فرخ القرانيس
 

السلام عليكم ورحمة الله وبركاته

مع فايق احترامي وتقديري لشعرائنا الكرام



[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

أنا ليا مِنّي لزمْت الهوَاجيس = أفرّها فرّ الرشا للمْحالة
أعْدّ منها مَا يشد الأحاسيس = أسعى وادور واجتهد في كمَاله
أهد وسط الجول فَرخ القرانيس = ويَطرح زعيّم الجوُل عند اجتواله
مِن ضرب مخلابه تحَول كراديس = صفقَة جنَاحه مُوجعه في قتَاله
أضبط مخَارجها بكل المقاييس = وللبيت أناقَة مظهره وانفتاله
ما كنّه الا شيخ وسط الجلاليس = مليان راسه بالسطر والشكَالة
محفوظ قَدره في صدور المجَاليس = أضفى عليه البشت عزّ وجلالة
أوقد عليها في قلوب المحَاميس = وازل صاف الكيف وانفل حثالة
فنجالها طب القلوب المعاميس = لا شفه العمسان ميل عقاله
أجيب شفي من بعيد المراميس = بالطيب والا جبت شفي رجاله
أصيح له ويمر بي عرش بلقيس = ويَنظم جواهر عرشها في حبَاله
قدَام لا يرتد طرف النواعيس = يَخطف من اللول المصفى جماله
ماني سوات مجمعين الهداريس = منّا ومنّا والنتيجة نفاله
ما جاب غير السور من بعد مَا ديس = وارقى فنون المهزلة والهزالة
يدفّها قدام وتخالفه ريس = عيّت حلال القوم مدري حلاله
اللفظ بارد والقوافي معابيس = والوزن واضح للعيَان اختلاله
يضحك على العالم بتلبيسة ابليس = يفرض على الحق المبين البطالة
كنّه يباري للبقر والجواميس = حتى يوردها حياض النخالة
حَشو الكلام اللي على غير تأسيس = مشروع فاشل مستحق الأزالة
ترمي به الأذواق خلف الكواليس = وترفع طلب رد اعتبار بحياله
استهلكوه النّاس من عصر رمسيس = معاد يمشي فالمصارف رياله
وسوس له الشيطان بعض الوساويس = قال انت شاعر قوم واكتب مقاله
ثم امتلا صدره وجاب البحاويس = جاني يسحّبها يقول الجزالة
قلت اصح يارجال هذي كوابيس = تزيد ضيق الصدر فوق احتماله
قال انت ما تعرف كلام الدنافيس = شرواك يجهل مفردات الخبالة
قلت ابرك الحزات فرقى المتاعيس = واحسب له الفرقى عليّه جماله
تبدي لك الأيام فقر المفَاليس = والبدر يرجع في مراحل هلاله
يطفي ليا صكت عليه الغطاليس = شمس الضحى تعلن بداية زواله
لو اني من الشعر هجّيت باريس = لاجي سياسي أفتقر للعدالة
واقول يا شيراك يابناخي لويس = داخل عليك من الردى والجهالة
ناسٍ بلوني بالعقول المنَاكيس = غطو سما جوي بغيم الضحالة
ويمكن وراه يحملون الاتابيس = ويسافرون يدبرون اغتياله
من ضمن خطتهم يكلبش وترفيس = تفتيت كبده ثم تنزع طحاله
وعيونه تخزز بروس الدبابيس = هذا جزا العاصي ورادع مثاله
من لا قبس في مخ راسه مقابيس = ولمح وميض الفكر عند اشتعاله
وثبت قواعد منهجه للدراريس = واقام ميله واعتنى باعتداله
لاعاد يكتب بالقلم فالقراطيس = والشعر في زعمه يدور بداله
والله ليبطي ما يجيب النواميس = عزّي لجمهوره وعزي لحاله
لو جاملوه وقالوا يعيش عتريس = ولو صفقوا له بس فزعة زمالة
الشعر روح إلهام صادق وتنفيس = بريق تطفي لمعته بافتعاله[/poem]

يا سلااااااااام على الأبدااااااع والجزاله ,,,


صح لسااااانك مدد بلا عدد ,,,


تقبل مروري المتواضع ,,,


خالص مودتي ....

لا اله الا الله
وماشاء الله لا قوة الا بالله


عليكم السلام ورحمة الله وبركاته


الاخ الشاعر المبدع / تركي القثامي

من اول مشاركة لك وانت في مفضلة الذائقة

اسم يجبرنا على المتابعة وتسجيل الاعجاب دون مجامله

هنا قصيدة من روائع الشعر بحق

لله درك وزادك الله من فضله وصح لسانك عن كل حرف مليون مرّه ،،



..

تركي




اسم في قمة الابداع .. وقصيد لا يُمّل لله درك





وصح لسانك مليااار

صح لسانك

لاهنت

تقديري

.
.
الشعر روح إلهام صـادق وتنفيـس
بريـق تطفـي لمعـتـه بافتعـالـه


الشعر روح إلهام صـادق وتنفيـس
بريـق تطفـي لمعـتـه بافتعـالـه

الشعر روح إلهام صـادق وتنفيـس
بريـق تطفـي لمعـتـه بافتعـالـه


هنا زبدة الموضوع وصح لسانك ملايين ياتركي
تحيتي لك
.
.

الأخ
عبد الرحمن السمين
صح بدنك يالغالي
وكل الشكر والتقدير
على مرورك العذب

صح بدنك يالسميري



شكراً لمرورك الكريم

تحياتي

الله الله

أبدعت وأمتعت يا تركي

صح لسانك مدد وسلمت

تركي

صح لسانك وبيض الله وجهك على هالقصيده الجزله

شهادتي فيك مجروحه يابن العم

تحيتي لك

أنـا ليـا مِنّـي لزمْـت الهوَاجيـس
أفرّهـا فــرّ الـرشـا للمْحـالـة


ياسلاام الله عليك ،، ابداع وجزاله


صح السانك مدد ،، ودمت بخير

الله الله


صح لسانك يابو علي

صح بدنك يسداح

والله لايحرمنا من هالطله الطيبه

ألف شكر على مرورك المشرف ومتابعتك

كل الشكر والتقدير

أخوك

عليكم السلام ورحمة الله وبركاته

يا مرحبا يا تركي .. كتبت وامتعت

صح لسانك