طيب العرف يعرف والطباقه طباقه
 

[align=center]بسم الله الرحمن الرحيم


اترك لكم هذه المتواضعه تحكي عن مناسبتها[/align]


[poem=font="Simplified Arabic,6,black,bold,italic" bkcolor="white" bkimage="" border="outset,4,gray" type=2 line=0 align=center use=ex num="0,black"]
السلام عليكم واسمحولي دقيقه= لجل اشارك وابارك دام للشعر فاقه
بالنيابه نرحب والمشاعر رقيقه= تحتفي بالحضور بوسط حفل الرفاقه
من اهجوسٍ على جمع الاحبه شفيقه= ومن ضميرٍ مقامٍ يرفع الراس شاقه
كل ما طب حفله فك بالشعر ريقه= شرد الغيد عنده كنها درّ ناقه
المشاعر لها معكم علاقه وثيقه= حي صبح الوجيه وحيها من علاقه
يا بو فيصل انبادلك الشعور العميقه= بالتهاني نقدم لك من الورد باقه
لك انبارك عدد نبت الغصون الوريقه= عدة أوراق غصنٍ ميل الجذع ساقه
انت اخـونا ولا تخــفا عـليك الحـقيقـــه= من روابط صلة قرباء وعمق الصداقه
وأنت من بيت مجداً له جسورٍ عريقـه= صلب هاجد وماجد مجد جودك وأفاقه
والعلالي تلوذ ابها السباع المويقه= وكل حرٍ تميّز قيمته من عماقه
يا ولد صيرمياً محد يلحق لحيقه= عانق السحب ما دام المراجل اشفاقه
كم فتاً له طموحـه مير حظه يعـيقـه= للعلا والتخرج لحظة الانطلاقه
اشلع اللي لها فوق السحاب تحليقه= في التقدم وعصر الكبتنه والسواقه
وأنتقل لجل امهّد للطريق بطريقه= شرح موجز وتفصيل الكلام بسياقه
يجمع الورد من يجنى العسل من رحيقه= والعسل من ذبابه مير حلواٍ مذاقه
حكمة الله جعل فيه الشفاء للخليقه= مجمل الهرج يغني طيبه عن دقاقه
والمراجل لسمحين النواياء عشيقه= مثل ميدان خيلٍ من يفوز بسباقه
والسوابق روابح يالوجيه الطليقه= فاز فيها عكاشه حنظله مع سراقه
والبشـر كل منهم لـه مقـامٍ يلـيقـه= الوفي له وفـاه وللمنافـق نفـاقــه
يوم يزبد غثأ سيل الشعيب بمضيقه= في فضى الارض ينذر بالخطر واتساقه
حين يفرض خطاها واقعٍ من يطيقه= من تمسك بحبلٍ مثل عود اليراقه
قـدها من يبادر بالحـلول الـوفيقـه= من حكيمين الارياء فيه حلم ولباقه
مجدنا ما تهيا غصب والاّ سريقه= أخذينه بقوة صفنا واتفاقه
تجر الاحداث واللي يشعلون الحريقه= ما يسرون لو جاء في العلوم اصطفاقه
يشكي الوقت حسات الرفيق لرفيقه= ما يخـل المشـاكل والزعل والحماقه
والغريبه اذا كان ابن اعمه شقيقه= ما يجنب طريقه كود يمسك اخناقه
مع هل الطبل واللي يعزفون الموسيقه= للشياطين سمعاً يرغبون استراقه
مير شهب الرواصد للفواسق معيقه=تسمع الناسعن رصد الحدث باستباقه
كان قال المثل كلٍ يشجع فريقه= قيل من لا يودك سعد عينك افراقه
كلمةٍ بين نصح ومزحةٍ بتعليقه= طيب العرف يعرف والطباقه طباقه[/poem]


[align=center]وسلامتكم[/align]

حجز

1
1
1

الصــرح الشعري الشامخ,,وقمة الهرم,,,,علي بن ربح
رائـــعه وفي قمة المــدح والشكر والثــناء ,,والفخر بالنفس,,

رائــعه بروعة حضور ,,شاعرها..
ابــداعية ,, وجـــزله ...
,,,

صح منطوووقك وفكرك

علي السبيعي

مساء الشعر

صح لساانك


ولاهنت




جميله جمل الله حالك



اخوك

سالم اليامي

علي

الله الله الله

كفو بالمادح والممدوح

صح لسانك على هالدرره

تقديري

والنعم والله بالمادح والممدوح

علي بن ربح

قامه شعريه وهرم ابداع صح لسانك مدد وسلمت

صح لسانك يا علي


جزلة من جزل

لك كل القدير

الشاعر القدير / علي ربح السبيعي

صح لسانك ودام ابداعك

ونعم بالممدوح وبالمادح .. شاعر متعودبن منه الجزاله والابداع

سلمت وسلم فكرك

تواجد رائع بحجم اسمك ياعلي

صح لسانك مدد ولاهنت

محبتي وتابعتي

اخوك

في انتظارعودتك يالقرم
رائك يهمني

وانت سالم وغانم

وصح اللسان على هالقصيده الشامخه من شموخ شاعرها

ابن ربح

بيض الله وجهك

ابدعت

وانت اهلالذلك الابداع.

ابو هايف بوجودك يالقرم وتعليقك الوافي تكمل القصيده

صح بدنك

ارحب يابو ربح

صح لسانك مليون

ولاهنت طال عمرك

الاستاذ مشعان البراق
الذهب وجودك وما عليك زود
اسعدني مرورك وتقبل تحياتي

الله الله يا علي


وافيه وافيه



صح لسانك

ولاهنت

مسا النور وصح بدنك

ومشكور على التعليق الوافي

تحياتي

كفو بالمادح والممدوح

نص فاره وجميل


وذائقة شعرية فذه


لافض فوك


تقديري

والبشر كل منهـم لـه مقـامٍ يليقـه
الوفـي لـه وفـاه وللمنافـق نفاقـه


ما أطيب قولك وما أجزل شعرك

الشاعر القدير / علي بن ربح السبيعي


صح لسانك وشكرا لتواجدك اللي يشرفنا بحق ،

..

كان قال المثـل كـلٍ يشجـع فريقـه
قيل من لا يودك سعـد عينـك افراقـه


أشهد أنك شاعر متمكن وملم بمعنى الشعر الأصيل



اقبل سلامي واعجابي يالسبيعي

-




يجمع الورد من يجنى العسل من رحيقه
ــــــــــــــــ والعسل من ذبابه ميـر حلـواٍ مذاقـه


يا سلام على الابداع والتشبيه الرائع



حضور مبهر وشاعر حقيقي



يابو ربح صح لسانك وتقبل التحيه والاعجاب



اخوك
خالد