نجم سهيل يطل على الجزيرة العربيه هذه الليلة
نجم سهيل يطل على الجزيرة العربيه هذه الليلة والكثير يترقب ظهوره في السعوديه بعدما شوهد في الامارات قبل يومين
. بزوغ هذا النجم سبحان الله ايذانأ بانتهاء فصل الحر ((القيض)) ودخول فصل الخريف الذي يسبق الشتاء . والكثير يحب هذا النجم ويترقب ظهورة ذلك لما له من مكانة عند الكثير من البدو الرحل واهل الماشيه . ومايصاحبة من امطار باذن الله تكون نافعة للملاء والكلاء0 . ايضأ تخف درجة حرارة الشمس تدريجيآ وتهب رياح جنوبيه رطبه منعشة خلال هذه الايام ونجم سهيل احبة . الكثير وتغنوا باشعارة وطربوا لظهورة وكثير من القصائد تكلمت عنه وبهذه المناسبه ابيات تغنى بها . الشاعر فهد المفرج من منطقة القصيم تقول ابياتها0. أنا مولع من صغر سنـي بنجـم سهيـل أحبـه وأحـب اللـي كذلـك يحبونـه الى اقفى لهيب القيظ واقبل نسيـم الليـل وراع القنص والطير جـود دركسونـه علـى وارد ماحـل عقبـه ولا موديـل جديد الجيوب اللي من الشرق مضمونـه الى ريح الفكس أر ومحا سـواة السيـل وبسم الله الرحمـن الـى عـد طبلونـه مجهز ومعهم صنعه الـروس والدربيـل وفرد الـى جـاء لازمـه مـا يخلونـه ومعهم دلال صفـر فيهـن بـن وهيـل وكيفـن مهـيـل للنشـامـا يصبـونـه سواليف وعلوم ونشامـا ودلكـت خيـل ونجر الى جاء الضيـف قامـوا يدنونـه شباب علـى يمنـاه طيـر يهـد الحيـل الى شالوا البرقـع وبالصـوت يدعونـه ياويل الحبارى منـه ويل(ن)لقيبـه ويـل الى ذيرت ثـم شافهـا الطيـر بعيونـه الا يا معصبت الغتـر ياشبـاب الجيـل هو اللي يبـي الخـوه معاكـم تردونـه ويالايمي مالك عاى هل الولـع توكيـل مالك ومال اللي شكا الوقـت وطعونـه عسى لايمي يشكي المرض ويتمنى الشيل يعجـزون طـب المملكـه مـا يداونـه علشان يدري ليه انا أحب نجـم سهيـل لاواعـذاب اللـي سـواتـي يحبـونـه . |
مزون
مشكوره على هذا التنويه ... و كذلك الأبيات المصاحبه... و اذ ما عليك كلوفه.. ما تدرين متى يطلع على لندن؟؟؟ بمناسبة النجوم و طلوعها و حلول شهر رمضان عن أيام قلائل.. تصدقين ان هنا في لندن ما يطلع عندهم الهلال؟؟ يعني المسلمين في لندن ما يصومون على الهلال .. لأن الهلال عندهم ما يطلع .. و لا يطلع عندهم الا في منتصف الشهر الهجري الا وهو قمر لليلتين او ثلاث ليالي ثم يختفي .. أي بمعنى دورة القمر كامله من هلال الى بدر الى قمر ما يباين في لندن و هذي و الله ماهي من زود الثقافه عندي .. لكن مع تحدثي مع المسلمين هنا قالوا ما يباين الهلال و انهم يصومون على اعلان السعوديه الصوم بحكم انها مهبط الوحي.. و اذا قالت السعوديه بكره عيد عيّدوا .. ادري مداخلتي ما لها داعي بس طرّاه سهيل الله يزّاه خار... تحيات كثيرات... اخوس شفق لندن |
الله يبشرك بالخير
قد أهلكنا الحر وموضوع زان بايراد القصيدة لاهنتي |
مزون يعطيك العافيه
والله العجه دفنتنا مع طلوع سهيل الله يكتب اللي فيه خير |
عافاك الله يامزون
والله يزين الحال ويزين الجوء ، |
اسأل الله ان يكون في طلوعه خير وبركه
اشكركتس على المعلومه وعلى الابيات المرفقه كذلك انا من اللي يحبون سهيل وخصوص عند ماتهب الرياح الشرقيه الجنوبيه |
-
مزون بـــــــــشرى ساره عز الله انا نحتريه من مبطي لاهنتي |
حمدلله انتهى الصيف
كل الشكر لك مزون على الخبر |
...
. . . مزون / ماني بـ طالع خلكم بـ القيض :) الله يجزاك خير على الخبر ولاهنتي . . . . ... |
:
لا ظهر سهيل لاتأمن السيل وقيل إيضآ لاظهر سهيل بررد الليل الله يجعل ظهوره خيرآ لنا .. يعطيك العافيه / مزون |
الله يجزاك خير اخت مزون على هالبشاره
نجم يضرب به المثل ويحبه الكثيرون والقصيده المرفقه جميله جدا صح لسان قايلها |
[] إذا طلع سهيل .. برد الليل []
مع إنّ جوّنا / 8 شهور حرّ .. و4 برد :) شكراً / مزون .. على هذا التنويه .! |
،
شكرا (( مزون )) .. لكن سهيل هذا له وجه آخر أنتم ما تعرفونه ، يتجلى في هذا البيت / الله لا يجزى سهيلٍ و مبداه _________ عجّل على باقي النخل بالصرامي ههههههههههههههههه <- شريطي رطب . |
مرحبا × مرحبا يا سهيل اليماني
لا هنتي يا مزون :) |
فيه مثل كويتي يقول ((لا دلق سهيل لا تأمن السيل ))
الله يجيب سهيل ويجي معاه سهيل يارب غاليتي المزون يسلمو ياحياتي فرحني خبرج والله ماحب الصيف يزهق الشتاء أحلى شيء ’’’ وكل عام وانتي بخير |
| جميع الأوقات بتوقيت GMT +3. الساعة الآن 04:33 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية