**العمر يفنى والسنين**
[align=center]اخواني رواد المرقاب لكم مني هذه المشاركة اتمنى قبولها[/align]
[poem=font="Simplified Arabic,5,black,normal,normal" bkcolor="white" bkimage="" border="ridge,4,white" type=1 line=0 align=center use=sp num="0,black"] العمر يفنى والسنين تمرني مر السحاب = وانا على حالي عسى المولى يروف بحالتي اطرد ورا الدنيا يابو نايف مثل طرد السراب = وانا اعرف اني فالنهاية فاضية حصالتي لا والله اللي شابت رموشي وانا توي شباب = واخاف من جور الزمن وانا على ضلالتي عزايه اني عشت واضح ما على وجهي ضباب = ما ادفن على درب العباد الغافلة محبالتي وعزاية اني ما خسرت الا رديين الجناب = اللي يعدون الصراحة في من هبالتي والله لقول الحق دام اني على وجه التراب = حتى ولو شالت علي قلوب من مقالتي مشيت مدري وش مشيت اللي خطا واللي صواب = مذنب وادور مغفرة ولا ادعي كمالتي يا الله يارب السماوات السبع رب الكتاب = اغفر ذنوبي قبل يوم(ن) فيه ترثى حالتي ليا صارواعبادك حضور ولا حصل فيهم غياب= اسألك يا رحمن تستر بينهم خمالتي [/poem] [align=center]وسلامتكم[/align] |
ضيف الله الروقي
صح لسانك شارده غريبه ابدعت في تركيبها ولكن النقد وارد والحاله لاترثى مع العلم ان تصويرك جميل ارجو تقبل النقد بصدر رحب لانني ارى الناس بعين طبعي واتقبل النقد بكل صدر رحب تحياتي |
محمد محيا السلات
شكرا لمرورك وجهة نظرك احترمها واحترمك قبلها لكن لي وجهة نظر ارجو قبولها وهي ان الحالة ترثى وما أكثر قصائد الرثاء وما أصعب من الموت إلا الموقف الذي بعده أظنك فهمتني |
ضيف الروووقي اللهم احسن خواتمن
قصيدة فيها من العتب للنفس الشي الكثير صح لساانك وسلم بنانك تقبل احترامي واعجابي |
لاهنت
ولاتعز غير من يعزك وانا احترم رايك ويجوز للشاعر مالايجوز لغيره والنقدالهادف مفيد للجميع واول المستفيدين انا شكري وتقديري ومتابعتي الدايمه |
يا الله يارب السماوات السبع رب الكتاب000اغفر ذنوبي قبل يوم(ن) فيه ترثى حالتي
اللهم آمين ظيف الله صح لساااااااااانك |
محمد بن محيا السلات
يعلم الله اني اقدرك واحترم رأيك لكن اقرأهذه الابيات للشاعر العربي ربما نستفيد معاً يا رفيقي لا تسلني مـا الخَبَـرْ إنْ رأيتَ الدمع يهمي كالمَطـرْ واْترك الأحزانَ تَرثـي حالتـي رُبَّما يأسـو جراحاتـي الكَـدَرْ أُحبط القلب المُسَجَّـى بالأسـى من جموح العقل أو ضيْم الفِكَرْ شكرا لك ولنقدك الهادف لك مودتي |
هلا اخوي ضيف الله
صح لسانك لاهنت قصيده معبره والله يغفر لنا ولك ولجميع المسلمين والمسلمات اللهم آمين |
يا الله يارب السماوات السبع رب الكتاب000اغفر ذنوبي قبل يوم(ن) فيه ترثى حالتي
اللهم آمين ظيف الله صح لساااااااااانك |
يا الله يارب السماوات السبع رب الكتاب
اغفر ذنوبي قبل يوم(ن) فيه ترثى حالتي اللهم آآآآمين صح لساااانك ياضيف الله على هالابداع |
ضيف الله الروقي
لا ادري ما سر هذه القصائد ..؟ صدقها .. ؟ أم شفافيتها..؟ أم روحها ؟ مناجاة رائعة .. تزرع سلام نفسي بأعماقنا تحكينا .. وكأننا نحن من يقولها مثل هذه القصائد لا تموت ابدا تظل روحها حية .. مابقيت الحياة ضيف الله الروقي صح لسانك والله يرحمنا برحمته ويشملنا بعفوه |
يا الله يارب السماوات السبع رب الكتاب000اغفر ذنوبي قبل يوم(ن) فيه ترثى حالتي
اللهم امين .. ضيف الله مبدع وجزل صح لسانك ولاهنت |
اطرد ورا الدنيا يابو نايف مثل طرد السراب
وانا اعرف اني فالنهاية فاضية حصالتي لا والله اللي شابت رموشي وانا توي شباب واخاف من جور الزمن وانا على ضلالتي ايو الله ياضيف الله هذي اللي تخاف منه ونخاف منه حنا بعد عسى الله يصلح احوالنا ,, عزايه اني عشت واضح ما على وجهي ضباب ما ادفن على درب العباد الغافلة محبالتي الله الله الله وعزاية اني ما خسرت الا رديين الجناب اللي يعدون الصراحة في من هبالتي عساهم فداك ياضيف الله يا الله يارب السماوات السبع رب الكتاب اغفر ذنوبي قبل يوم(ن) فيه ترثى حالتي ليا صارواعبادك حضور ولا حصل فيهم غياب اسألك يا رحمن تستر بينهم خمالتي اللهم آمين صح لسانك وسلم فكرك وعساها في موازين حسناتك سلامي واعجابي .. |
ليا صارواعبادك حضور ولا حصل فيهم غياب
اسألك يا رحمن تستر بينهم خمالتي اللهم آمين الهلم آمين في حاجة الى مثل هذه القصائد والنصائح ضيف الله الروقي عزالله انك كتبت فـ .. أبدعت جزل x جزل صح لسانك ولافض فاك اعجابي ومتابعتي دمت بخير |
الله الله
ياسلام يا ضيف الله قل الحق وراسك مرفوع صح لسانك وسلمت ، |
خالد منيع
آمين شكرا لمرورك لك تحياتي |
عزايه اني عشت واضح ما على وجهي ضباب
ما ادفن على درب العباد الغافلة محبالتي وعزاية اني ما خسرت الا رديين الجناب اللي يعدون الصراحة في من هبالتي والله لقول الحق دام اني على وجه التراب حتى ولو شالت علي قلوب من مقالتي الله الله الله ضيف الله الروقي صح لسانك واعتلا شانك تقبل تحياتي ومروري يامبدع |
ضيف الله
صح السانك ولاهنت وصوت الحق دايم مسموع تحياتي |
حسين الغنامي
صح بدنك لا هنت |
.
. والله لقول الحق دام اني على وجه التراب حتى ولو شالت علي قلوب من مقالتي مشيت مدري وش مشيت اللي خطا واللي صواب مذنب وادور مغفرة ولا ادعي كمالتي يا الله يارب السماوات السبع رب الكتاب اغفر ذنوبي قبل يوم(ن) فيه ترثى حالتي ليا صارواعبادك حضور ولا حصل فيهم غياب اسألك يا رحمن تستر بينهم خمالتي ياسلام سلّم عزالله كايفه وجزله ياضيف الله صح لسانك ملاييين وآمين آمين آمين تحيتي لك . . |
الفجر البعيد
صح بدنك شكرا لمرورك |
صح لسانك ياضيف الله
والله يعيين على الدنيا قصيدة جزله وطرق حلو تقبل تحياتي |
| جميع الأوقات بتوقيت GMT +3. الساعة الآن 03:41 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية