قال منهو يبدع القاف بدع ما يعاب
[align=center][frame="9 70"]اعزائي الكرام منسوبي وزوار منتديات المرقاب أولاً اعتذر عن الأنقطاع الايام الماضيه نظرا لبعض مشاغل الحياه وفي دخولي هذه الليله اهد ي لكم هذه القصيده عسى ان تنال اعجابكم وامتاعكم فهو الهدف
[poem=font="Simplified Arabic,3,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"] قال منهو يبدع القاف بدع ما يعاب = يهتوي الجزله مثل ما الجزيله تهتويه خير مبدى ذكر من قدرته تنشي السحاب = واحد معبود فرد صمد ماله شبيه وراجي منه الهدايه على قول الصواب = وكل كلمة حق تبنى على القول الوجيه يوم هاض الشعر وانفك للمكنون باب = في ابيض القرطاس يازرق الاقلام اكتبيه اكتبي قاف معانيه جزلات عذاب = شاعره من الهزل والفضل لله محتميه ينتقي من نادر القول ما لذ وطاب = وياكل بيمناه ما طاب له مما يليه درسه وقته وعاصر وهو توه شباب = وحط عنده شبه علم عن اللي مقتفيه وما بقا دار ولا ارخى لها خطم الركاب = وطاف له دنيا عريضه موصفها يتيه وفي ثلاث عقود شاف الغرايب والعجاب = وياكثر ما واجهه من جميل ومن كريه وما استفاده من تجاربه خطه في كتاب = عل من يقراه يفطن لمعناه ويعيه والنصيحه فعل خير ويلزمه احتساب = وكل رجل حسب عرفه يفيد بما لديه ولا يصح الا الصحيح ويدوم الا القطاب = ونصح الانسان اولويته لنفسه ثم ذويه فياطلال اسمع وانا ابوك مضمون الخطاب = استمع قولي وخلك لما اقوله نبيه صغت لك بعض النصايح من الوقت اكتساب = وينتفع من خبرة الاقدم الفكر الفقيه في البدايه ما اربح اللي هداه الله وتاب = وجاهد النفس بكتاب الله وما يقتضيه لأنها دنيا دنيه وتاليها الذهاب = ولا يفوز الا من يموت مرضي عليه ولو جرى الانسان فيها كما جري الذياب = غير ما يقسم له الله بعيد عن يديه وكان تبغى اسمك مع الناس يحسب له حساب = اجتنب كل امر يذل راسك ويحنيه وكان تبغى من ورى وصل الارحام الثواب = ما يفيد الرجل بر(ن) يجنب والديه ولا تعدي طيبك وخيرك الناس القراب = حاول تعز القريب الضعيف وتحتويه والرفيق اعفه يلا زل من ثقل العتاب = خلك سنافي وقل جعلها نذر عليه كل رجل يخطي وكل باب له جواب = واطيب اصحاب الرجل منزله منزلة اخيه وكب عنك اللي على ربعه اشجع من ذياب = مستغل طيب ربعه وطلبات الوجيه واعلم انه تو عدوانه اجبن من الغراب = والله ما تجسر على لمس حرابه يديه ودون عزك من احياض المنايا لا تهاب = موتك ولا ثوب ذل تفكر ترديه واذخر لحاجتك خطوى سنافي حظاب = اذخر المنعور لو ما معه ما يقتنيه ولا تحزم بالردي في مواجهك الصعاب = الردي معروف من يحتزم به خان فيه يختفي وقت الشدايد خفا بيض العقاب = ما أهبل اللي في نهار الشدايد يحتريه ولا اغتنيت من الردي لا تعذرب له جناب = يمكن يحدك زمانك ويرمي بك عليه الزمان اذا تحداك حدك بالحراب = لين يقبل خاطرك كل شئ ما يبيه وطردك المقفي كما طردك ازواك السراب = صد عن من صد عنك وحذرى ترتجيه وان لقيت الدار جوه يسبب الاكتئاب = فالفجوج وساع ما انته بمجبور عليه الحرار من الوطا تشهر لروس الهضاب = وارتياح النفس من الظيق يشرى بالجنيه وفارق السرداب لمن دريت ان فيه داب = ما ورى قرب الحنش كون لدغة غاسقيه وابتعد عن قرب لوحات منع الاقتراب = موقف ما هوب مسموح لك حذرى تجيه ولا تطيع النفس في عشق تلعات الرقاب = وادع للمبلي بطرد الهوى ان الله يهديه الهوى باب لكسب الاثام وللعذاب = فتنة للآدمي ياعنا من تبتليه وما يعيب الرجل لا زل يعلن الانسحاب = التمادي في الخطاء طبع الانسان السفيه ولا بغيت اليوم تصبح هوى زاهي الخظاب = وتأصل يدينك بوضح النقا ما تمتنيه فأحرص انك تفك في كل بنك لك حساب = واتعب لجمع الدراهم وحط الربح فيه ولا عطاك الله الملايين ثم ضاع النصاب = فأرخ خشم الكيس واسمع معاينة الوجيه تستر عيوبك كما تستر الناس الثياب = ولو حصل منك خطاء ما تقول الناس ليه وكانها بمفاخر بالجدود والانتساب = فمثلك بسمعة جدوده بتضحك ناجديه ابن قوم تكسب المدح طيب واغتصاب = وفي ذراهم للمظاليم منزال رفيه والكلام يطول لكن يا ابوك القاف شاب = واحفظ اللي سمعت اذنك من النصح النزيه والختام ارجي من الله العفو يوم الحساب = وجيرة المختار صلى الله وسلم عليه [/poem] الشاعر / عبدالله بن مرضي الودعاني لكم الود والورد من محب الكل ابوطلال [/frame][/align] |
اللهم صلي وسلم على رسول الله
عز الله أنها وصية تكتب بماء الذهب صح لسانك ياأبوطلال والله يجعل طلال من ظنك وأطيب نسأل الله له ولجميع أبناء المسلمين التوفيق والصلاح . |
سلمت وبيض الله وجهك
وصح السانك ملايييييين احترامي لك |
صلّي الله وسلّم على رسول الله
بارك الله فيك يا بوطلال والله يحييك قصيدة وافيه وفيها من الحكم الكثيره صح لسانك وسلمت ،، .. |
عبدالله الودعاني
ابيات جزلة وافية ومن شاعر جزل لاهنت ياسمي وصح لسانك تحياتي لك |
قصيده مليئه بالحكمه والنصح
صح لسانك ياعبدالله .. ولاهنت تحيتي وتقديري ، |
عبدالله بن مرضي الودعاني
. صح لسانك علىهذه المخطوطه العصماء .. وهي ليست لطلال وحد الله يصلحه . لكل من عمل بها واستفاد منها . قلت فاحسنت القول . بل تثاب من الله .. . لك اجمل التحايا يابو طلال . اخوك سلطان |
عبدالله
وفيت وكفيت نصائح من ذهب صح لسانك تقديري |
[align=center]الله الله
وان لقيـت الـدار جـوه يسبـب الاكتئـاب فالفجوج وساع مـا انتـه بمجبـور عليـه الحرار من الوطا تشهر لـروس الهضـاب وارتياح النفس من الظيق يشـرى بالجنيـه صح لسانك قصيده رائعه ومعاني جزله لك فائق الاحترام والتقدير تحياتي[/align] |
اقتباس:
فراج بن فهد صح بدنك واشكرك على المرور الغالي واعجابك بمشاركتي وسام ثمين اتشرف به لك الود والورد من محبك ابوطلال[/align] |
اقتباس:
سعود بن ماضي صح بدنك واشكرك على المرور الغالي يالنشمي لك الود والورد من محبك ابوطلال[/align] |
اقتباس:
سداح صح بدنك واشكرك على المرور الغالي يالقرم والجمال في ذوقك الرفيع لك الود والورد من محبك ابوطلال[/align] |
اقتباس:
عبدالله الهديرس صح بدنك واشكرك على المرور الغالي والجزاله في ذوقك الجزل يالنشمي لك الود والورد من محبك ابوطلال[/align] |
اقتباس:
مشان البراق صح بدنك واشكرك على المرور الغالي وجزاك الله خير على الدعاء الطيب ياطيب لك الود والورد من محبك ابوطلال[/align] |
اقتباس:
محمد بن صالح العتيبي صح بدنك واشكرك على المرور الغالي لاعدمتك يالقرم لك الود والورد من محبك ابوطلال[/align] |
اقتباس:
سلطان البقمي صح بدنك واشكرك على المرور الغالي لاعدمتك يالقرم وشهادتك سام فخر على جبين المشاركه لك الود والورد من محبك ابوطلال[/align] |
اقتباس:
عيسى الشاطري صح بدنك واشكرك على المرور الغالي يالنشمي لك الود والورد من محبك ابوطلال[/align] |
ابو مرضي
صح السانك وعلا شانك مبدع لاهنت تحياتي |
اقتباس:
محمد السميري صح بدنك واشكرك على المرور الغالي والروعة والجزاله في ذوقك الرفيع يالقرم لك الود والورد من محبك ابوطلال[/align] |
| جميع الأوقات بتوقيت GMT +3. الساعة الآن 09:10 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية