مدح الامير السديري من الشاعر سعد بن هتيل رحمهم الله
 

[align=center]السلام عليكم ورحمة الله وبركاته


انذهلت عند تصفحي للصفحات القديمه للمرقاب الشعبي بموضوع بإسم بدر بن سعد بن هتيل ومضمون الموضوع قصيده للشاعر .. سعد بن هتيل رحمه اللهّ
تحت هذا الرابط
http://www.mergab.com/montada/showthread.php?p=124550

مع العلم ان ابناء الشاعر سعد بن هتيل الدوسري 12 إبن ولا يوجد بينهم إسم بدر ولا ويوجد في آل هتيل من طويلهم إسم بدر لذا حبّيت انوّه لأنه في اكثر من منتدى ولا هوب في المرقاب وبس ..

واترككم مع قصيدة الشاعر سعد بن هتيل في الأمير محمد السديري .. رحمة الله عليهم [/align]

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]

بالله دنوا لي من الطرس يافهيـد=قرطاس يحصي من جوابي ثمينه
وهاتو قلم حبرٍ يصـوغ التماديـد=وحقٍ علي من كل هـرجٍ سمينـه
نوادرٍ ماهيب خطـوى الهرابيـد=من هيلشٍ يكفيـه مـدت قريـنه
جواب أحلى من حليب المحاشيـد=عطيف نوقٍ من حصينه بصينـه
هرجٍ على معناه ماهوب تصفيـد=يعرض وتثمينـه علـى فاهمينـه
تفصيـل بيطـارٍ بجـد وتجويـد=وعرفٍ يذب الشين ويطب زينـه
أدل من مشقاص حدب البواريـد=لاخصه الرامي على شوف عينـه
قلته ولاقصـدي يقولـون قصيـد=لاوالـذي كـل المـلا مرتجينـه
لاشك من بـالٍ وزا فيـه تنكيـد=وعبر يهج الصدر زينـه وشينـه
صدرٍ وزا به مثل طق الحداحيـد=كيرٍ هـل الصنعـات متحاودينـه
عزاه ليت الصبـر للبيـع ويفيـد=ويشرا لصدرٍ ضاق وافضا كنينـه
وقتٍ غدا واغـدا هلـه بالتقاليـد=ولاعـاد للطيـب نهـارٍ يبيـنـه
ياركب هيـا وانهجوبـي لبوزيـد=هيا ل ابـا الجـودات يامهتوينـه
واليا لفيتوا عنـد ملفـا الأجاويـد=الله علـى كثـر الملافـي يعينـه
مدوا سلامـي للسديـري تواديـد=بلبً من الخاطر برفـق وسكينـه
وقولوا سـلامٍ ياعشيـر الأواليـد=ياللي لحاجـات النشامـا رهينـه
يكرم لأجاويد .. ويـادا مقاريـد=ويجود بالحاضـر وياخـذ بدينـه
لايابعد خطوى الشيـوخ التقاليـد=اللـي ذهبهـم للفنـا خازنيـنـه
حفاظـة الدينـار شيالـة الكيـد=والعذر من دون العطا محتسينـه
قلته ولا انشد عن طوال العجاريد=اللـي كـلام الـزور متعودينـه
مداحة الخايب خمـام القواصيـد=تفً على ذيـك الوجيـه اللعينـه
ماذعذع الغربي على جندل البيـد=يومٍ وانا ماقلـت ابوزيـد وينـه
حر الحماد اللي بتوعٍ على الصيد=كم نادرٍ عشـاه مضـرب يمينـه
الأشقر اللي يفرج الصدر ويزيـد=هنيّ مـن شـدة سبوقـه يدينـه
الصارم الصافي نحاس الملابيـد=ماشافتـه عينـه عثابـه بحينـه
بدر الثلاث البيض وافي المعاديـد=هني عينه من صفـا لـه جبينـه
أبو خضير اللي لسفنـه عواميـد=يسعي معه من كل عينـه سفينـه
لاجيت خاطي بندر منـه يافهيـد=أسكن مع سكنه وربـك ضمينـه
في ساحته تلقى رجـال الموافيـد=الخيرين اللـي خطاهـم رزينـه
ينصون شيخ ٍ عندهم منـه تأكيـد=من كل شيخان العرب محتضينـه
حيثٍ ان لهم عنده حقوق ومراصيد=وياما فضا لعيونهم مـن خزينـه
لاعدو الشيخان من زيـد وعبيـد=من كـل قـومٍ شيخنـا عارفينـه
الشيخ ابو زيـدٍ ولابـه مناشيـد=والعلم منشورٍ علـى حاضرينـه
قولوا صحيح يالفهـود المجاليـد=والا خطا واصمت ولو هي غبينه
والله لـولا هرجـةٍ دون تحديـد=لا اقول ماجا في زمانـه حتينـه
هني من زاره مـن العيـد للعيـد=من قبل تالي الروح تقضي سنينه [/poem]


