center]اررررررررررحب يالسميري
ولاهنت على المرور يالغالي وتحياتي لك يابعدي[/align] |
فايز
شاعر لا يختلف عليه شخصين لله درك صح لسانك مليار متابع لك يالغالي لك كل الود :) |
اقتباس:
اررررررحب ياعفاس وحضورك مميز لاعدمتك تحياتي[/align] |
اقتباس:
كبير ولاهنت على الاشاده والاطراء تحياتي لك يالغالي[/align] |
فايز الميموني .,
صح لسانك صح لسانك ابدعت ياغالي تقبل مروري |
صح لسانك يافايز ولاهنت
تغرف من بحر لله درك محبتي واحترمي ياغالي اخوك |
| جميع الأوقات بتوقيت GMT +3. الساعة الآن 12:29 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية