متى يحس الشاعر الجزل بحراج = اليا مدحله شخص ماهوب وافي
[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
للطيب وقفه وللرياجيل منهاج = والوقت في كشف الرياجيل كافي ولايكبّر ابن ادم تصنّع ودبلاج = لاصارت افعاله ادقاقٍ اصخافي الرجل لامن صار للعله اعلاج = المعضلات تصير عنده عوافي مثل الشجاع ابو شويربات مدباج = والا ابن نيف الكريم السنافي الطيب والنوماس من دونه اسياج = ياصلّه من رجله تجوب الفيافي ويصعب على راع السواليف والداج = اللي مقابل لابسات الغدافي راع الردا دايم عن الطيب منعاج = سجل ياتاريخ القصيد اعترافي شاعر ومن دون المناقيد مزلاج = وتشفق على افكاري جميع القوافي لي مع فجوج الشعر مدخل ومخراج = والمجد قدامي وصيتي خلافي ومتى يحس الشاعر الجزل بحراج = اليا مدحله شخص ماهوب وافي يسبب الْراعيه شرهات وازعاج = والادمي مايكتشف كل خافي مومشكله لاصرت للناس محتاج = المشكله لو حاجتك عند هافي والناس بالدنيا درجات وابراج = والطيب فطره بالكريم السنافي ولو الفلوس تخلي الرجل هداج = الطيب بين الراجحي والخرافي ياهاجسي خل القصايد باالادراج = اللي كتبته يجزل الشعر كافي[/poem] |
ولايكبّر ابـن ادم تصنّـع ودبـلاج
لاصارت افعاله ادقـاقٍ اصخافـي انشهد مومشكله لاصرت للنـاس محتـاج المشكله لو حاجتـك عنـد هافـي الله لايحوجنا وياك لاحد ياتركي صح لسانك ودام ابداعك تحياتي لك |
مومشكله لاصرت للنـاس محتـاج
المشكله لو حاجتـك عنـد هافـي الله عليك صح السانك يا تركي |
الغالي ياسر
كل الشكر لمرورك |
لله درك يا تركي ،
شامخه وجميله ويستاهلون المدح عزالله وانت كذلك ، صح لسانك وعزالله انها قصيدة ، سجل إعجابي |
تركي الديحاني
صح لسانك وسلمت غيمار |
مبدع يا تركي الديحاني
ولاهوب غريب عليك قصيده تقطر جزاله صح لسانك وسلمت |
ولو الفلوس تخلي الرجـل هـداج
الطيب بين الراجحـي والخرافـي صح لسانك يا تركي ولاهنت |
الطيب والنوماس من دونه اسيـاج
ياصلّه من رجله تجـوب الفيافـي ويصعب على راع السواليف والداج اللـي مقابـل لابسـات الغـدافـي الله الله.. صدقت مومشكله لاصرت للنـاس محتـاج المشكله لو حاجتـك عنـد هافـي ذهب ذهب ذهب ياتركي :) صح والله لساااانك مليون × مليون |
مومشكله لاصرت للنـاس محتـاج
المشكله لو حاجتـك عنـد هافـي اي والله مصيبه ياتركي قصيده شامخه بشموخك صح لسانك |
الله الله يا تركي
جزله .. وشاعريه اصيله وقصيده ما عليها كلام :) ولا اقول الا صح السانك مليوون ! اخووك :) |
تركي
انت تشرف اللي تمدحه صح لسانك تقديري |
ياسر العتيبي يامرحبا فيك
|
تركي الديحاني
... صح لسانك وسلمت |
تركي الديحاني ., عز الله صدقت ., والمدح في غير اهله مذمه ., تحكم واتقان وسلاسه ., صح لسانك مدد وسلامي عليكـ ., |
والمجد قدامـي وصيتـي خلافـي
تركي الديحاني ابدعت بحق صح لسانك بلا عدد تقديري .. |
والناس بالدنيـا درجـات وابـراج
والطيب فطـره بالكريـم السنافـي نعم نعم نعم صح لسانك يا تركي وسلمت ، .. |
المسعري
كل الشكر لمرورك تركي |
ياسلام ياسلام ياسلام ياتركي
ابداع وتمكن وجزاله لله درك وسلمت |
| جميع الأوقات بتوقيت GMT +3. الساعة الآن 04:05 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية