لميس ويحيي ومهند ونور
 

إليكم عن واقعنا المرير ،،،
،،
،،
[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
إستنهضي ياحروف الشعر عبر الصدور = من بين طي الوثايق وأصدق أوراقها
ماني بقايل تريح ياشعر ومعذور = خل القصايد معي تاقف على ساقها
الغيض حرفه طغا وجتاح كل السطور = اللي على الحق منطقها وميثاقها
لعلها كلمةٍ تاقف بيوم النشور = تاقف وتشهد معي لابان مصداقها
ماضنتي شخص شعري بالمواقف يخور = مادام حور الجنان تزف عشاقها
ومادام يرفع كفوفه للرحيم الغفور = يوم المعاصي على وقته بدى وثاقها
وش بصمة الوقت ياشعار غير الشعور = لا صار نفس البنادم يطلب إعتاقها
مع صرخة الغيره اللي وقعها مايبور = صرخة ندا مع فدا والظلم ماطاقها
تحيي عظام المشاعر من لحود القبور = وترفع مقام التفادي حزة عناقها
العام صوت المنادي بالمعارك جهور = واليوم فنانة العشاق وأشواقها
ولميس ويحيي سوى معهم مهند ونور = مسلسلات الضياع نتابع أذواقها
ماتت قيمنا على طعن الخنا والفجور = وحنا شوارب لحانا عند حلاقها
ليل الدجا طال وقته مابدى فيه نور = ياليت شمس النصر تبدي بمشراقها
الخوف والذل من بين الحنايا تدور = والعزه اللي منول بوش بواقها
لابوك(س) ياذلةٍ تغشا طوال الشبور = الذله اللي تبرك بالحشا نياقها
القدس تلبس حداد الحزن بين العصور = ذاقت زعاف المآسي ماحدٍ ذاقها
فاضت عباير شقاها كنها من بحور = حتى الخدود إجرحتها وأجدت إغراقها
أطفال الاقصى رخاها حاجبه ألف سور = وعيونها ضمت الحرمان بإحداقها
كن الملامح نهر حزنٍ بفيضه حدور = ودمعٍ نبا عن ليال العز وفراقها
قصف المباني بإهلها ماوقف له غيور = الا الخيانه تصفق تضحك أشداقها
صار الغراب ونعيقه فوق عز الصقور = والله يخارج من الغربان ونعاقها
خلف الحصون المنيعه عيشها في دبور = تخاف من ظلها والذل مستاقها
يلعبها الغرب في دنياٍ متاع وغرور = يالين هاك الكرامه طاحت أسواقها
قلوبنا لاهيه والدم عيا يفور = وبغداد تبكي على حالٍ غشا عراقها
ومنها حجاج النصارى بنطلاق وسرور = يوم التخاذل على الامه وخفاقها
أقسم بعزة عظيم العرش مجرا الامور = النصر يبغى المعارك تكشف إرواقها
غيم الدخاخين هتانه رصاصٍ يثور = ورعودها الرمي والبارود براقها
ونغسل بدم الخوافق ذلةٍ بالنحور = ونعلم النفس إن الفوز بإزهاقها
في ذات ربٍ على خلقه حليمٍ صبور = اللي عباده بشكره تكثر أرزاقها[/poem]

=====================================

عبدالرحمن مجاهد البراق

لله درك يا سمي ,,,


هنا الرساله الحقيقيه للشعر ,,,


نص تناول قضيه من قضايا هذه الأمه ,,,


صح لساااااانك مدد بلا عدد ,,,,


تقبل مروري المتواضع ,,,,


خالص مودتي ,,,,

لله درك يا سمي ,,,



صح لساااااانك مدد بلا عدد ,,,,



من أجمل ماقرأته

ولاغرابة في ذلك

فشاعرها جزل والجزل لايأتي منه إلا الجزل
تقبل مروري المتواضع ,,,,

فارس الدلبحي

صح لسانك يا أبو مجاهد ..
هنا الشعر رساله .. مضمونها راقي و مصلح
لا هنت
لا هنت
و الله يكتبها في موازين حسناتك



:)





أخوك/محمـــد ال عبـــدان

عبدالرحمن السمين هلا وغلا بالغالي ماعليك زود
ويشرفني تمريرك المتواضع

صح السانك يا بو مجاهد


لا استغرب الابداع منك


الله يكتبها في ميزان حسناتك ،،

ماني بقايـل تريـح ياشعـر ومعـذور
خل القصايد معي تاقف علـى ساقهـا
صح لساااااانك ولاهنت
قصيده معبره وجزله
تحياتي

جزاك الله الف خير ياأبو مجاهد

وصح لسانك مليار

تقبل ودي ومتابعتي

أخوك

عز الله انك تكلمت عنا جميع يا عبدالرحمن

صح لساانك مدد بلا عدد

تقبل مروري المتواضع

كل الاحترام والتقدير

صح لسانك يا عبد الرحمن


جزاااااااااك الله خير



قصيدة تناولت قضية واقعية مأسوية


لله درك

شعر -- جزالة -- ابداااااااااع


لا هنت

عبدالرحمن

صح السانك

صح السانك

شاعر مبدع وصاح قضيه ويازين الشعر الي يحمل قضيه


تحياااااااااااااااااتي

الله يثيبك ويجزاك خير

ويجعل هذه القصيده في موازين اعمالك يوم لقياه


صح لسانك مدد يا عبدالرحمن وبيض الله وجهك ،،

..

اخوى عبد الرحمن


صح اللة لسانك عزاللة انها قصيدة



سلمت ولاهنت

لعلهـا كلمـةٍ تاقـف بيـوم النشـور
تاقف وتشهد معـي لابـان مصداقهـا

عبدالرحمن البراق


جعلها في موازينك


صح الساااااااااااانك مدد


واااافي وجزل


سلمت


تقديري

صح لساااااانك مدد بلا عدد

ولاهنت يابو مجاهد

العام صوت المنادي بالمعـارك جهـور
واليـوم فنانـة العشـاق وأشواقـهـا
ولميس ويحيي سوى معهم مهند ونور
مسلسـلات الضيـاع نتابـع أذواقهـا
ماتت قيمنا على طعن الخنـا والفجـور
وحنا شـوارب لحانـا عنـد حلاقهـا


الله الله

صح لسانك يالبراق
والله المستعان :)

عبدالله البراق

صح لسانك وبيض الله وجهك

قصيدة جزله ووافيه وحقيقه واقعيه وأنت جزل ووافي

الشاعر / عبدالله الفهادي

فارس عبدالمحسن ماعلاك زود يابن العم
وانت الابداع كله يالغالي