.. (( سيف إبن الولـيد )) ..
 

[align=center]
السلام عليكم ورحمة الله وبركاته
...
أحبتي في هذا الصرح الشامخ
إليكم مصافحتي الأولى
(( آمل أن تنال إعجابكم ))
...[/align]


[poem=font=",5,,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]



كيف كنا خير أمه أخرجت للعالمين = وكيف صرنا أمةً بين الأمم متشرذمه

لامتى ذل وخنوع ولا متى مستضعفين = ولا متى قبضة عدو الدين قبضه محكمه

وين اعدو ماستطعتم من رباط الخيل وين = وين سيف ابن الوليد ووين صولة عكرمه

أتساء ل واجرع الحيره وغصًات الأنين = وتاخذ الحيره مداها والأنين وعلقمه

ماتكلفت الكلام ولا تصنٍّعت الحنين = ولا اتعنّى للمدايح لاجل شيً أغنمه

ياخذ عنان السجيّه منطق الحق المبين = في ميادين السريره مالقا مايلطمه

شاعرً حسّه مناضل ويتجدد كل حين = والوقايع والحوادث في زمانه تلهمه

معول افكاره حديد ويفتح الحرز المكين = تخضع الأنفال في فيّة عصاه وخاتمه

غيرته مصدر سموّه في سماء المبدعين = باقيه مادام باقي بين دمه ولحمه

ثار صدري والتهب من جذوة الغبن الدفين = أتفجر لو احاول في ضلوعي أكتمه

أفتقد كرامة امه وارفض الوضع المهين = لو تقنعني قناعاتي بطيب الخاتمه

تاهت الأقلام في صحرا رهين المحبسين = يستلم فيها التعازي غير في نبض قلمه

جاوبوني عن سؤالي ياكرام السامعين = واقنعوني بالسعاده في أتون المظلمه

من فلسطين الجريح اليا بلاد الرافدين = صفحةً سودا من التاريخ حقبه مظلمه

تحكي الأجيال عنها في مقابيل السنين = من يعاصرها يشوف بأم عينه مأتمه

بعد مايسقط قناع الزيف للوجه المشين = ويدري اللي مادرا بابو جهل ومسيلمه

عاثت جيوش ا لنصارى واليهود الغاصبين = المحارم مستباحه والرموز محطمه

أستمدو نصرهم من ضعفنا والمرجفين = والجهل زاد اندفاعه والتشتت يدعمه

تعبت اّ هات الثكالا والشيوخ العاجزين = تطرق ابواب الضماير وا لضماير مبهمه

وذابت اّما ل الأرامل واليتاما صارخين = للحمايا وا لحمايا بالتخاذل مفعمه

بالرسول المصطفى وبديننا مستهزئين = ويكأن الله لا يهد القلوب المجرمه

لو كفاه الله علينا نصرته يامسلمين = فرق بين المسلمين ومدّ عين الأسلمه

أستخفونا وصرنا في نظرهم صاغرين = في أجندتنا لقو روح ا لتناصر معدمه

حالنا حال الكظيم اللي يتوارى لايبين = حالته حاله وهمه كيف يقدر يكظمه

هل بنمسك عارنا بالهون نبقى مرغمين = أم ندسه فالتراب وباليدين ندمدمه

نقحم فروض الكفايه في مكانة فرض عين = ونكتفي عن صرخة الواجب ببعض التمتمه

نطرد الدنيا وزخرفها عجالا مسرعين = كل واح شاطحه عينه وثوبه في فمه

هالنا برق الحضاره وانجذبنا مذعنين = قادنا سلك الحرير وروسنا والمخطمه

من فراغًً يحتوينا فالعقائد ممحلين = واغترفنا واغتسلنا من غثاء العولمه

من يشوف اشكالنا نبدو نسر الناظرين = فاقعَ لون الرفاهيه علينا بلسمه

ومن تفقّدنا لقانا للتساقط اّ يلين = والجسد بعضه يساهم في نهاية معظمه

فاتنا ركب التقدم للأسف متأخرين = مستوانا في تدني والأمم متقدمه

ولا رجعنا للأصول تشوفنا متذبذبين = لامسكنا مايفيد ولا نكب الخمخمه

في غياهيب التجادل والتخاصم قابعين = رأينا أنكاث رفلا مالقا من يبرمه

في تنازعنا مدارس في علوم الفاشلين= كل منا خصم قومه والفشق في محزمه

كل حزب ابما لديهم في نظرهم فايزين= رابحين وغيرهم مايستحق الأوسمه

كل واحد دون نفسه بس في حاله فطين = لاتواصي بالحقوق ولا وصايا مرحمه

صف في صف الصلاه وماسوا متخالفين = كل واحد عن رفيقه معتزل في عالمه

قاسيات قلوبنا ماتستحس ولا تلين = مايخالجنا شعورً سيل دموع اصحمه

مانفكر فالعواقب فالملذه فارهين = وايم الله لنتحاسب عن نعيمه وانعمه

الثوابت تحتضر فيها سمات الميتين = والمبادي في لحدها والأنانيه سمه

والمحاسن في تاّكل من يسار ومن يمين = والتاّخي في ترهل والنوايا معتمه

