النرجسيه + الشاعر الكبير زيد بن مبشر الحثل الحصني
 

[align=center]السلام عليكم ورحمة الله وبركاته
هذه قصيده أسنتدها الى المدرسه الشعريه / زيد بن مبشر الحصني
كي أنهل من منهله وأستفيد من خبراته الطويله بالشعر[/align]





[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]

يا زيد أبن مبشـر بقـاف ٍ مثيلـي=عنوانـه الطيبـه بـذوق ولباقـه
سلام من بنـت الكريـم الأصيلـي=اللي بعالـي نجـد يرعـى نياقـه
ســلام لا بالله مـاهـو قليـلـي=واحلى من اللي حالي ٍ فـي مذاقـه
يا زيد شفنا منـك شـي ٍ جميلـي=صاير لسان الكـل عنـد الملاقـه
الاولـه مشكـور شكـر ٍ جزيـلـي=والثانيـه لـو كـان عنـدك لياقـه
رد الجواب ان كـان عنـدك دليلـي=وعطني من الأزهـار مقـدار باقـه
ياخوك انا قلبـي صويـب وعليلـي=مثـل إبـدوي ٍ فاقـد العـام ناقـه
ياخوك بعض الناس من عرض جيلي=امـا سلمنـا منـه جنـا نفـاقـه
اليا سكتنـا عنـه جـاب الرذيلـي=وإن كان جادلنـاه صـارت حماقـه
والحمـد لله يـوم بالـي طويـلـي=ورجلي عن الشينـات دايـم معاقـه
أقـدر الطيّـب وأعـده زميـلـي .=واعرف معاييـر الغـلا والصداقـه
اقـدره تقديـر مـالـه مثيـلـي.=.وأسابقه بالطيب وأكسـب سباقـه
اما الـردي مالـه مقـام ونزيلـي=الناس كـل النـاس تبغـى فراقـه
اكثر علومـه بيـن قـال ٍ وقيلـي=عنده طمـان الهـرج فـن وحداقـه
ناس ٍ تعشق الطيب وتصهل صهيلي=وناس ٍ تعشق الشر دايـم عشاقـه
والطيب ما يعرف خضيـري قبيلـي=الطيـب بالطيّـب تكـون العلاقـه
والفرق واضح بين طيـب وهزيلـي=مثل السماء والأرض واسع نطاقـه[/poem]





[align=center]هذا رد الشاعر الكبير / زيد بن مبشر الحصني الحربي[/align]

[poem=font="Simplified Arabic,6,orangered,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]

ماللأصيله غير أخوهـا الأصيلـي=ولا للعِلاقه غيـر أخـوه العِلاقـه
النرجسيه جابـت آخـر موديلـي=وتطرّقت طاروق ما هـو سِراقـه
وأنا من اللي لي ويـش يغديلـي=كل الحقـوق مسجّلـه بالبطاقـه
يامرحبـا ترحيـب نـو ٍ ثقيلـي=للبرق بعروض الخيـال إنشعاقـه
يفرحبه اللـي كـل ذوده هزيلـي=ما عنده اللي مـا يـذوق ٍ ذواقـه
لوالله أحلى من حـلا السلسبيلـي=على الكبود المرهقه عقـب فاقـه
ما أقول غير من الكثيـر القليلـي=ترحيبة المشفي بشـوق وشفاقـه
يابنت ما نـي للمشاكـل كفيلـي=آخذ جـلال العلـم وأتـرك دقاقـه
لوا هجادي منـك وآطـول ليلـي=أبحث عن الجوده برفـق ورواقـه
أحاول أقنـع كـل مـن يشتكيلـي=اللي من الأجنـاب ومـن الرفاقـه
واللـي يـدوّر حـل للمستحيلـي=ماله سوى حـل ٍ يضيّـق خناقـه
عسى الثّقه من كل جانب حصيلـي=والآدمي لولا الثّقـه وش وثاقـه
عندي ثقه في عملتـي وبعميلـي=ما أحمّله مشروه خـارج نطاقـه
أرد كـان الحـق مالـه بديـلـي=والكذب بظهـار الحقايـق زهاقـه
ولاني برأيي حسب عرفي بخيلـي=ولا أبادل الجاهل كفـوف الحلاقـه
عندي دليل إن الثّقـه مـا يعيلـي=ولابـد للعاقـل بوقـت إنعـزاقـه
وأهل الكلام السيء ما أخلوا سبيلي=قبلك لحقني مـن غثاهـم لحاقـه
لو ضقت ما أشعل بالزناد الفتيلـي=مرونتـي خشنـه ولاهـي رقاقـه
يابنت ما أشفي بالنميمـه غليلـي=أقـول وأقابـل بـدون إدّراقــه
ولا تجامليـن مروّجيـن النقيلـي=وراع النّفاق يطق مع عظم ساقـه
يعني على ما قيل مثـل الرجيلـي=وإن قيل هذا ليه؟ قولـي حقاقـه
يالنرجسيه لـو مصابـك جليلـي=العـود الأزرق جودتـه بإحتراقـه
وتقبّلـي تحيـتـي وإسمحيـلـي=القـاف متعبنـي بكثـر إنطراقـه[/poem]

...
.
.
.




