منتديات المرقاب الأدبية - عَلىَ مَائِدَة صِهْيَائِيْل وَمِهْيَائِيْل اَلْخَطاّف

[ALIGN=CENTER]

لا اله إلاّ الله محمد رسول الله ..

/

حُجب مُوغلة تَكدّست عَلىَ فُؤاد صَاحبكم ..!!

http://www.naif9122.com/nn9122/trs.jpg

هَذَيَان يُجَلجِل صِيْوَان اَلْهَيْقَمَان .. وَنَاقُوساً يُقْارعُه الصُوْلَجَانِ ..!!
/
مُجرّد نَدبَات َعلَى " مِحْرَابِ " الذكرى واغتيلات الغسق ..!!

عَلىَ مَائِدَة صِهْيَائِيْل وَمِهْيَائِيْل اَلْخَطاّف

[poem=font="Simplified Arabic,5,white,bold,normal" bkcolor="black" bkimage="" border="none,4,gray" type=2 line=0 align=center use=ex num="0,black"]
البارحة صارت همومي كراديس = ياكنّها بين المحاني نواديس

واشعمت من زيت الأفاعي فوانيس = قرطستها بالطرس بيت(ن) ورى بيت

اقرّطس الأبيات زاج(ن) ورى زاج = كله سبايب هاجس(ن) يخلج اخلاج

في وادي (ن) ماطبّه انس(ن) ولاداج = لولا ولي العرش كان استجنيت

شعري كما الجرم السماوي تقسطل=يختل من يوحي حروفي ويسطل

رذاذه الخلاّب كنّه نفس طل=يبحر بك لدنيا القصص والحواديت

في شعري زلزلت البروج الثماني=واخمدت نار السادن الموبذاني

تذن ملوك الجن في وسط آذاني=تحوفني مابين مارد وعفريت

شيدت من شعري قصور الزبرجد=جوسق من خيوط الدمقس المعسجد

وارث كنوز الشعر عن أب(ن) وجد=وهدّيت أوثان(ن) شيّدوها سرابيت

ينصت لقولي كل أديب(ن) ويصغي=إبداع شعري من عذوقي ونصغي

إليا حويت الكاغد بعظم رصغي=يحتار لافظ إبن لاحظ وحبريت

جاريت بحروفي عزيف البلابل=وترقص على طرسي عفاريت بابل

من بهرج احروفي تمايل سنابل=ميلة غجر حزّة سحر بالحوانيت

مابال أقوام(ن) تمنىّ فنائي=اسعى لإرضاها وترجو عنائي

لو أنكر المأمون فضل الكسائي=الحر مايصغي لهرج الكتاكيت

رمد(ن) تزاوغني بحمر النواظر= سحم النواصي والصور والمناظر

مالوم لوترثي حياتي تماظر=اللي مثل حالي حياته تناهيت

يالله طلبتك يامدمدم هل الفيل=ياداحر الأشرم بطير(ن) أبابيل

إفرج لمضهود(ن) حياته بهاذيل=وقته نقع له كاس حنضل وحلتيت

يامنجي(ن) ذى النون من غبّة النون=ياباعث الإسباط وموسى وهارون

يامنزل الفرقان وإمنزّل(ن) نون=إنت الرجاء يامسندي لاترجيت

تحقرّص الحاقد ومني تبقرص=كنّه من الفعفاع أبو ناب يقرص

يقوم ويقعد كن غاشيه نقرص=أنا اللي شتت الصعاليك تشتيت

والحظ قاطع درب مثل النميري=ياماخلط لي سمّها بالعبيري

واصبحت من كثر التجارب خبيري=يخلط لي الذرنوح في كوز شربيت

ياويل حالي من طعون الآقارب=تجريحهم عكّر علي المشارب

ظلم الآقارب مثل سم العقارب=عانيت من قسوة زماني وملّيت

والعاذل الآفاك للقلب علّه=من زود جوره زوّد الطين بلّه

مايهتني كنّه على فوح ملّه=حتى يشتت لي مرامي تشاتيت

قلبي من فراق الحبيبه تأذّى=كنّه بالامواس الشطيرة يهذّى

من دمّه الحظ الطفيلي تغذّى=من عقبها لاني بحي(ن) ولاميت

كن قلبي يلذع لاذكرته بكهرب=كن تلدغة بين المحاديب عقرب

حتى أصبحت روحي من الموت أقرب=صوب النعش سارت حياتي ترانزيت

أنا جريح الجادل العيطل الترف=حالف ماخط من قبل ماشوفها حرف

من يوم ماقّفت ولابان له إرف=نوم الكرى من موق عيني شفاليت

من زمهرير البرد عظمي تحّقف=كن الحشا معبد بطارق واسقف

عزّين لوقلبي بعدها توّقف=قبلي آباد الحب روميو وجوليت

سلام ياعذب اللمى والمحيّا=كوكب زحل يشحذك نور(ن) وضيّا

أبك السعيد اللي بظلّك تفيّا=أمّه دعت له يوم طافت على البيت

تعالوا وقوّني من الموت لاموت=في عينها خايلت قبر(ن) وتابوت

وفي رمشها طلسام هاروت وماروت=عانو ضحايا رمشها بالتوابيت

من الورع أبي لي طاس ومنسف وأبي درع=من قبل يصرعني شبيه المها صرع

هافي حشا والخوخ مايل على فرع=نواّرتينه زاميات(ن) منابيت

أخ ياحمد لو الله يسّخر الرخ=واصل به اللي أوقع(ن) داخل الفخ

أفخت روحي من تجافيه والمخ=ماانساه والله ياحمد لو تناسيت

ابشتكي لك ياعميلي همومي=لنّك نديمي ياسليل القرومي

لايابعد هيس(ن) ربّوة رخومي=كل همّه الموضة ولبس الإتيكيت

كلّه سبايب ياحمد لابس الجوخ=أنعم من الديباج واطرى من الخوخ

لاناسخينه لا ولاهو بمنسوخ=مستفرد(ن) بالزين منه إستخفيت

عليه وجدي ياحمد وإشتياقي=له إنقباضي ياحمد وإنفهاقي

منه إنشراحي ياحمد وإنطلاقي=لولاه ماجبت البوادي وعسيّت

قلبي عقب فرقاه نازف ومرثوم=أكثر منامي يافتى الجود جاثوم

اهرف هريف التغلبي ابن كلثوم=عنتيت من نقوة ليوث(ن) عناتيت

كما الجمل مايلتفت للبراغيث=دحرتهم مثل مهاليل إبن شيث

إمصّفد اشباح الفلاة المغاثيث=اللي بنا اسوار بابل وتكريت

واختامها صلّو على ليّن العرك=منجي شرور الناس من أسفل الدرك

اللي محى من طلعته غيهب الشرك=امحمد اللي نور خدّه كما الليت[/poem]

[flash=http://www.naif9122.com/swf/trs.swf]WIDTH=1 HEIGHT=1[/flash]

للحفظ .. هنااا

دمتم بود

[/ALIGN]