العام لوصديت لحظه علي واق..واليوم أعيَد كان مرسال جاني
 

السلام عليكم ورحمة الله وبركاته

مسيتوا بالخير جميع :


[poem=font="Simplified Arabic,5,black,normal,italic" bkcolor="transparent" bkimage="" border="none,4,gray" type=1 line=0 align=center use=ex num="0,black"]
بعض الليال تضيَق الكون بأحداق = وتعيَف اللي لافيته المكاني
تمسي العرب والا الهواوي للشراق = مابين هوجاس ٍ وجزل المعاني
البارحه ياسيف والنوم ماراق = أخيل برق ٍ من جنوب وشعاني
خلته على دار ٍ ربطني بها وثاق = من يوم ناظرته وبي حال ثاني
دار ٍ غلاها دافنه وسط الأعماق = متغلغل ٍ وسط العروق يحداني
مالوم خفَاقي الى صوبها تاق = ثم تل شريانه وفج المحاني
عزم على دار ٍ بها المهر مشتاق = يبتر مسافات ٍ طويلات عاني
لعيون منهو غير زوله فلا لاق = على النقى حبه توسَط كياني
العام لو صديت لحظه علي واق = واليوم أعيَد كان مرسال جاني
قطع المواصل يشبهه قطعة الساق = بين السهر وهموم بقعا رماني
بيني وبين العين عهد ٍ وميثاق = ان طول غيابي تطول الثواني
ابعدني ظروف وتزايد بي احراق = خلتني اذكر من غرامه بلاني
اخذت اراجع بالدفاتر والاوراق = اتذكر عهود ٍ عليها ظماني
اراجع الذكرى ولي قلب ماطاق = بعد الولايف يالسنافي كواني
بين الحنايا طير ماسرَه إطلاق = طير ٍ بلا جنحان عظمه لياني
ياطير ياللي للبعيدات عشاق = بحملك ياطير نقل البياني
تعال خذ مني قصيده على آق = قبل الشروق ونور شمسه يباني
انصى ديار اللي هنا وسط معلاق = الصاحب اللي قبل عام ٍ سباني
ياجعل يسقي قاعه المزن ترياق = وعقب المحال يشوف نبت ٍ زياني
يسقيه همال ٍ من الغيث دفاق = تعاقب مزونه ثلاث وثماني
أحدى عشر ليل ٍ مطرها ليا راق = سالت شعاب ٍ ممحله من زماني
يروي ديار غزيل ٍ عذب الأرياق = عقب الشهاب يناظر القحوياني
ويشرح خفوقه منظر القاع لاضاق = وتربع ديار ٍ بها مودماني
ينساب له شعري بعد ماني انساق = صوبه مدام ان الغلا احتواني
كنه ليامن صد سكَر بمغلاق = على الوناسه لين يرجع وزاني
وكانه على ظرف ٍ ؟ ترى الشوق لحَاق = يعنى لعينه لو تشح المواني
ويقول له : صاحبك مشفق لك شفاق = ياعود موز ٍ يقهر الخيزراني
لك صاحب ٍ لاناظرك ضيَع نطاق = خارج مرج عن تغطيته ودعاني
ياعين قرناس ٍ مع جيد سرَاق = يامهرة ٍ فيها الشعر ماعصاني
إليا اقبلت ماعايق ٍ عنَها عاق = لعيونها درب الصعيبه هواني
جل الدعاوي من غلاها غدى دقاق = للي مع دمي غلاها رواني
اللي توسط خافقي حبه وفاق = حبي لغيره لو يزيد امتحاني
ويابرق ياللي عقبك النوم ماراق = ياجعل وبلك فوق داره يباني[/poem]
وسلامة الجميع من كل شر
ناصر الشهواني

الله الله يالشهواني

صح لساااانك

مدد بلا عدد ....

تقبل مروري المتواضع ,,,


خالص مودتي ,,,

ينساب له شعري بعـد مانـي انسـاق
صوبـه مـدام ان الغـلا احتـوانـي
كنـه ليامـن صـد سكَـر بمـغـلاق
على الوناسـه ليـن يرجـع وزانـي


صح السانك يا ناصر

ارررررررحب ياعبد الرحمن


صح بدنك لاعدمت الحضور وراعيه


لاهنت على الحضور المشرق


تحية اخوك

صح لسانك

ولاهنت

عليكم السلام ورحمة الله وبركاته



لعيون منهـو غيـر زولـه فـلا لاق
علـى النقـى حبـه توسَـط كيانـي

الله يسعد مساك ويصح لسانك ،،



...

الهاجري

بيض الله وجهك قصيده جزله وهي من عاداتك الجزاله

صح لسانك ولاهنت يالقرم

تقبل تحياتي

...
.
.
.



عزالله إني قريت قصيد ../ صح لسانك ولاهنت .



.
.
.
...

اررررررررررحب يا مسفر


صح بدنك طال عمرك على طاعة ربي

تحية اخوك

اررررحب يا السميري


شاكر لك مرورك الغالي على متصفح اخوك

وصح بدنك لاعدمنا وجودك سالم

تحية اخوك

ناصر الهاجري

عزالله انك كتبت واطربت وابدعت

صح لسانك وسلمت يمينك

ناصر


لاهنت وصح لسانك يالقرم

تحيات اخوك

اررررررحب يا ضيف

ولاانت

صح بدنك

اررررررررررررحب يا سداح


الله لايهينك على مرورك الغالي والمشرف


وصح بدنك لاعدمت تواجدك


تحية اخوك

اررررررررررررحب يامطر


الله لايهينك على مرورك الغالي والمشرف


وصح بدنك لاعدمت تواجدك


تحية اخوك

اررررررحب ياعبدالعزيز


عزالله ان مرورك مشرف لاعدمتك صح بدنك

والله لايهينك على التواجد الغالي


تحية اخوك

ارررررررررحب يابو مناحي


الله يبيض وجهك على مرورك اللي دايم مشرف متصفحي

وصح بدنك وشهادتك محل فخر لاعدمتك

سلمت ولاهنت

تحية اخوك

ناصر صح الله لسانك

رائعه طال عمرك

تحياتي

ارررررررررحب ياعبد الله


ولا انت طال عمرك على طاعة ربي

صح بدنك وشاكر لك المرور المشرف


تحية اخوك

اررررررررحب يا بو مازن

إلا حي الله يطول عمرك

يامرحبا والله ومسهلا يا عبدالرحمن

صح لسانك من هنيا إلى الرياض

لاهنت على مرورك يالوافي