بـ البدايه يامرحبا والله ومسهلا بـك في ( منتديات المرقاب الأدبيه ) .,

وابرك الساعات وجود شاعره مثل ..[ النرجسيه ].. تجيد القاف بـ كل متطلباته .,

وثاني شي :- هذه القصيده المسنده على الشاعر العملاق / زيد بن مبشر الحصني الحربي.
تعتبر خطوه جريئه ولكن اجدتي بـ بالإسناد .,

ودليل على ذلك قوله :-


النرجسيه جابـت آخـر موديلـي
وتطرّقت طاروق ما هـو سِراقـه



النرجسيه / صح لسانك مليون وصح لسان ابن العم العملاق / زيد بن مبشر الحصني .



تقبلي مروري ومتابعتي .



.
.
.
...

مرحبا ومسهلا في منتداك

وصح لسانك

ولسان زيد الحصني

الله الله الله الله

يا سلام على هالابدااااااااااااااع


صح لسانك مليون يالنرجسيه
وصح لسان الشاعر المبدع زيد

لاهنتووو على هالحضور الوااافي

ويا هلابج ومرحبا في منتداج

لاهنتي

احترااامي

و
ج
د

مساجله راائعه

وبداية تستدعي المتابعه

الف شكر والف هلااا

وصح لسانك ,,

وعلى الرد الوافي صح لسان زيد

.

النرجسيه.,

عزالله انك شاعره,,ومبدعه وجزله
قصيـــــــده وابيـــات تدل ان ورائها بحر من الجزاله والشاعريه,.,
صح منطوقك وفكرك.,



وصح منطوق ابن مبشر الحصني,,

ولاهان

والطيب ما يعرف خضيـري قبيلـي
الطيـب بالطيّـب تكـون العلاقـه


======

يابنت ما نـي للمشاكـل كفيلـي
آخذ جـلال العلـم وأتـرك دقاقـه



استمتعت


صح قلبك يا النرجسية .. وصح فكر الحصني

يا هلا وسهلا
 

يا هلا وسهلا اخوي عبدالعزيز السبيل

وشكرا لك على ترحيبك واستقبالك

وصح بدنك

والله يعطيك العافيه

تقديري

يا هلا وسهلا
 

الله يعطيك العافيه اخوي ضيف الله

وصح بدنك

تقديري

العود الأزرق جودتـه بإحتراقـه
العود الأزرق جودتـه بإحتراقـه
العود الأزرق جودتـه بإحتراقـه
العود الأزرق جودتـه بإحتراقـه



ياسلام ياسلام
رديّه ولا اروع شاعره متمكنه وشاعريه واضحه
مرحبا ومسهلا
وصح لسانك ولسانه
دمتي كما تحبين

صحت ألسنتكما و لا هنتوا
بدع و رد جميل بما تحمله الكلمه من معنى



:)




أخوك/محمـــد ال عبـــدان

الله الله

صوت وصدى ولا اجمل

صح الله السنتكم

تحياتي

أقـدر الطيّـب وأعـده زميـلـي .
واعرف معاييـر الغـلا والصداقـه
اقـدره تقديـر مـالـه مثيـلـي.
.وأسابقه بالطيب وأكسـب سباقـه


يا سلاااااام ياسلااااااااااام

صح لسانك يا النرجسه على هذا البدع القوي


يفرحبه اللـي كـل ذوده هزيلـي
ما عنده اللي مـا يـذوق ٍ ذواقـه

الله الله

والرد على المستوى المتوقع من شاعر كبير والكبير الله ,,,, صح لسانه


تحيتي ومتابعتي

اخوك

منوره يا وجد
 

العزيزه : وجد

يا هلا وسهلا

نورتي الصفحه بحضورك

ولاهنتي انتي

وكل عام وانتي بخير

تقديري

هلا وسهلا
 

الاخ الكريم / محمد الحمياني

يا هلا فيك وشرفت الصفحه بحضورك

وصح بدنك

ورمضانك مبارك

تقديري

الله الله الله


عانقتم بهذه

الدرر تلك

السحب السابحه في الفضاء

الرحب

هكذا الشعر

وهكذا الابداع .... ليس له حدود

هلا وسهلا
 

هلا وسهلا اخوي عبدالمجيد

وصح بدنك واشكرك على إشادتك

وكل عام وانت بخير

تقديري

زيد بن مبشر مافيه حيله



يكفي انه من ابن عم العلم سبيل بن سند

النرجسيه ..


صح السانك وسلمتي ..

حضور رائع وجميل وهذا يدل على وجود شاعره تكتب قصائدها من ذهب ..


دمتي كما تحبين ودام نزف هذا القلم الرائع ..


لكي مني كل التقدير ..



وصح السان الشاعر الرائع ...زيد بن مبشر الحصني