هل أمنا أن تولينا حسيب الظالمين = أم أمنا في تقلبنا لهيب المشئمه

مالنا عن وعد ربي في كتابه معرضين = مالنا لانرتجي لله وقار نقدمه

أنتشبث في بقايا مجد ضاع امن اليدين = نستدره نستطبه للجروح المؤلمه

سطروه اهل العزوم الراسخات الاولين = ورثونا مجد شامخ الله اكبر مااعظمه

بالنفوس اللي ملاها النور وشموس اليقين = والحديد اللي يطوع كل نفسً اّ ثمه

باعو الدنيا وعاشو في طلبها زاهدين = خصّهم ربي بتوفيقه وجوده وكرمه

في نهار السلم ديدنهم أئمه عابدين = وان تنادو ترعب الطاغي أسود الملحمه

ماأعمم وادري التعميم طبع الجاهلين = ما رلي نظره واترجمها واجيد الترجمه

ثلةً من أولين ومالحق من أخرين = وما بقى ماّلهم سبحان منهو يعلمه

ولاأبري نفسي اللي مايخليها اللعين = لو احاول كل حين بذكر ربي أرجمه

أن أنا الا تحت رحمة رحيم الراحمين = ويا سعادة من تجاوز عن ذنوبه ورحمه

أمة الأسلام هيا وافطنو ياغافلين = الحياه ايام للأنسان ماهي دايمه

زينوها بالتلاحم والتناصح من أمين = نعتصم بالله وحبله والمعادي نهزمه

أن تضامنا وعدنا تائبين واّيبين = هكذا نوجد سوا مفهوم أمه مسلمه



[/poem]

الله المستعان يا تركي


هموم واوضاع خاربه الله يصلح الامور



صح لسانك يا تركي


ولاهت

صح لسانك يا تركي


ولاهنت

من يعاصرها يشوف بـأم عينـه مأتمـه


ماشاء الله عليك ياتركي .


شعر وفكر واعي .. اجدت التعبير شعرا



صح لسانك 56 مرة << على عدد ابياتك :)



لله درك ..



وووو




ياهلابك ..

اخي الشامخ المبدع تركي


ماذا عساي اقول بعد ما قرأت ما قرأت ..


ليس لي إلا ان اقول ..

ايّاك ان يجف هذا القلم ..


الف صح لسانك


صقر

الأخ الشاعر الفذ /
تركي علي القثامي

عليكم السلام ورحمة الله وبركاته
مرحبا بك في مرقابك
وحياك الله بين أخوانك


قصيدة شامخه ولا يجيد نسجها بهذا الإتقان إلاّ الشاعر المتمكن والمبدع الحقيقي
لله درك .. ثم لله درك
وزادك الله من فضلك

أدون هنا صادق الاعجاب
وصح لسانك عن كل حرف يا مبدع ،،


..

صح السانكـ يا تركي

شعور نبيل ونص نبيل

الله لا يضركـ

صح بدنك ياسمي
ونؤمن على دعائك
جزاك الله خير
تقبل تحياتي

أن تضامنـا وعدنـا تائبيـن واّيبـيـن
هكذا نوجد سـوا مفهـوم أمـه مسلمـه

لله درك يا تركي

صح لساااانك وقرأت قصيده من أقوى الملاحم الشعريه التي تدعي للنهوض بالنفس البشريه المسلمه ,,,,

صح لساااانك مرة أخري وتقبل مروري المتواضع ,,,

خالص مودتي ,,,

تركي اقثامي

صح الله لساانك مليون


ولاهنت


ابيض وجه


اخوك


سالم اليامي

عاثت جيوش ا لنصارى واليهود الغاصبين
المحـارم مستباحـه والرمـوز محطمـه
أستمدو نصرهم من ضعفنـا والمرجفيـن
والجهل زاد اندفاعـه والتشتـت يدعمـه

تركي ياهلا ويامرحبا بك

وصح لسانك على هالدره الابداااع اللي يبشر بشاعر فذ

سلمت وسلم فكركـ

تحياتي لك

-

يا هلابك ومرحبا يا تركي بين اخوانك



حالنا حال الكظيم اللـي يتـوارى لايبيـن
ـــــــــــــــــ حالته حاله وهمـه كيـف يقـدر يكظمـه



للأسف هذا حالنا



صح لسانك يا تركي


حضور اول مبهر


صح لسانك ولاهنت



اصدق التحايا


اخوك

خالد

هل أمنـا أن تولينـا حسيـب الظالميـن
أم أمنـا فـي تقلبنـا لهيـب المشئـمـه
مالنا عن وعد ربي في كتابـه معرضيـن
مالنـا لانرتـجـي لله وقــار نقـدمـه



الله الله


صح لسانك وبيض الله وجهك

صح بدنك
وشكراً للمرور الكريم

بنت وايل
صحت الابدان
شكراً للأطراء
تحياتي

صح لسانك يا تركي


مبدع لاهنت

هلا ..وغلا ياتركي :)

وبيض الله وجهك على هذا الشعر ..والشعووور .

لاتحرمنا إبداعك ..وتواجدك بهذا الجمال من الشعر ..

محبتي ..

تركي القثامي


صح لسانك ولاهنت يالقرم

قصيدة معبرة ومعنى جزل

تحياتي لك

صح بدنك يصقر
وابشر بعزك
شكراً على مرورك