على خير اشوفك كان حنا من الحيين
 

السلام عليكم ورحمة الله وبركاته

هذه القصيده للشاعر القدير / عبدالله محمد السياري الخالدي

اتمنى ان تنال اعجابكم ,,
/
\

[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
على خير أشوفك كان حنـا مـن الحييـن=مصير الليالي تجمـع الحـي مـع حيـه
سرى النوم مع مسراك وأحفت دموع العين=كفـوفٍ تكفـه كفـة الشـمـس للفـيـه
بمان الكريم ارحل وانا في انتظـارك ليـن=تـدور الليـالـي دورةٍ ترجـعـك لـيـه
لك الله ما عن ناظري غبـت لـو يوميـن=كوانـي فراقـك كـيـةٍ فوقـهـا كـيـه
ولا والله أرخصتك ولا شفت غيرك زيـن=أنا ادري بحبك لـي وانـا صـادق النيـه
أبا صلك لو تبعد وانـا حافـي الرجليـن=صريع الغواني لـو جحـد فيـه ماريـه
تموت القلوب الخالية بيـن زيـن وشيـن=وتعيش القلوب اللـي علـى الـود مبنيـه
ترى البعد بعد القلب ما هوب بعـد البيـن=الى صار من ودعـك يـا عـدك بالجيـه [/poem]

ودمتم بخير

يا سلام عليك يا ياسر ..
اختيار من اجمل ما يكون ..
أبيات هذه القصيدة تداولها الناس دون معرفة شاعرها ..
لا هنت على إتحافنا بها ..

تحيّتي

الله اكبر
الله اكبر
الله اكبر
هذي من عيون الشعر قصيده نسمع بها من مبطي ولا ندري من قايلها
وفي تالي الايام سمعنا انها لـ مبارك بن عيينان
عموما ً صح لسان شاعرها المبدع عبدالله الخالدي
ولاهنت يا ياسر ماتجيب الا الدسم

الله الله الله الله الله

وانا مع كلام اخوي سعد

القصيده ناشرها ابن عيينان في المرقاب

تأكد ياياسر وعلمنا

ابو فليان / ياهلا ويامرحبا وهذا من ذوقك طال عمرك



( فيصل الدوسري + عفاس بن حرباش )

ياهلا وياغلا والله وتسلمون على مروركم ..

اما بالنسبه للقصيده فهي منتشره في اغلب منتديات الانترنت باسم

الشاعر القدير / عبدالله السياري

وكذلك سمعتها من الشاعر في لقاءه الاخير على قناة الصحراء

ولا اعلم عن نشر الشاعر القدير / مبارك ابن عيينان

للقصيده في المنتدى قبل الان

وننتظر الايضاح ممن له اطلاع ..

قصيدة طيبة من شخص لاياتي الا بالطيب



شكراا

بعد اطلاعي على قصيده الشاعر / مبارك ابن عيينان

اتضح لي ان القصيدتين تتفقان في البيت الاول فقط

على خير أشوفك كان حنـا مـن الحييـن
مصير الليالي تجمـع الحـي مـع حيـه

وربما يكون احد الشاعرين القديرين ضمّن البيت في قصيدته


لكم مني كل الشكر

الله الله عليك وعلى اختياراتك يابو مروي

عزالله انها قصيده راااائعه واختيارك لها اختيار موفق


سلامي عليك :)

الله الله


سرى النوم مع مسراك وأحفت دموع العين
كفـوفٍ تكفـه كفـة الشـمـس للفـيـه\\




الله لا يهيينك يا يااسر على الاختيار الجميل

ياسر العتيبي

يامرحبا يابو مروي والف شكر لك على جهودك الواضحه

ولا هنت

وعليكم السلام ورحمة الله وبركاته
هلا اخوي ياسر
الف شكر على هالاختيار الرائع ولاهنت

القصيده ذي لمبارك بن عيينان وحمد السعيد والسياري
شلون مدري :)

بس الله العالم انها لمبارك
لاهنت ياياسر

8
8
8

الله أعلم


لاكن لاهنت يا ياسر على حسن الاختيار

ابيات في قمة الجمال .. يعطيك العافيــه

الله يعطيك العافيه


وبالنسبه لقصيدة إبن عينان تختلف عن القصيده هذي


لكن المطلع نفس المطلع



لاهنت لاهنت على كل حال ويعلم الله انها رروعه ،

ابو مروي
اختيار رايع..
سلمت ..
ولا هنت ..

الله لا يهيينك يا يااسر على الاختيار الموفق