لا اصيح واقول يا هييييييييييله .....!
 

لسلام عليكم

توجديه لأبن لعبووون يصرح باسم حبيبته ( هيله ) .. بعد ما كان يرمز لها في السابق باسم ( مي ) استمتعوا بهاااا

استلمو القصيده :

قالت فريجه وهي من يوم ** يطري لها الفن وتشيله (1)

حمام ياللي يدير الحوم ** من فوق نبنوبٍ ظليله

اشوف تطرب بنوحك دوم ** وتقول واحب قلبي له

قصيدةٍ قافها معلوم ** بالله يالورق من هي له (2)

يالورق وش لك بطرق اللوم ** وفنون ذا الغي وش هي له

ان كان صيدك تريد النوم ** ما فيه يالورق من حيله

ماشفته امسٍ تشوف اليوم ** والله يعينك على الليله

وتذوق ما ذقت يالمشيوم ** بفراق خلي وفقدي له

يغشاك دونه لميع نجوم ** والبرق من بعد يوضي له (3)

غروٍ نطحني يجر هدوم ** يجلى صدا القلب شوفي له

يلوح للغي فيه رسوم ** والزين والملح خلي له

ياليت من ضاجعه بالنوم ** واستر به لو طرف ليله

سفاح دمعي عليه ركوم ** مثل السحايب هماليله

دلاله ارخص عليه السوم ** من عقب ما هو بمغلي له (4)

والقيل والقال هو واللوم ** يعداك والعيب يا هيله

ان جاك مثلي كثير هموم ** يلوم حظه فقولي له :

كم اخل الحبس من مظلوم ** وما جاك من وادي سيله

من عقب شيخ العرب والروم ** مغني المفاليس من نيله

زين المجلى حجا المضيوم ** يوم المداريع تتلي له (5)

وانتي على هودجٍ مزموم ** ومن الغوالي جهاجيله (6)

كم خادمٍ لك وهو مخدوم ** يتلي ضعونه ويتلي له

واليوم صارت خيال حلوم ** والعز طفيت قناديله

عقب الفهد تاخذ الفيوم ** نقـــّـال كيله بمنديله

شومي رماك القدر بسهوم ** عقب التعلي نزلتي له

اصبح حليلك اخو نعوم ** ان راطنك خوب قولي له(7)

يامال نجمٍ حداه نجوم ** يدك ديلم ومن هي له

لا باس يا راعي المنظوم ** يا بادع القيل في جيله

والله لولا الحيا واللوم ** لا اصيح واقول يا هيـــله



_________________

1- فريجه : طقاقه بالزبير .. وفيه ناس قالو انها ربابة ابن لعبون .. لكن الاكيد انها طقاقه وقال القصيده هذي على لسانها بصورة انها يوم سمعت الحمام ينوح طرا لها الفن واخذت تتغنى بهالقصيده

2- تقول فريجه للحمام هالقصيده اللي انا اتغنى فيها هي قصيده مشهوره وقافها معلوم لكن يا حمام ما تدري قيلت بمنو ؟

3- تقول للطير انه ما يقدر يروح يشوف الحبيبه الي انقالت فيها هالقصيده وتستمر بغنائها للقصيده

4- يقصد بالدلال ابو هيله .. وارخصها بتزويجها لانسان وضيع بعد ما كان مغليها بزواجها السابق

5- يمدح فيها شيخ المنتفق وزوج هيله السابق .. حجا = ترس او درع .. المداريع = الرجال اصحاب الدروع المجهزين للحرب .. يدلل على قوته وعظمته

6- الجهاجيل = زينه تتدلى من الهودج

7- خوب = كلمة طيب باللهجه الفارسيه .. بهالبيت يحط من قدر زوجها الجديد ويتهمه انه مو عربي الاصل وانه فارسي

وسلامتكم

فيصل الجعيد


لاهنت

غروٍ نطحني يجر هدوم ** يجلى صدا القلب شوفي له
يـلوح للغي فيه رسوم ** والزيـن والملح خـلي له

الله الله الله

الله يرحم ابن لعبون ,,

مشكور يافيصل وبيض الله وجهك على النقل الرائع

لاهنت

يا سلام الاختيار يا فيصل

والله يرحم بن لعبون علم شعر

لا هنت على النقل المميز

عبدالله

ولا انت

وعليكم السلام ورحمة الله وبركاته
هلا اخوي فيصل
الف شكر لك ولاهنت والله يرحم الشاعر ابن لعبون ويرحم اموات المسلمين اللهم آمين

اختيار موفق يافيصل

الف شكر ولاهنت