[align=center]وسلمتو [/align]

الله يعين


بس مادام انه نسبها لراعيها جزاه الله خير


وانت بيض الله وجهك على التنويه وعلى اتحافنا بهذه الدره


الله يرحمهم جميع


غيمار

عليكم السلام ورحمة الله وبركاته


الله يرحم اموات المسلمين ويعفو عنهم

وشكرا لك يابومناحي على هذا التوضيح المهم فعلا


سلمت يمناك ،

..

الله يرحم الشاعر الفحل سعد بن هتيل


ويرحم السديري


وشكراً على التنويه يابو مناحي

عليكم السلام ورحمة الله وبركاته

الله يرحم ابن هتيل ويرحم السديري

ومشكور يابو مناحي ايراد القصيده وعلى التنويه

تحياتي لك

الله يرحمهم .. ويرحم اموات المسلمين

زبدة كلامي مثل ماقال عفاس \ ( شكرا ً على التنويه يابومناحي )

رحم الله شاعرينا الكبيرين / السديري وابن هتيل

رغم مضي السنوات الطوال على رحيلهما إلا أنها لازالا متواجدين

بأشعارهما وذكرهما الطيب .

لاهنت ياأبومناحي على النقل , وتقبل وافر شكري واحترامي .

اسأل الله ان يرحمهم ويرحم اموات المسلمين



لاهنت على القصيده والتوضيح



احترامي

الله يرحمهم جميع


سلمت يابو مناحي


والله لا يهينك


احترامي وتقديري

يا مرحبا يا نايف المقاطي


ولا هنت على المرور

يا مرحبا يا دكتور سداح .. وآمين

لا هنت على المرور والتواجد

عفاس بن حرباش .. آمين و الله يجزاك خير

ولا هنت على المرور

ياسر العتيبي يا مرحبا يبو مروي . والعفو

جزاك الله خير ولا هنت على المرور

مشعان البراق يا مرحبا يابو محارب

والعفو .. لا هنت على المرور

عبدالله الرقيب يا مرحبا

جزاك الله خير ولا هنت على المرور

فيصل سعد يا مرحبا يابو سعد

العفو ولا هنت على المرور

فراج فهد مرحبا يا بو فهد وجزاك الله خير

العفو ولا هنت على المرور

خالد فهد يا مرحبا وتسلم على المرور


ولا انت

متعب فهد مرحبا يابو فهد ولا انت

ولا هنت على المرور

الله يبيض وجهك يالسمي على ما أوردت

والله يرحم سعد ابن هتيل الدوسري ..... كيف وهو الملقب سعد قدام

ومما قال الله يرحمه :

ماني بأميرً مير طيب جماعه % سيفً لربعي في المواجيب مسلول
أن قدموني لابتي ربع ساعه % قدمتهم قدام خمسة عشر حول

والسلام عليكم

ناصر الأحمري .. آمين و الله يجزاك خير

ولا هنت على المرو